秀茂坪大圍巴士線幾時有消息

del

ccchhhuuunnn 發表於 2017-4-24 23:34
28_係區內線只係巧合

其實源自八十年代尾九十年代初推行單層豪華巴士，主要係AM，有冷氣，(相對)高背椅， ...

270、273和276係大埔區和北區路線編號，76代表北區至元朗 (當然大埔區/北區X字尾路線使用另一個系統)，70、73代表粉嶺、上水市區，73代表文錦渡

290, 299係西貢區路線號碼，99代表西貢至沙田、90代表調景嶺

不同地區路線編號方式自然不同。

沙田區28_整數代表區內線，288都係依從這個系統而衍生出來。

88X已經使用左，如果用X剩返84X。現在沙田區剩返88系、84系可以使用 (84M、88K使用M字尾、K字尾系統編配)

80除左代表大圍至觀塘外，而家代表埋穗禾苑。

依照沙田區路線號碼系統，秀安沙線號碼可以用80A, 80B, 84X, 88A, 88B, 89A, 280A, 280B。

HR1377 發表於 2017-4-25 07:44
270、273和276係大埔區和北區路線編號，76代表北區至元朗 (當然大埔區/北區X字尾路線使用另一個系統)，70 ...

不同地區不同編排方式係啱
但沙田區唔係特別唔同
只不過係九十年代初有開276/299區外線，無開過 28_嘅區外線

九十年代初，冷氣單層豪華巴士，因為佢本身特性，除咗區內線，只係適合客量較少嘅新界誇區線

屯門去沙田/上水叫263/261,好明顯係屯門『主場』
上水去大埔/沙田叫73/73A, 係上水主場
上水去元朗叫76K/77K/276/277,係上水主場
大埔去沙田72A, 係大埔主場
西貢去沙田叫299, 西貢係主場

沙田作為最接近市區嘅新界新市鎮
新界跨區線編號都係跟返更偏僻嘅對家
根本開唔到一條沙田主場嘅單層豪華巴士新界誇區線，係一個客觀結果

所以28_係區內線只係一個結果，唔係一個原因
289唔啱跨區線呢個理由係倒果為因嘅謬誤
唔通開到286的話，288就唔叫288咩
同
288跟282/3/4係有原因又唔代表無其他嘢可以跟呢條隊

ccchhhuuunnn 發表於 2017-4-25 11:49
不同地區不同編排方式係啱
但沙田區唔係特別唔同
只不過係九十年代初有開276/299區外線，無開過 28_嘅區 ...

水泉澳至沙田不使用286呢個編號不想同86混淆

尤其這條線與86在沙田市中心一帶有重疊車站，避免乘客誤乘

如果兩年前既青沙線286開得成，甘咪又破壞左沙田區內線用28_呢個系統

HR1377 發表於 2017-4-25 07:44
270、273和276係大埔區和北區路線編號，76代表北區至元朗 (當然大埔區/北區X字尾路線使用另一個系統)，70 ...

280X 286X 287X係青沙線, 但281X同前284X都唔係青沙線, 得三條線就將28_X同青沙線畫上等號, 會否諗埋個位數的意思?

其實你都講到0係穗禾(對外線)/大圍-東九, 6係西九, 1/7係油尖旺, 9係東九, M K線分開計, 我想問青沙線開到去觀塘的機會有幾高? 而家最盡去到獅隧, 得返三條80 89 89B.

亦有人話8_X係大老山線, 80X 82X 83X 84X 85X 88X 89X都係, 唯獨86X 87X係獅隧線.

既然講到編號係咁有系統, 但獅隧281X 86X 87X已經證明左凡事總有所謂嘅「例外」.

沙田-九龍A B C D E都有所謂的根據, 行沙市冇一條用A B C D E, 不論行完沙市之後, 架車去左瀝源 禾輋 火炭 黃泥頭, 連去大埔都係冇字母.

又返去一點, 點解你覺得289X會同89X混淆, 289會同89混淆, 同時289係區內線, 但如果用某些人認為合理的88就唔會混淆?

我用40 40P 40X行埋同一路段做例子, 你又唔會話混淆同誤會, 因為4_X行城隧. 到我話40P點解唔混淆? 因為49X有分支線49P, 46X有分支線46P, 43X有分支線43P, 連最新都有48X分支線48P, 點解40P同40X行埋一齊, 而且有所謂的編號系統, 40P會同40X完全無關, 行埋一齊都冇人混淆(包括你自己), 因為大家都識睇目的地上車囉, 梨木樹客唔會當架車去葵涌, 去觀塘會唔識上車.

再講, 城隧線可以用埋41X 42X 44X 45X, 海濱為左凸顯出係自己條線, 不惜打破慣例叫做38B, 當正38系係海濱, 查實238先係囉, 新界之間的路線可以用2_ _去排, 佢唔用238, 走去用38B, 到時城隧轉車站有冇人唔識上車? 正常應該冇, 因為大家都會睇站牌.

今年路線計劃將38P重用到38特別線, 海濱本來淨番條38A, 其餘都係238系, 將38A改動下改埋編號做238系, 相信有呢一日, 但有左38B之後, 38系繼續兩區共用, 38系同238系同你所認知的89系和289 289X(如有)相信要繼續「混淆」落去.

秀沙線行沙田大會堂, 有板友舉左例如果秀沙用288X有可能同288A一樣俾人問去唔去水泉澳, 所以288X唔一定理想, 如果叫88又有冇呢個問題出現? 因為咁88同288就行埋同一條路, for你一個就係因為289會同89混淆, 所以288會同88混淆, 對嗎? 但係果條街8_「係人都知」係出市區, 所以叫88唔會同288混淆, 行相反方向反而係同一貫出市區方向的8_混淆.

288A可以引申多一個問題, A線係俾對外線用, 但係去到2字頭就例外? 因為咁耐以來得281A係2字頭又係A線, 而288A係打破左咁多年來的「定律」, 用A做區內線分支, 其實佢可以用K.

你可以話281A係跟81輩, 當年因為有冷氣要用2字頭, 所以由281P而來的281A就用左2字頭, 連帶由81C分拆的281B 281X都用左2字頭.

講到呢度, 又講返281X, 點解行獅隧就叫X? 同行青沙有關嗎? 281X開時有幾多青沙線? 答案係281X開辦時, 286X都未正式出現, 後來由87A而來的287X, 仲有由280P變身的280X, 用28_X都好正常, 但係就係咁俾班人當左28_X似青沙線, 似還似, 實情係鵲巢鳩佔, 佔完仲好似順理成章.

有284X嘅年代, 唔知大家喺邊呢, 唔知青沙公路幹線計劃成點呢?

其實我個人都認為289作為秀沙線係最好, 只係289X都唔差.

九巴已經唔用以前o個套
最緊要no易記

EX-TL 發表於 2017-4-25 13:04
280X 286X 287X係青沙線, 但281X同前284X都唔係青沙線, 得三條線就將28_X同青沙線畫上等號, 會否諗埋個位 ...

28_X當然會諗埋個位數字意思，只是部份版友同青沙線劃上等號

依照 閣下對路線號碼定律，288A應該用S字尾而不是K字尾, 因為K字尾代表區內全日服務路線，S才代表沙田去市區和區內繁忙時間路線。