2017-18年度觀塘區巴士路線計劃 落實及修改方案詳情

7號延長至黃大仙，來回改經聯合道/露明道，禮成。連9號原有亞皆老街<>尖沙咀獨市都做埋。

再唔係，拆番條3號出黎，開半粒鐘一班囉。

S3BL100 發表於 2017-7-4 23:57
彩福同埋彩德近彩福果四座樓，行去彩虹坐 26 27 95 近過黃大仙總站行出彩虹道？
無斜路？唔使上落電梯？
...

如果分家9/9x，日後三彩居民想去黃大仙咪好唔方便？三彩乘客唔係個個都去晒油尖旺，有部份客都會去黃大仙，建議要從多角度出發。

S3BL100 發表於 2017-7-5 00:09
呢點就算係黃大仙上村起計都同樣適用

同埋你又唔講下黃大仙上下村除左 9 仲有幾多條巴士線？三彩入面仲 ...

掉返轉諗, 我係咪可以話
要一個有地鐵站都做得住幾十條巴士線嘅地區
去遷就一個得兩條全日基本班次 20-30 分鐘巴士線都為唔到皮要蝕錢的地區，
簡直係笑話

你望吓你嗰區嗰啲路線, 到底有幾多人搭先
啲居民梗係想搶人地資源嚟令自己嗰區多條線,
但搶完返嚟你係咪真係打得爆條線先
好似 2X 令 2A 減咗車, 但架 2X 有幾載空大家都有眼睇

其實話2X無人搭係開線個陣嘅事，而家就算係30分鐘一班呢啲咁唔受歡迎嘅班次都有最少3、40人上三彩，沿線係繁忙時間都坐得爆，所以其實用2X做例子係唔啱 同埋而家都唔見得黃大仙居民會打得爆9號仔 :0)

SunnyboyLeu@FB 發表於 2017-7-5 01:01
如果分家9/9x，日後三彩居民想去黃大仙咪好唔方便？三彩乘客唔係個個都去晒油尖旺，有部份客都會去黃大仙 ...

版友你咁講唔係太正確。難道為左一部份三彩人去黃大仙而夾硬俾條大流水佢地? 事實上三彩<>黃大仙/油尖旺既潛在客源邊個多d?而家路線定線好少會有大流水係因為呢d線真係無乜肉食，你見而家個d新線如290/290A, 214都係半直通，就知道如果將9號仔慢碌三彩+黃大仙+油尖旺係兩邊都唔討好(居民+巴士公司)，只可以塞住區議員把口而已。
個人認為真係對三彩居民有利既，係俾多一條新bbi線佢地，唔係好似28B咁以觀塘為轉乘點，而係向前行，例如以直達九龍城為轉乘點既bbi線。

PS. 其實2X可以做到呢個效果，但首先要加密班次；就我而言，開新線效益較高。

如果因為一個人so call有錢
就等於打劫佢係合理既
咁同對面岸18X/8H重組一事有咩分別?

係既黃大仙附近有好多條線
係班客咁屎忽痕有幾飛唔叫死都要搭9號
所以要懲罰下佢地有一個咁蠢既乘車方法?

支持三彩有更多巴士服務
係唔係又要等同支持向其他區搵笨而達成呢?

5504~NK3640 發表於 2017-7-5 02:38
版友你咁講唔係太正確。難道為左一部份三彩人去黃大仙而夾硬俾條大流水佢地? 事實上三彩黃大仙/油尖旺既 ...

開新線？邊度抽車？九龍城做bbi，順路咩？由三彩往來黃大仙冇理由兜咁大個圈反轉頭，況且依家九龍城啲車塞到爆，繁時埋站都成問題，重要塞多條線埋去！9號流水線確實係多嬴方案，好似1A咁快碌，客似雲來。

SunnyboyLeu@FB 發表於 2017-7-5 12:09
開新線？邊度抽車？九龍城做bbi，順路咩？由三彩往來黃大仙冇理由兜咁大個圈反轉頭，況且依家九龍城啲車 ...

咪講笑啦
9號重組後開20-25分1班
最繁忙一小時載客率得55%,徘徊KO邊緣
吸引D咩人搭?

既然已經米已成炊
我既著眼點就係將來條線好與醜

三彩去黃大仙,用一條油尖旺線做
根本浪費資源

而去年民建聯反對9A方案
原因係三彩要油尖旺線
黃大仙線(9A)佢地寧願唔要

正因為三彩唔要黃大仙線
9號對三彩而言根本唔駛兜入去

但正如前面講,三彩唔係持份者,咪一路比黃大仙主導
如果三彩係持份者,成件事就ANOTHER STORY

SunnyboyLeu@FB 發表於 2017-7-5 12:09
開新線？邊度抽車？九龍城做bbi，順路咩？由三彩往來黃大仙冇理由兜咁大個圈反轉頭，況且依家九龍城啲車 ...

我提出三彩<>九龍城bbi線係針對來往油尖旺既乘客，但佢地亦可以係九龍城轉車去紅土及長深荔一帶。
而上一個回應我都已經提出既然三彩<>黃大仙既客源唔多，Kay版友亦指出三彩人現階段唔係想要一條黃大仙線。
故此，有需要既三彩乘客其實可以以其他方法前往黃大仙，例如先使用小巴83系再轉車；甚至落九龍灣站搭鐵/叫幾飛。