本帖最後由 ctb7k-pc6795 於 2017-6-1 01:35 編輯
細個果陣, 家人會帶我去清水灣去拜山, 果陣未有將軍澳線,
就會坐 九巴的 91 去清水灣果邊, 由熱奇坐到短龍,
坐到短龍梗會開心, 因為唔駛咁熱, 果陣 91 多用 黃柱短龍做掛牌,
亦到有掛頭批 (我坐過 FT8994);
而最新果架 就係北區最後退役的 ADS232 - JD3484 (果陣都有坐中佢)
到左今年, 短龍就快一掃光, 估唔到在五月尾端午節會重回西貢清水灣,
當時我同友人坐緊 271短龍 JD2522, 但架車後來在廣東道私走上橋,
在九龍塘又見唔到佢, 之後收到消息最後短龍 JD4215 私去清水灣
並會做一單 91 返市區, 就即刻改行程, 去科大....
到科大亦都見多兩位同行, 都一起靜侯這珍貴時刻....
等左兩架短金之後 (*有一架頂閘), 終於聽到一把好響的聲,
就係最後短龍 JD4215......
不久就轉入科大, 之後轉彎轉入站, 我就即刻影佢掟彎一刻,
再影埋佢埋站就同友伴上車, 它的目的地牌更顯示 "地鐵站",
仿似入左時光隧道, 回到當年....
上到車, 架車都坐滿, 好在都有得企, 車長轉眼就把車上落完清水灣道,
直奔新清水灣道, 彩雲坪石落客, 並返到鑽石山站.......
呢一程車, 都極大機會係我最後一次坐短龍行清水灣道.....
坐這程車, 令我百感交集...以前同家人坐, 最後一次就同行家坐,
沒想到這特別安排我可以見證到, 短龍重遊舊地, 亦快成絕響....
返到鑽石山站, 好多行家都一齊留影. 架車停左一段時間,
車長同後生職員一齊拆牌, 架車就在多名行家見證下離開返廠....
歡迎大家都分享下對 短龍行走 清水灣道的回憶, 謝點閱.....
|
