重口味慎入: 建議290B大幅改道

背景:

現時將軍澳工業區放工時間大多數市民會選擇依靠廠車/小巴/巴士接駁鄰近港鐵站(康城/寶琳/將軍澳)轉乘港鐵, 小部分會選擇轉乘將軍澳區巴士.

有見及此，九巴及運輸署於2017年頭開辦特別路線290B於黃昏繁忙時間由將軍澳工業邨開往荃灣西站，方便這班通勤客.為小弟認為此線定位錯誤,班次亦不足,因此未能完全吸納將軍澳工業區的龐大客源,故提出建議.

290B 將軍澳工業邨 往 荃灣西站

收費:

全程收費 $10.7

葵芳廣場起 $5.6

班次:

星期一至五  17:00-19:00(15)

總共九班

路線

01. 將軍澳工業邨巴士總站

02. 駿宏街

03. 駿才街

04. 駿盈街

05. 駿光街

06. 日出康城領都

07. 日出康城首都

08. 百勝角

09. 清水灣半島

10. 駿業里

11. 創紀之城

12. 定富街

13. 牛頭角下邨

14. 德福花園

15. 九龍灣鐵路站

16. 葵芳廣場

17. 光輝圍

18. 健全街

19. 大窩口鐵路站

20. 眾安街

21. 大河道

22. 荃灣西鐵路站總站

轉乘優惠:

為了更有效吸納將軍澳工業區龐大客源以支持本的路線頻密班次, 除現有轉乘優惠外, 建議提供免費轉乘

1A,13D,14,14X,15,15X,16,17,215X

的轉乘優惠, 吸引將軍澳工業區的通勤客利用此路線前往 油尖旺/紅磡/土瓜灣/何文田, 以最大化此路線客量

後備行車路線:

當龍翔道出現嚴重擠塞, 司機可自由選擇使用

太子道→西九龍公路/太子道→亞皆老街→西九龍走廊

前往荃灣

路線改道目的:

吸引多元化客源

將軍澳工業邨 → 九龍灣 觀塘 (針對廠車/小巴/巴士轉港鐵乘客)

將軍澳工業邨 → 葵涌 荃灣市中心 (原有客源得以提速)

將軍澳工業邨 → 油尖旺/紅磡/土瓜灣/何文田 (轉乘優惠)(針對巴士轉巴士乘客)

觀塘九龍灣特快 → 葵涌 荃灣市中心 (針對長期供不應求的觀荃特快紅小乘客)

提供更彈性行車路線

壞處:

剝削原有黃大仙,彩虹客(包括部份轉乘客)

額外資源

歡迎理性討論及提出寶貴意見

我作為一個將軍澳工業邨返工既客，如果要兜埋觀塘，去到最後條線主要客源係觀塘，而唔係將軍澳工業邨囉。咁就同你主題個目的不符，不是靠班次及走線去增工業邨客，而是靠觀塘去令290B加班及多客(雖則O係九巴角度，梗係吸到客啦)

真係會快左咩？九龍灣站後不停站都係行龍翔道，290B行差新清水灣段者，秀茂坪道、寶琳北路個車速應該會快過將軍澳隧道/觀塘道。

lsc04d11 發表於 2017-6-13 20:43
我作為一個將軍澳工業邨返工既客，如果要兜埋觀塘，去到最後條線主要客源係觀塘，而唔係將軍澳工業邨囉。咁 ...

行將軍澳隧道/觀塘道應該會快過行山好多下, 九巴網站計算290B由尚德開到沙田坳道要36.4分鐘, 同一時間尚德總站開296C已經去到長沙灣道

fleetline 發表於 2017-6-13 21:20
行將軍澳隧道/觀塘道應該會快過行山好多下, 九巴網站計算290B由尚德開到沙田坳道要36.4分鐘, 同一時間尚 ...

296C尚德開車36分鐘去到長沙灣道？796C行觀繞都做唔到呢個時間啦，唔好吹得就吹喎版友

流星☆雨 發表於 2017-6-13 21:28
296C尚德開車36分鐘去到長沙灣道？796C行觀繞都做唔到呢個時間啦，唔好吹得就吹喎版友
...

我是參考九巴網站的行車時間, 唔信可以自己上九巴網站, 按路線搜尋, 再打296C, 選擇尚德總站和深水楓樹街, 便會顯示行車時間35.8分鐘

fleetline 發表於 2017-6-13 21:57
我是參考九巴網站的行車時間, 唔信可以自己上九巴網站, 按路線搜尋, 再打296C, 選擇尚德總站和深水楓樹 ...

咁我上次非繁搭296c去富昌邨要咁耐都唔知係咪撞鬼
你睇個到站？你自己以為係三十幾分鐘嗰架者。
唔該你cap圖，用尾班車就confirm到，你說服到我既，我會鄭重道歉。

我上次搭267x,極少客都用左15分鐘先到彩虹交匯處。
仲有亞皆老街淨係九龍醫院去到彌敦道交界都。。。。仲要下繁計喎

lsc04d11 發表於 2017-6-13 22:12
咁我上次非繁搭296c去富昌邨要咁耐都唔知係咪撞鬼
你睇個到站？你自己以為係三十幾分鐘嗰架者。
唔該你ca ...

講到明資料來源九巴網站, 都唔知點解有D人唔上去睇

其實O係我留左言之後，你未CAP圖前一分鐘，我都check過九巴app喇，係講到30分鐘就得既……
不過，我真係唔知九巴有行車時間預計(恕我仲停留o係只顯示全程行車時間既年代)

以你cap圖，30分鐘都去到啦，洗乜講35.7分鐘丫？
不過，我承認我冇睇到九巴既資料，我錯。

但我想反對的，矛頭就會改為那九巴提供的35.7分鐘。
因為根據運輸署、google，都做唔到咁快既時間。至少50分鐘，35分鐘連港鐵都做唔到，一條平行港鐵既巴士可以做到？(係將軍澳隧道段，將軍澳至觀塘差d，彩虹至太子就唔係跟龍翔道，但我唔信亞皆老街下繁唔會塞，龍翔道亦然)

我始終都係信自己搭過。連非繁都做唔到既時間，我唔信你提議既290b既服務時間範圍內可以做到半小時。
尾班車少左咁多車我就唔質疑，要快真係可以好快。但恕我搭咁多次296C/796C(其實十隻手指數得哂，但起碼都有經驗)，淨係太平道去旺角站(亞皆老街)，都起碼5-10分鐘啦。係轉番落彌敦道/長沙灣道就會順好多。

(圖隨後附上)


明明行同樣路線，九巴網都出幾個時間，證明佢計埋上落客時間，296C就明顯少D喇。
但我諗呢個應該係數據收集返黎既平均數再減唔知幾多(做靚)


296C要50分鐘。796C係衰在要兜入調景嶺，如果唔係行觀繞點都會快左5分鐘。(15分鐘兜調景嶺，計得差不多啦)


Google 假詠1745出發，296C都要67分鐘，扣除19分鐘等車時間，都要48分鐘，冇你講咁快。

俾埋港鐵你參考，港鐵app顯示將軍澳至深水埗站33分鐘(冇cap圖，自己開app,計你太子咪30分鐘)。如果你架296C行觀塘道、亞皆老街要停站都30分鐘搞得掂，就唔會咁多人保鐵lu

覆完先睇番，重點係講緊觀塘道一段。

感謝各位師兄的建議.
其實小弟係主要想探討下新嘅走線可唔可以將條線嘅使用量最大化, 小弟並不否認新走線嘅行車時間可能比現有走線差不多 同埋樓上師兄所講依賴觀塘客嘅問題, 但究竟新走線能否大幅改變將軍澳工業邨通勤客嘅乘車習慣?
以及喺現時龍翔道不穩定性高嘅情況下設立來往九龍東及新界西的後備路線又是否可行?
行車時間唔係唔重要, 小弟亦都承認新舊走線都會經過不少的塞車黑點(e.g 龍翔道/新清水灣道/將軍澳隧道/觀塘道)
註: 新走線係唔經將軍澳中心一帶, 清水灣半島後經將軍澳隧道直飛觀塘

知唔知290有一大抽轉乘網絡

你飛站唔緊要, 但飛黃大仙呢個建議轉車站就真係廢哂條線武功囉。