[Flight Report] China Eastern Airlines HKG>PVG>LHR

s3n370 發表於 2017-6-23 16:29
﹙註：只從現實角度出發，無意牽涉政治取向﹚

你只要將"特區護照"換成"中華人民共和國護照"就明我講乜。 ...

我諗E21A兄係指以中共嘅邏輯，香港係一國兩制下嘅特區，同大陸唔係國與國嘅關係，自然就唔可以用護照呢個國與國之間嘅身份證明文件來往中港之間，特區護照唔可以返大陸，反之中華人民共和國護照亦唔可以入香港，要用回鄉證／單程證／雙程證／個人遊簽注等來往兩地；正如中共唔承認中華民國，堅持中華民國同中華人民共和國唔係國與國嘅關係，中華民國護照無法進入大陸，中華人民共和國護照亦去唔到台灣，台灣人去大陸要申請台胞證一樣


中共最鍾意喺呢啲位度搞小動作，佢授權港府發護照，當然承認特區護照嘅合法性，有事都係叫你去搵中共使領館，只不過唔比你返大陸，要申請另一張回鄉證而已，同時可以利用回鄉證作審查／掠水

CliveTo@FB 發表於 2017-6-23 23:26
我諗E21A兄係指以中共嘅邏輯，香港係一國兩制下嘅特區，同大陸唔係國與國嘅關係，自然就唔可以用護照呢個 ...

同樣道理，中華民國亦都認為香港係領土一部分，港人入台只會在紙本簽證上蓋印，不會在護照上蓋印。

CliveTo@FB 發表於 2017-6-23 23:26
我諗E21A兄係指以中共嘅邏輯，香港係一國兩制下嘅特區，同大陸唔係國與國嘅關係，自然就唔可以用護照呢個 ...

港人回港一樣可以用特區護照入境，唔少其他國家/地區亦有呢個安排
如果話俾用特區護照，仲要只係無需邊檢的過境，係宣示一國主權，
上述舉動唔通係香港/其他國家地區自我分裂？

中華民國呢個例子就唔同，因為佢同中共、港、澳特區實際無任何從屬關係
港澳係中共下的特區，用一國去解讀“中共唔承認特區護照”就會有矛盾
護照係一個人响國外的身份證明文件，呢個固然係重要功用，但唔係全部

053h4 發表於 2017-6-25 00:47
特區護照，身份証，回港証都係出入境工具

護照目的只係比其他地區國家識別的身份証明

原來第三國經上海回港係有臨時簽註
咁好心大陸俾埋港澳經大陸往第三國都有臨時簽註啦
帶多張證其實好無謂
（雖然小弟未試過，亦會儘量避免經大陸去第三國，原因係怕佐大陸空管）

DIH 發表於 2017-6-24 11:41
同樣道理，中華民國亦都認為香港係領土一部分，港人入台只會在紙本簽證上蓋印，不會在護照上蓋印。
...

楂特區護照經大陸轉機去外國，係要有回鄉證
反而經台灣，就唔駛申請出入境證

s3n370 發表於 2017-6-25 00:27
港人回港一樣可以用特區護照入境，唔少其他國家/地區亦有呢個安排
如果話俾用特區護照，仲要只係無需邊檢 ...

港人回港可以用特區護照入境原則上係香港嘅內部事務，同特區護照可唔可以入大陸係無關係嘅，特區護照可以證明到持有人有香港居留權，香港當然要比佢入境

我同意你所講，特區護照入唔到大陸係一個證件適用範圍問題，但係點解會產生呢個問題，即係點解中共認為特區護照唔適用於進入大陸，唔接受港人用特區護照入大陸呢，就係因為有關中共對「一國」嘅演繹，中共認為香港人唔係外國人，香港人入境大陸唔係international transit，所以唔接受以護照呢個國際旅遊證件入境，呢個就係我一直講緊嘅重點，呢樣嘢直接引致你所講嘅證件適用範圍問題

呢樣嘢同中共承唔承認特區護照係無關係嘅，事實上中共授權港府發護照，係承認特區護照嘅合法性，只不過認為特區護照唔適用於進入大陸咁解

矛盾就一定有，例如你所講中港同屬一國，點解特區護照可以入境香港唔可以入境大陸，不過中共嘅邏輯就係咁，佢一直對呢樣嘢好著緊，你見政府唔准寫「中港關係」要寫「內地和香港的關係」就知，所以雖然轉機要回鄉證係唔合理，但係短期內都會係咁

CliveTo@FB 發表於 2017-6-25 11:18
港人回港可以用特區護照入境原則上係香港嘅內部事務，同特區護照可唔可以入大陸係無關係嘅，特區護照可以 ...

有一點有異議：international transit係取決於航程性質，而非個人
唔通香港人，大陸人同其他國籍人士搭同一條route有分別咩
往日長榮/全日空有個別台北-高雄/成田-關西航班，泊International Terminal，專俾搭客轉國際線。Domestic搭客免問。
所以呢個根本唔係一唔一國，而純粹係民航營運問題

s3n370 發表於 2017-6-30 13:17
有一點有異議：international transit係取決於航程性質，而非個人
唔通香港人，大陸人同其他國籍人士搭同 ...

台北高雄國際線仍在，華航 CI308 就是了。