(7+6 pix) 都普躉 ATR149 (JC2254) 最後的東九服務: 89X

舊年七月大白龍終極一單全車載滿哂大小巴迷, 車長站長果陣忙到不可開交.....
今次送別都躉 ATR149 (JC2254) 難得可以靜靜地送,
站長都難得不用太緊張.........

講番架車, JC2254 新出係大埔車, 首掛 271, 但好快轉去沙田,
先掛 281A, 再活躍城隧, 亦曾再北上, 並做 東隧 678 常用柯打車,
亦都去過屯門, 掛61X 62X 進出東九; 回到沙田之初掛88X,
最終回到馬鞍山掛 40X......

架車五日前重返舊掛牌線 40X, 尾三日都係行走大老山隧道進出東九龍....
最後一日行走 89X, 晚上九點收工......

尋日本來坐緊18號短龍, 但因為旺角塞車, 就決定改坐東鐵去沙田搵 2254,
架車到六點九終於到站, 我就趁機影佢轉彎同埋泊站頭, 再等佢七點開最後一轉......

難得車上人流疏落, 使我可以安坐車中去觀塘站, 並且再影相,
佢在1953 開出終極一班, 我再上車果陣都可以影埋佢內部......
下面再貼埋佢 尾單同埋返沙田的最後留影...

最後一單, 車子以正常速度行走, 沿路不太塞, 沒想到在愉翠苑見到前一班車!

我都趁機影多兩張內籠相, 第一張, 都普身 Trident 的下層橫位, 係佢最大特色;
第二張, 架車入面下層告示都無哂 (溫馨提示, 客量果堆).........

架車回到沙田站, 就再影落客一刻, 架車之後去到 263 站後面拆牌,
交牌拍卡之後, 車長就上車熄燈, 把車子駛回車廠結束佢十八年的載客服務......