[路線計劃/RPP]
2017-18年度觀塘區巴士路線計劃 落實及修改方案詳情
[複製鏈接]
|
計我話拉2A同28號(東行)經彩霞道好過，起碼唔駛兜彩虹道直接啲去西九，班次頻密過2x同9好多，又唔洗經黃大仙區議會討論，阻力較細，牛頭角道可以搭番13D/6D，再唔係行番去牛頭角總站搭車又得，絕對諗得過。
|
|
|
|
|
|
|
|
|
西行呢？
我點解改6D係因為牛頭角一帶得總站同淘大 受影響嘅乘客比較細 而且如果拉2A 28入去應該過唔到樂華
補償嚟講 而家已經有11B/D↔6D 最多加個2A轉乘已經可以
|
|
|
|
|
|
|
|
|
咪玩啦，2A 同 28 樂華方向，淘大落咁多客，然後上分分鐘仲多過落，
你會點同呢班客交代？
而且無解決過出巿區方向的問題
|
|
|
fb.com/scientisthk2usa/
|
|
|
|
|
|
做咩咁執著黃大仙？黃大仙係咩地區？而家 9 果兩班特車話俾大家知
三彩去黃大仙的需求好大咩？
如果無限資源又唔使蝕，鍾意點開都得；但唔係的話，
因為咁而搞到更應該做既野做唔到，就係本末倒置
坪石係觀塘區一部分，又係有齊替代，唔坐 9 仲有 10 26 27 95，
大不了 95 分段提前一個站開始，已經解決
彩虹就仲有 203E
|
|
|
fb.com/scientisthk2usa/
|
|
|
|
|
|
當日 86C 飛起大圍，大圍無車落歌和老街，係咪因為咁而又可以唔使做？
根本有人反對就唔代表個方案本身唔合理，
運吉近年都開始識玩「考慮及平衡各區議會的意見」
不過係今年又軟弱左，有堆方案有反對就撤回或修改
9 最後都係搞到要來回入黃大仙入面，我就覺得
咁做只係助長山頭主義氣焰，運吉應該要做的係平衡整體利益而唔係對一小撮人彎腰
當然，如果好似 FBI2 所言，9 拉長後非繁減到 25 分一班，就…
同埋如果係要照顧呢一小撮人，我已經拋出一個折衷方案，
9 拆 9+9X，9 黃大仙尖咀，上繁 20/非繁 30，唔影響黃大仙搭車權利
|
|
|
fb.com/scientisthk2usa/
|
|
|
|
|
|
本帖最後由 10598C 於 2017-7-10 01:26 編輯
咁啫係你諗住直接忽略班客啦係咪？係我就寧願9全日30分鐘一班 將剩低兩架車比6D拉上去行彩德彩仁同彩義果邊
咩叫應該做同唔應該做先？2X其實而家都已經仲有運載力底下係咪真係咁有需要開多條9X出嚟？
反觀去黃大仙咁簡單嘅一件事都要落觀塘兜個圈 仲要搞到彩義彩仁繼續樓下冇車 山長水遠行出去搭車 當然你肯9全日30分鐘比車6D你繼續開9X咁我冇問題嘅 又或者9X行新清囉
而坪石出油尖旺用95代替 尖沙咀呢？你可能會話26 但係26行土瓜灣塞紅隧 有冇咁易過區佬？再講 而家26兩繁爆到九彩係常識 次次去到土瓜灣都仲頂閘 土瓜灣唯一一條經九龍公園一帶嘅線都冇得上 (其實26應該拆線就真 非繁都可以冇得上車 不過最少繁時應該要拆) 你叫人坪石上去企車頂咩
9而且係做坪石去亞皆老街 算係獨市咁制 而家冇一架車由新清直落亞皆老街 要補償最多係95→203E 回程27
不過講起203E你仲好笑 叫彩虹碌慈雲山兜大大個圈去亞皆老街同旺角 咪玩啦
其實都係當時開9特嘅錯 唔開 就冇人去黃大仙 就唔駛有今日彩黃線嘅訴求係咪#曲線要講明
總結一句 我個人覺得9縮去黃大仙唔係唔得 但係你最少都要比返合理嘅補償 例如27→203E, 16, 1A
至於嚟緊坪石去黃大仙區 計劃用6D代替 因為同時95會撤出彩虹道
|
|
|
|
|
|
|
|
|
本帖最後由 S3BL100 於 2017-7-10 02:19 編輯
你都係有個問題無答過，點解一定要有條線去黃大仙？
樂華夠無車去黃大仙，係咪又要開多條？
四順有 290A 之前又係無車去黃大仙，
油塘同碧雲道有 214 之前一樣都係無巴士去黃大仙（唔計 259D 62X），又有無人嘈過要開多條？
正常去油尖旺的巴士線係必需品，但去黃大仙唔見得係。
至少三彩無要求過，佢地要既係油尖旺線而唔係黃大仙線，
否則舊年 9+9A 個方案都唔會 ban 左，因為根本唔係佢地要既野，接受左就日後咩都無
你一路捉住三彩去黃大仙來講，根本唔知係為乜
留意我上面係話 9 而家非繁出 8 部車，
如果拆 9+9X，9 擺黃大仙，各 4 部車，唔使加車
但如果你將剩返果兩部車拎左去拉 6D 上山，咁就非繁一樣要出多兩部車
呢個已經係問題…
況且繁忙時間我多兩部車，我唔好將 9 變返 20 分一班，
及/或加落 2X/9X，朝早每 10 分鐘一班有車出去？
再唔係，拎車去做 3C 同其他慈雲山線重組，滿足下黃大仙區，都好過搞 6D
何以見得有 2X 就唔需要搞 9X？2X 去到旺角至尖沙咀咩？
你以為半粒鐘一班真係反映到三彩實際對外需求？
如果變成 15 分一班，2X+9X 客量增長分分鐘以倍數計，
因為至少有合理班次可以出到去轉車，吸引力大增
9X 想做彩盈同彩霞就做唔到彩德其中四座樓去程，反之亦然。
但果四座樓反而比較近新清，而回程彩德商場點都有站。
而彩霞果三樓座行出去，相比之下更唔方便，一定係跟 2X 先做到最多三彩客
同時 6D 都唔係話搞就搞，你拉左上山，啟業應該搭咩車去彩虹道同石硤尾？
已經唔計啟業要用來俾做 40 轉乘點的問題
坪石而家唔見得好多人坐 9，坐足 50-60 分全程去尖沙咀就更加少。
26 係要塞紅隧口，但 9 兜黃大仙，亞皆老街又塞，根本一定慢過 26
坪石去亞皆老街，如果係去醫院果堆，根本出發時間都唔會撞正旺角塞車時段，
坐 27 兜旺角唔見得會慢過 9 兜黃大仙幾多。
就算要加轉乘，都係 26/27 轉 9/13D/16/203E，唔會係 95 轉 203E 咁得意
彩虹出旺角，無 9 仲有 95，唔使兜黃大仙總站，行太子道西又快過塞亞皆老街，
真係慢左的係去亞皆老街果班，要改坐 203E，但亦唔見得慢好多，至低限度仲有車搭
但 95 唔好諗住撤出彩虹道咁易，實際我亦認為無需要撤出彩虹道，
因為康翠同中秀真係有人坐佢去新蒲崗返工
總之呢，好多根本唔係咩問題，你就睇成係天大的問題，無限放大，
好似好多人受影響，好似呢又唔得果又唔得；
但真係要做既野，真係值得做既野，你又唔認真去理
簡直完全係本末倒置
|
|
|
fb.com/scientisthk2usa/
|
|
|
|
|
|
|
其實路線規劃唔係淨係對住個Mon就得，三彩入咗伙成七年啲交通仲係一篤屎咁其實運輸署同區議會已經係嚴重失職。你實地去問十個三彩嘅人十個都會想要一條去油尖旺亞皆老街沿線嘅路線，所以一年前嘅9A唔肯袋住先，因為根本無人需要去黃大仙，三彩居民買餸去牛池灣街市、彩雲街市、睇醫生小病有樓下診所，大病有聯合、Shopping一定唔會係黃大仙，咁其實你比條黃大仙線佢哋係冇用 |
|
|
|
|
|
|
|
|
由9特可以睇到 去黃大仙嘅人多過去油尖旺 就係咁簡單 不過你應該話9太慢 啲人寧願行落九龍灣站搭其他車去油尖旺 都唔搭9漫遊黃大仙
跟住你話其他地方冇黃大仙車 唔該舉例子都舉好啲 四順有條54去樂富架
呢個都算啦 問題係三彩近黃大仙多過你舉嘅樂華同油塘多多聲呢
好 我就當唔駛黃大仙線 咁如果話要去彩虹買餸之類嘅係咪繼續搭小巴？係嘅咪ok囉
好啦到6D 我就當真係有咁多人啟業去彩虹道同石硤尾 (雖然40轉6D唔一定要啟業轉) 咁麻煩你解決一下彩仁彩義依然冇車經好冇？問左你兩三次次你都冇回應過 淨系比一句9X行彩頤比較多客(雖然係事實) 結果彩義彩仁真係冇陰功 諗住比架6D行經佢地樓下又要ban(影響已經係最細) 2A 28更加ban 咁你講啦 係咪要人地繼續行出行入先？
話人唔搭問題 自己何妨唔係？問你26繁時點上車結果直接忽略當睇唔到 既然26繁時彩虹上唔到車 咁9就係好過冇嘅選擇 咁學你話齋 彩坪去尖沙咀搭咩車？
到去亞皆老街 仲好笑 叫人搭27屈返轉頭 大佬啊 9兜完黃大仙你架27都未到啦 仲有 唔係個個都係係旺角唔塞嘅時候去亞皆老街架 比轉乘95→203E原因係我計劃緊95飛起新蒲崗 轉乘點係富豪東方酒店 當然27→16 1A呢啲線都可以
你話彩虹搭203E有車好過冇車仲好笑 係咁簡單 就唔駛咁多人諗點樣重組廣黃線啦 89D直出 89C拉上去廣黃好唔好？反正仲有車搭 改坐203E真係笑死我 慈雲山起碼兜10分鐘先得 9兜入黃大仙都起碼快203E十分鐘 用同樣道理 9延長去彩福唔駛開9X 反正最少有車坐 反正搭巴士嘅會搭巴士係咪？
誇張啲講句 不如區區一條線算啦 烏溪沙馬鞍山恆安阿公角石門廣源黃泥頭水泉澳沙田圍小瀝源沙市大圍顯徑出觀塘算啦 反正有車搭 都係慢個幾鐘啫 最緊要有車搭 反正而家塞車都有排塞#曲線要講明
到95 究竟你係覺得95係流水定係咩？佢係將軍澳資源定係觀塘黃大仙嘅資源？95係屬於將軍澳康翠來往油尖旺區嘅線 而家95兜到不成人形 都唔講以前係行秀茂坪道 果陣95日日翠林一站打爆 康盛都冇得上 但係自從入秀明道 將軍澳客就暴跌 康翠段幾乎吉車遊街 呢個都算啦 回程當時因為工程改直行太東 何解而家就唔可以將95拉出太東？跟住補BBI轉9同29M 一個方向經 啫係代表呢個位根本唔重要 為班少客倒走大客 呢啲先叫本末倒置
簡單一句 你肯定你由坪石縮走9去到黃大仙過到區佬？
我係問你一啲要解決嘅問題 你就一直唔理 所有野ban曬 講到好似得去油尖旺先係佢地唯一要嘅野咁
我每次都講一啲細節問題係因為大問題個個都睇到 一定容易啲解決 咁我諗到啲細節問題要問嘅你就覺得係無限放大 咁不如你直接做運吉處長行指曬你鍾意嘅改動去啦 問你兩句問題就燥底 重組係咁簡單就晨早做咗啦 而家問題係要平衡各方利益吖嘛 就咁問你兩句野答都唔肯就不滿人地 講你幾個要面對嘅困難就好似得罪你嘅 話比你聽事實當睇唔到 人地同你唔同意見嘅就質疑人地本末倒置 係嘅話你一係唔好上討論區 因為呢到一定有人質疑你嘅意見 就算唔係否定你嘅意見 其實人地可能只係想問個問題 唔駛下下起曬鋼
|
|
|
|
|
|
|
|
|
不如將 21 延長彩福-尖東麼地道好過啦
2 邊延長加價，學5 仔咁整分段
順手將 9 特果幾架車直接過戶比 21
9 繼續兜黃大仙減到繁時 20 非繁30
甚至改尖沙咀循環線，反正旺角有 10 仔 3C 做
又唔影響彩虹道沿線，又可以有直車來往四彩尖咀
|
|
|
.
|
|
|
|
|
|
|
Advertisement
Advertisement
Advertisement
Advertisement
Advertisement
|
