本帖最後由 ctb7k-pc6795 於 2017-5-13 13:23 編輯
多謝行家報料, 令我同其他友好一起於尋晚見證特別配置都普躉最終一章,
2301 最尾兩日本來在南區渡過, 更在前晚泊香港仔過夜,
尋日亦都如常做 70; 到放工, 突然收到消息話佢在中環交廣跳去做690....
就即刻坐鐵去藍田等, 最終在晚上七點四上到車....
我的友好一路都WHATAPPS 2301 行程, 到最尾一單遇上塞車,
可惜兩軸富豪7500 當晚好似無行,
唔係就可以有機會造就同車號車牌的合照......
上左車, 架車滿載, 力不從心, 冷氣不足, 都在慢遊狀態,
返到康盛花園, 就係佢最後的一站;
影左數張相, 都影埋佢轉私牌, 但側牌未轉的樣子,
遺憾梯位相炒左.......
架車私走就係返廠榮休, 剛才上網搵2301 的資料,
佢都曾為城巴做特別的宣傳車, 分別係千禧年, Greener Bus 同埋馬年賀年廣告,
十八年來周圍走, 尋晚架車真係夕陽已到, 終須一別....
謝點閱, 唔知各位大大有無2301 新出的相??
有的話不妨可以貼下, 一齊回憶.....
|
