[珍寶波子機- CAV波掣] 轉波手勢示範

HE7921 發表於 2017-5-26 21:11
咁同棍波有咩分別？唔洗用左腳踩極力子？

等我深入講解吓先~

一般叫開嘅半自動波，都係Self-Changing Gears（SCG）公司嘅設計，可以係SCG自已生產，亦可以係授權生產，例如丹拿造嘅叫Daimatic，AEC造嘅就叫Monocontrol。
珍寶波箱剖面圖：

結構上，SCG半自動波嘅核心係一串行星齒輪組，每一組行星齒輪外面都有一個齒環，用brake band鎖實一個齒環就等於入咗嗰個齒環相對應嘅波段（1:1嘅四波就係用multiplate clutch將成串行星齒輪組鎖埋，變成一嚿）。
有一點要留意，波箱入面四組行星齒輪，除咗一波之外，都唔係獨立運作。
全部五個波傳遞動力時，都會用到一波個行星齒輪組。每入一個波（鎖實一個齒環），所牽涉到嘅齒輪組就會控制一波齒環嘅轉速。而每個波嘅齒比，就係由一波齒環轉速決定：
一波：一波齒環唔轉，輸出軸行星齒輪架夾喺齒環同輸入軸太陽齒輪之間，於是當輸入軸轉時，輸出軸行星齒輪架就被迫跟住轉（以珍寶計，齒比係4.15:1）
二波：一波齒環連住二波行星齒輪架，當鎖住二波齒環，一波齒環就會同輸入軸同一方向轉，所以輸出軸會轉快咗（2.36:1）

三波：二波齒環都跟住輸入軸同一方向轉，令一波齒環再轉快啲，齒比就更細（1.56:1）
四波：成串行星齒輪組一齊轉（1:1）
後波：一波齒環轉嘅方向同輸入軸相反，結果輸出軸都反方向轉（-4.88:1）

至於棍波，就係layshaft設計，每個波各有一組齒輪，全部係獨立運作。輸出軸上面嘅齒輪只係套住條軸，可以喺上面空轉。入波時，波叉將狗牙推向嗰個波嘅齒輪，令佢同條輸出軸咬埋，先至傳到動力：
https://www.quora.com/What-is-a-synchromesh-gearbox-and-how-it-is-different-from-a-constant-mesh-gearbox

50年代推出嘅SCG半自動波，源自30年代出現嘅Wilson先選式波箱，基本結構同運作原理都係一脈相承：

兩者唯一分別係brake band／clutch嘅運作方式唔同 - 半自動波每一組brake band／clutch都由各自嘅氣缸控制，邊組鬆開、邊組咬埋係由氣缸入面嘅氣壓／油壓決定，每個氣缸入面嘅壓力由波棍經過閥門控制：



至於先選式，就係用純機械結構去控制各組brake band同clutch。波棍扭郁條cam shaft（M），上面嘅凹位決定邊個係下一個波，呢個就係「先選」。
揀完波之後，司機左腳踩落波掌（唔係極力子！先選式同半自動波都係用液壓飛輪，停定時入住波都唔會拖停引擎，起步直接踩油就得，絕對唔使任何「吊極力子」嘅動作），壓低條busbar（D），原先咬埋咗嘅brake band／clutch就會鬆開，效果等於踩住棍波車嘅極力子。喺連桿E、L同彈弓X、Y嘅作用之下，被「先選」嗰個波嘅連桿被推向內，所有其他波嘅連桿就彈向外，離開條busbar。
跟住司機鬆開波掌，busbar彈返上去，只有被「先選」嗰個波嘅連桿E會被busbar勾住，再經過一系列連桿令嗰個波嘅brake band／clutch咬埋，就為之入咗波。
因為先選式全靠busbar嗰條好硬嘅彈弓去咬住brake band／clutch，所以烏咀狗塊波掌鬼咁彈腳...


雖然SCG半自動同Wilson先選式嘅結構可能比較古老，但係佢哋嘅核心設計 - 行星齒輪組 - 就經得起時間考驗，因為ZF Ecomat（可能連Ecolife都係）一波至四波所用嘅行星齒輪組設計同運作原理係同SCG／Wilson波箱一樣，只係超比波同後波唔同！
http://www.tokoloschi.de/vck/vgt/gt_www/ans_zfecomatgetriebeplan.htm

EN1504-201 發表於 2017-5-26 05:32
講起司機嘅轉波手勢，我今年喺英國都搭過幾部半自動波巴士，基本上可以分三種：

1. 多數都係正宗揸法， ...

坡柴的轉波聲, 同片中不太相似, 片中架英國Atlantean轉波時有一下「節」一聲, 用以呼油, 聽聲亦頗順暢(當然挫不挫, 睇片睇唔到)

但坡柴個波箱轉波聲同香港當時的珍寶差不多, 只不過是自動轉波不用人手而已

但最重要的是, 坡柴的波箱電腦是沒有拖波功能, 只能單純地1-2-3-4轉檔, 這與珍寶不同, 新加坡平路多倒沒有多大問題, 但嚟到香港就大問題了, 因香港斜路多, 試下一架車上緊斜都仲一路轉波(尤其是行96, 98號線上利東), 只會愈跑愈冇力, 最後擺街收場, 所以坡柴初到香港時壞車率頗高, 後來城巴加咗塊電路板到波箱電腦, 容許以人手拖波(Selection Hold), 更有幾輛改以半自動操作, 情況才有改善(所以後期坡柴也可以派走73及85線).

HE7921 發表於 2017-5-26 21:11
咁同棍波有咩分別？唔洗用左腳踩極力子？

有分別, 半自動波箱是沒有極力子的, 在香港的法例上亦當作是自動波車
想像下, 您在70年代在中巴當司機, 而您持有的駕駛執照是10A或17A(A代表自動波), 在站頭有一架裝有半自動波箱的LF同一架要踩兩腳極力子的PD跑相同路線, 您可以駕LF, 但唔可以駕PD.
(當然, 當年不是這樣分車種, 只是舉例)

gordon 發表於 2017-5-30 23:52
坡柴的轉波聲, 同片中不太相似, 片中架英國Atlantean轉波時有一下「節」一聲, 用以呼油, 聽聲亦頗順暢(當 ...

乜「呼油」唔係指補油／踩空油咩？師兄講嘅情況似係鬆油／收油喎

「坡柴的波箱電腦是沒有拖波功能, 只能單純地1-2-3-4轉檔, 這與珍寶不同」
即係上到四波之後，就算一路踩剎車到停定，個波箱都唔識轉返低波？聽落好恐怖
我唔奢求佢識kickdown，但減速時自動轉低波先合理㗎...
坡柴個波子機上面後加嘅Hold波位，應該可以當而家嘅鎖波掣噉用，等上斜時唔好亂咁轉高波
另外，係同半自動定自動波珍寶唔同？聽聞自動波珍寶個Hold波位同時有加減波功能？

啱啱搵到段坡柴錄音，係A674，行98號由利東去香港仔：
https://www.facebook.com/groups/305526359193/permalink/10155293074049194/
唔肯定佢係自動波定半自動，但我覺得佢絕大部分時間係行緊自動mode，因為人手轉波好少可會逐個波拖到停定

gordon 發表於 2017-5-30 23:59
有分別, 半自動波箱是沒有極力子的, 在香港的法例上亦當作是自動波車
想像下, 您在70年代在中巴當司機,  ...

SCG半自動波，其實結構上同一般自動波（例如ZF Ecomat，當然唔係講緊富豪I-shift呢啲「自動手波」）大同小異，只係要人手轉波噉解，所以要改做自動波並唔難
甚至連前身Wilson先選式，結構上都係似自動波多過手波，只係要用手揀波、用腳入波

好似話連先選式都唔使手波牌，因為佢雖然同手波一樣有三塊踏板，但佢個波掌只係gear change pedal，踩完鬆開就轉到波，而唔係用嚟操作極力子，性質上同波棍差唔多

講返轉波手勢，有段幾正嘅片，係教人應該點樣揸半自動波巴士，入面全部都係反面教材，有由四波直接拖落二波，重有空波落斜
https://youtu.be/GE6p-KffdTo?t=20s

EN1504-201 發表於 2017-5-31 01:22
乜「呼油」唔係指補油／踩空油咩？師兄講嘅情況似係鬆油／收油喎

「坡柴的波箱電腦是沒有拖波功能, 只 ...

自動波珍寶有冇+-功能真係冇印象, 不過見過司機揸自動波寶時, 不斷用「3-空-3-空-3-空......」來轉波, 相信應該係傳說中的+-功能

相傳當年坡柴在葵涌落船後揸返火炭廠, 在和宜合道上斜時已因為車子轉了高波轉不回低波而擺街......