點解港鐵咁反智，輕鐵智能售票機唔可以買月票？

嘅然輕鐵售票機全部智能化，提供增值服務。
點解唔可以俾乘客買埋月票？現有硬件不會是技術問題。

只需在增值主頁提供多一個按鈕，售票機接受了適當金額，便更新八達通某些資料位元便可。
難度相等於大學電腦科的一堂lab

咁樣既方便乘客毋須排隊同到西鐵站購買，客務中心亦無需集中處理大量人流，一舉多得。
技術完全沒有困難。

港鐵助理公共關係經理─對外事務 林小姐就話實際安排有困難, 但我睇唔到有咩實際安排有咩困難喎!
"就預售的建議會轉達相關部門作參考，港鐵在提供優惠時會參考市場的情況，由於顧客群不同的需要，在售賣購票亦需考慮技術支援及資源運作等因素，包括售票地點的空間、處理購票需求的負荷等，特別是能否在輕鐵站購買全月通，港鐵曾經研究有關建議，惟考慮到實際安排，有關建議較難以實行。港鐵會觀察現時整體的需求情況再作檢討"
http://www.districtcouncils.gov. ... minutes/WGMTS/wgmts(2016)_3rd_minutes.pdf

其實唔難理解點解佢地唔做
1.月票係前朝既產物,根本佢地唔想做,只係為左保留客人先繼續keep住,所以hea得就hea
2.每個站頂盡4部(雙月台計),一個唔該撞正啲盲毛就真係多得佢地唔少,排cuc至少都叫做可以分流處理
3.淨係西鐵月票都已經4種玩法,同埋售票機唔會識分你係邊種人,但cuc可以
4.月票只限前7後7發售,我覺得最大原因係售票機依然唔可以特定日子發售特定票種,你見第一個星期六售票機依然賣緊正價飛就知

月票一張都五百蚊

最大問題係售票機唔收五百蚊
加上龜龜都唔想街外售票機Keep著咁多張五百蚊

當然 好多野係可以做但係唔做姐

例如將屯門南昌全日通加入八達通都未做到

更加唔洗講係月台賣添

只係龜龜唔做姐 俾多程輕鐵錢  駁地鐵又只能俾單程車費 又要特別去客務中心補票

就係唔係咁想你用

希望到時有左新出入閘機會有轉變

（OT： 拎著全日通去到海怡半島點補票？）

不過咁客務中心排晒隊都係龜龜自己攞黎衰

限死自己只有七日前賣咪盞堆晒係度

其實加到兩個星期前已經好好多

對龜龜黎講唔洗係月尾要咁多額外人手賣飛咪仲好

又唔會因為咁而影響銷量既

但如果你話機器賣月票可以慳錢

放心 龜龜已經識外判客務中心黎慳錢啦

053h4 發表於 2017-4-1 12:06
呢鋪我撐港鐵, 輕鐵月台咁迫, 有位比人排隊買月票?

不同意。月票售票點會由現時12個車站增至輕鐵沿線160部售票機。
排隊人士將分散到68個輕鐵站

到而家D人都仲未識用售票機增值,淨係售票機增到值已經搞到一獲泡,仲話要賣埋全月通,到時真係冇眼睇

於市區線某些車站(如鰂魚涌 金鐘 中環 香港 觀塘 九龍灣 旺角)增返專門counter(類似換領生日獎那種), 已經舒緩到唔少啦!

其實早少少買月票, 咁咪唔駛排隊以本人經驗, 31號同1號最多人排隊