小弟上星期五親身中伏
我本身由南聯去松崗天虹果邊, 一向都係坐 868
我一直都知有呢條 T1 去松崗, 不過通常都係 868 到先, 所以未坐過
今次一到巴士站就見 T1, 見佢無咩人, 又深圳通 9 折就上左車
雖然佢經龍華, 但 868 有時要幾架先上到, 時間應該唔會差好遠
深圳通折扣係直接將部深圳通機較做 9 蚊, 所以唔係 7.25 而且無轉乘
跟住我就坐左邊車尾聽住歌訓覺…
一直去到沙井中心客運站, 落剩我同另一個都係坐車尾既人
咁未到松崗就唔理繼續坐啦, 司機亦都無叫我地落車 (應該係睇唔到)
見到有個女人同個司機講左好耐, 諗返轉頭應該係嘈緊架車唔去松崗
司機應該有叫過清客, 但我地聽唔到
跟住架車唔係停入客運站, 係 U TURN 調頭, 心諗已經唔對路
之後熄埋冷氣, 再行多陣去到新二村個油站入油
我本身真係唔知佢唔到松崗, 咪問個司機係咪之後會去松崗
佢就話我地點解唔落車, 我地話要去松崗, 都未到…
佢就話架車唔到松崗, 最多只可以入完油車返我地去沙井車站
(當時仲見到車頭塊牌寫住去松崗天虹, 擺明呃人上車)
我就趕時間落左車過對面坐 M332, 另外位人兄仲同司機嘈緊
其實我諗係間公司問題, 個司機都唔想既…佢應該日日都會比人嘈
|