(長文) 昨夜, 九巴混能首行西隧遠征青衣之夜遊記 - ATH3 @ 948

上回提到荔廠混能巴 ATH3 曾創下一些特別的載客紀錄,
除左做過104要柯打的線:  118, 2E 同埋 112, 171, 102 之外
更曾先後特見過兩條來往東九龍至新界的路線:
38 同埋經大老山去大埔的 74X.....
係六架混能巴中走得最多唔同地方的一部......
不過之前的特見我都夾不到時間,
直到尋晚 (4月7日), 終於親身見證到佢出走其他線的一刻....

晚上特別安排: 948 長宏
尋日下午, 我在旺角見到佢如常做104, 之後我再去遊其他河.....
遊到七點多, 在返回港島途中, 收到 友好 whatapps 報料,
話ATH3 做 948, 我都 O 左, 之後再問架車位置, 原來在天后.....
當時我在東廊, 再 Check ETA, 剛岩有四個字等, 就在北角下車;
坐鐵去天后, 架車係做一單 2020 去青衣班次.....

到巴士總站, 真係眼前一亮, 混能巴 TB5034 在我眼前!
車頭係 "長宏 948", 係架車第三次入新界, 第一次載客入西隧同青衣~~~

起初側邊有其他車泊住, 不久就駛走, 我就影佢門位, 見證特別一刻....
晚上 2020, 架車如期開出, 由維園到中環, 都有不少行家聞風而至,
捕足架車特見一刻, 不過到新界前沒太多行家在車.......
由於過左繁忙時間, 架車都係下班一族多.....

港島區留影
按下觀看由ITALK 官方出的相:
http://www.hkitalk.net/HKiTalk2/forum.php?mod=viewthread&tid=1010295&extra=page%3D1&page=1

同埋兩位站友的相:
http://www.hkitalk.net/HKiTalk2//forum.php?mod=viewthread&tid=1010440&extra=page%3D1
(By michael5187)

從西隧到青衣
過皇后街入西隧, 我覺得就好似坐緊城巴同款 8400 行 969,
但出西隧口的暗斜略為乏力, 好在上左公路車長都努力地策騎,
亦都跟住 930 MMC 尾, 到美孚段之後先過頭........
(架車本身配置都唔係比公路用, 平路加速在公路表現已算不錯)...

到青衣, 架車上美景花園暗斜表現好似好番一些, 如行平路咁,
轉眼到長安, 開始有行家影完車, 上車享受最後數站行程.
返長宏, 我都同行家一起影架車泊在長宏的兩邊相....

按下看站友 skm213 在青衣的留影:
http://www.hkitalk.net/HKiTalk2//forum.php?mod=viewthread&tid=1010296&extra=page%3D1

一個多字後車長上車熄燈, 將架車駛出站回廠
亦都代表混能遠征順利完成, 我也盡興地坐車去醫肚....

最後, 送上四張在兩邊總站的留影,
如果九巴logo 完整點, 該是更好

多謝點閱......