2017-18年度觀塘區巴士路線計劃 落實及修改方案詳情

10598C 發表於 2017-7-14 20:46
回程又唔見得一定要搭95喎 沿路有其他替代品 咁即使95撤出彩虹道 其實對彩虹道影響根本唔大 同樣去油尖旺 ...

你而家即係 shift the blame，明明係你的諗法本身有問題，我亦多次指出有咩位會出問題，
倒過來你話人一味反對，而唔去認真諗下自己到底出左咩問題

我覺得我講咁多都係對牛彈琴，因為我每講一個 point，
你唔同意，你都只係會翻 loop

好似我話將軍澳山上本身有其他合理路線直出旺角，三彩無，
所以無理由為左拉直 95 而搞到三彩硬食兜路。
你就淨係識翻 loop 將軍澳出到巿區已經山長水遠，無新觀點

跟住針對近D可以兜路但遠D要直接個 point，我又已經講左唔止一次
呢個 case 如果近D的兜路線有其他直接線做替代品都可以接受，但三彩唔係呢個 case

但你就先講 6D 296C，我用 6D 40 做反例後，
你就走去講 21 26

大佬，條 21 有無搞到彩雲無直出太子道東去土瓜灣紅磡的巴士線？26 而家唔停彩雲？

而你要三彩夾硬兜彩虹道甚至黃大仙，咁人地仲有無其他直出線可以唔使兜出到去？
叫人山長水遠行去九龍灣就叫做交左貨？

2X 都唔算，因為得 30 分一班而且去程唔深入旺角；
如果 2X 好似 27 213D 咁深入旺角，又做到至少 15/20 分一班，咁條 9 點兜都好，問題都無咁大
（不過係去尖沙咀都係慢到嘔，但到時應該係用 9X 以外的方法處理）

但問題係 2X 深水步美孚已經洗濕個頭，又真係做起左，點都唔可能再搵 2X 去程做旺角

而你就偏要拎 95 出油麻地佐敦去講。
但事實係，98C 已經係合理往返旺角的選擇，覺得一個小區去一個小區
比起一個小區去一個大區更有需要，本身已經係唔合情理

如果有本事 98P 做到全日，咁佐敦尖沙咀都有合理服務，
成個九龍西就得返油麻地單向要兜耐D，仲想點？

一條線掃晒旺角至深水步長沙灣，跟住去尖沙咀又要快又要行啟隧，呢個係必然結果

而家好多區連油麻地車都無，包括樂華、藍田、坑口同尚德，係咪又要再開多條？
唔使個個區去巿區每個地鐵站都有完全唔兜路的直達車下話？

去旺角、去尖沙咀，有直接路線，我覺得係必需；
但去油麻地係咪？唔見得囉

如果一個重組，令到一個區有多過一條直出線，而服務範圍有唔少重疊，
但代價係另一個區無合理直達線，咁呢個重組本身係唔應該做

S3BL100 發表於 2017-7-16 02:10
你而家即係 shift the blame，明明係你的諗法本身有問題，我亦多次指出有咩位會出問題，
倒過來你話人一味 ...

講左咁耐 其實我一直冇反對開9X然後9減班 我只不過係覺得9+9X會有其他持份者會反對 所以提出呢啲問題 問下你有冇方法解決 後面順便講埋95我建議飛起埋彩虹道

前面嘅我都費事拗 用返同一個觀點就話人地翻loop 咁你一直話三彩冇車又算唔算翻loop?  你一味話三彩焗兜係咪又算翻loop? 根本三彩落新清兜埋彩虹道同兜落牛頭角用嘅時間一樣 咁你話做嘅客唔夠多 又話彩虹道兜路 咁唔緊要嘞 咪維持9X兜牛頭角囉

我一直有諗有咩問題喎 我咪試下從唔同角度建議囉 不過你比我嘅感覺係你覺得只有你嘅9+9X係啱囉

95飛走彩虹道係因為95根本唔適合做彩虹道單向流水 呢個係不爭嘅事實 因為而家新蒲崗客都唔多show呢條95

我就當9縮去黃大仙再開9X然後再加補償比彩坪冇問題嘞 講到底咁拗落去真係嘥時間 就當你啱嘞 反正你開心就好

你要認清一個事實 就係而家康翠秀係有兩條線去油尖旺南 雖然兩條都唔快 但係要cut淨一條係冇咁容易令康翠秀班人滿意

我嘅諗法啦 93K因為嚟緊都一定要拉入去九商 咁倒不如過九商之後行啟隧東九龍走廊入尖東順時針循環(雖然我諗過去到尖東之後繼續逆走上油尖旺南 不過考慮到條線太長所以放棄左)當然又要補償秀土啦

95其實比93K更難執 因為做緊好多地方嘅獨市 例如秀順去油尖旺南嘅線 同時亦都係秀茂坪最快來往旺角嘅線(唔計南邨一帶嘅98C) 根本其實而家95已經夠快 除左去程彩虹道呢個位 所以飛起之後補返BBI比康翠秀去新蒲崗已經可以 彩虹道出油尖旺南一係BBI 一係203E 一係就由慈雲山線重組/開新線去取代

順便講埋啦 13D取消之後 213D加車拉入大角咀 放返啲車出嚟做其他線(例如執執42做秀順深水埗線)

雖然有啲OT 但作為將山人 我對樓下啲線偏心啲就一定架嘞 我都已經盡量平衡各方利益 我其實一直係提出諗法 睇下有冇辦法兩邊唔同意見都做到啫

10598C 發表於 2017-7-16 11:02
講左咁耐 其實我一直冇反對開9X然後9減班 我只不過係覺得9+9X會有其他持份者會反對 所以提出呢啲問題 問下 ...

我就唔覺得你有平衡各方利益囉

偏心自己樓下堆線係一件事，但都要適可而止，唔係偏心到
連整體規劃都唔理

我自己一直好支持理順將軍澳山上巴士線，提供更直接路線往返各區，
但你應該係第一個令我反對的將軍澳山上版友，而且係強烈反對

不過話你偏心，你又要投鼠忌器。
95 彩虹道非繁閒閒地上 20-30 人你就要掟走。反而
93K 寶達秀暉樓唔係真係咁多人坐去土瓜灣紅磡，非繁淨係上車人數
都遠遠少過 95 彩虹道上客人數，況且 93K 掟入九龍灣後
應該會進一步倒晒康翠寶達上秀往來紅磡土瓜灣客，你就要做替補，仲要強調係補「秀土」一段

我真係唔知應該點形容你好，話你本末倒置你又唔鍾意

好老實，彩虹道、新蒲崗如果 9 95 二揀一，佢地一定係揀 95 唔要 9

對彩虹邨而言，無左 9 仲有 203E 去亞皆老街；
對新蒲崗而言，95 唔使兜黃大仙總站，而且行太子道較快；
剩返果半截彩虹道，都係無左 9 仲有 203E 去亞皆老街

我相信因為呢個原因，你掟走 95 之後要 9+9X 齊齊入彩虹道補償，
但 9+9X 服務水平都係會唔及 9+95，唔見得比起留 95 縮 9 落黃大仙好幾多

之後你就掟出你的「山長水遠」論，但 9X 入彩虹道根本就唔適合，
為左彩虹道而搞到三彩覆蓋得一半，又係本末倒置

你話「山長水遠」，咁我又問你，40 分鐘車程行多 10 分鐘，
對比起 20 分鐘車程行多 10 分鐘，邊樣增幅大D？

無錯而家將軍澳山上兩條去油麻地的巴士線都唔快，
但如果其中一條可以換其他更有用既野返來，超越等價交換，
你又肯定唔可以換走油麻地？又點解因此一定要將另一條改快？

btw 你唔好似為 13D 咁易取消，根本最大阻力係維港灣來往九龍灣觀塘，
你就咁拉 213D 去大角咀，解決唔到問題。

講返三彩。如果而家由頭來過，我唔會係 2X+9X，
而會整一條三彩版 27，尖沙咀用另外的方法解決，拉其他線上來。
不過問題係 2X 又真係做起左，
又洗濕左個頭，入左長沙灣美孚。
況且九巴又只能通過分支/輔助線名義開線，唔加得資源落去，
所以先會整左 2X 呢類分支線出來

但 2X 米已成炊，又只係一個方向入旺角，
根本以後點重組都好，都只能按 30 分一班 2X 半直通的框架去做

咁唔係 9+9X 的話，你又有咩正常方法？

S3BL100 發表於 2017-7-16 12:36
我就唔覺得你有平衡各方利益囉

偏心自己樓下堆線係一件事，但都要適可而止，唔係偏心到

其實講到尾我只係問你關於9+9X嘅問題 之後再提出95飛彩虹道
睇嚟95飛起彩虹道嘅前提係9仲要存在係彩虹道 所以理應9+9X冇可能同直出嘅95同時存在

彩福如果從頭嚟過我會整一條做亞皆老街以北 一條以南 而因為2X而家嘅局面 就一定要2X+9X 記住 我從來冇反對過做特快比彩福出油尖旺南 只係大家特快嘅定義唔同 我覺得半直通已經夠快 但係你覺得兜牛頭角先係最好 不過都唔緊要 我咪當你方法好啲囉

我而家都好懷疑究竟95係屬於將軍澳嘅線定係黃大仙區嘅線 竟然一個黃大仙區可以霸住一條西貢區嘅線(雖然9某程度上都係) 重點係黃大仙區唔係主要上客區(而黃大仙去仲屬於9嘅上客區) 要做油尖旺線嘅 一係好似你話齋 開一條慈富蒲旺線出嚟 否則9+9X同95夾硬嚟只會一拍兩散

講到95同93K 彩虹道去油尖旺仲有203E 93K寶達果邊得佢一條去上路 每朝我都見最少70人以上係秀暉寶達去土瓜灣 而康翠仲有105 所以我先話補償比達土 而且係因為我建議將93K改去尖嘴

95一係就咁 全日維持單向繞經彩虹道 上繁就開95P 跟95個方法去到彩虹站之後出太子道天橋直去伯爵街 跟住再返95原線去佐敦 收費8.4

93K跟RPP走法之後落啟隧 跟住跟213X/219X方式順時針係尖沙咀兜個圈 跟住再做補償比現有康翠秀土等嘅客 仲有上路旺嘅乘客

咁閣下又對將山線重組同拉直有咩意見呢？

10598C 發表於 2017-7-16 14:08
其實講到尾我只係問你關於9+9X嘅問題 之後再提出95飛彩虹道
睇嚟95飛起彩虹道嘅前提係9仲要存在係彩虹道  ...

作為路過人講下兩句..

93K/95 九巴暫時係沒必要郁佢地

93k 不論縮線/殺都被ban.. 只有改線/減班
95定位模糊好明顯引導山上客擇98c 而放棄95..
(九巴自己收車趕客係後話)
95改快後情況同(13x/28)差唔多
28較平 部份時間仲較13x快到尖沙咀
而且改線後98p全日誘因會細左唔少

10598C 發表於 2017-7-16 14:08
其實講到尾我只係問你關於9+9X嘅問題 之後再提出95飛彩虹道
睇嚟95飛起彩虹道嘅前提係9仲要存在係彩虹道  ...

你明知直出的 95 同直出的 9X 無可能同時存在，就應該認真諗下邊樣先係最方便最多人

而彩虹道（黃大仙總站除外）角度，如果要佢地 9 95 二揀一，佢地一定係要 95 唔要 9

唔係成條彩虹道都有 203E 囉…

唔係話我覺得兜牛頭角好過兜彩虹道，問題係你要做晒成個三彩
就一定要咁樣行，而且 2X 洗濕左個頭，停埋彩霞經淘大走，
所以點重組都只能夠循呢個框架去做。
2X 又無可能抽其他資源進一步加班，況且都係去程唔入旺角的前提下，
9X 咪變相幫 2X 加班囉

如果可以重頭來過，三彩版 27 直頭應該彩盈後 U-turn 彩霞道天橋落山，
尖咀線另外搵其他線重組處理，直出土瓜灣或啟隧。
但而家無得重頭來過丫嘛，而家已經開左條 2X 嘛

而你為左成全 95 唔經彩虹道，搞到三彩線依然要兜彩虹道，
仲要搞到做得一半三彩，要無其他選擇既地區
去遷就有選擇的地區，真係要做既客就做唔晒、做唔到，代價太大

唔係你晦氣講「我咪當（兜牛頭角）好啲」就算，
因為 20 分鐘車程兜多 10 分鐘，同 40 分鐘車程兜多 10 分鐘，你揀左前者

而上面 gu9434 兄講得岩，95 拉直左，98P 全日的誘因會大大降低。
係你唔睇 big picture，唔記得左尖咀直達線的實際意義比起油麻地提速仲要大 10 倍

跟住一邊 95 強烈要求拉直，一邊又接受到尖咀線停埋觀塘，
停埋觀塘又再入九龍灣，就算俾你之後飛啟隧東九廊去尖沙咀，唔知要幾耐？

呢D簡直係本末倒置。
全日版 98P （或尖咀版 93K）寶達後行觀繞落九龍灣係可以接受，
但再停多觀塘？咪玩啦…

拉直 95，結果分分鐘係贏粒糖、輸間廠。
尖咀線同時兜觀塘同九龍灣，同埋你要 9X 兜彩虹道但拉直 95 係同一類錯誤，
有其他直線既就俾多條重疊直線，無直線既就要人兜路

跟住你話 93K 寶達上 70 個客。我又問你，
呢 70 個客目的地係邊？有幾多真係去紅磡土瓜灣？

你自己去望下上繁 93K 過左九龍灣站之後落剩幾多人先啦。
如果呢班客大部分可以搭 98A 的話，即係說明九巴屎忽數
屈班上唔到 98A 的乘客俾多 $1.1 - $5.3，呢D問題你又唔講？

再睇返非繁，93K 寶達秀暉加埋上幾多人？相比之下 95 彩虹道又上幾多客？
應該做既就唔做，唔應該做既就走去做，又係本末倒置

如果你真係要撥亂反正，應該係要透過其他重組，製造誘因
叫九巴唔好再屎忽數屈錢，而係開其他更直接路線搶客，減少轉車人數

根本如果要補寶達往來土瓜灣，11X 拉上安達（再改回程新山道直飛九龍灣，
唔好再塞觀繞落橋同迴旋處）咪得，寶達直出最多只需要做兩繁

S3BL100 發表於 2017-7-16 23:47
你明知直出的 95 同直出的 9X 無可能同時存在，就應該認真諗下邊樣先係最方便最多人

而彩虹道（黃大仙總 ...

將尖如果唔由93K做咁可以點做？95而家根本冇可能再執(我係F板都改建議95開上繁特班95P特快) 咁可以係邊到騰出資源嚟做將尖？如果用大重組左拎右拎唔係唔得 只係會比較麻煩

13D取消換13P全日 同時改去維港灣 然後柯打2車比13M加開特快班 93K取消 98A加4車 繁時部分班次落下通道避少少塞車 加快回車 98P取消 再做將尖線93D 收9.9 秀暉後行觀繞 落橋後再入一入九商 用7車

93K將尖係初步建議 除非疏導到將達觀班客 否則鬥氣底下只可以繼續兜觀塘

至於9+9X 冇意見 補到BBI比坪石已經可以 亦都建議203E改去慈北 開3E經富山彩虹道出油尖旺 當然都係一個問題 究竟有冇車

95飛起彩虹道建議改為建議開辦95P 單向往佐敦 過寶達後改經秀茂坪道而非正線之秀茂坪道 過彩虹站後出太子道東 不停采頤直上太子道西橋直達伯爵街 繁時開三至四班車 收費8.4

呢個建議最大阻力可能會係嚟自九巴 因為某程度上九巴係賺少左一部分98C客嘅錢 但係相信因為站位比98C好 會更吸引康翠客搭 可能亦都會提升客源 亦相信有一部分95嘅客會轉投95P 所以算係有得有失

補充一句 93K起碼有50人以上係土瓜灣甚至打後落車 可能我搭嘅時間比較早 通常比較多學生客 而果陣時98A亦都上到車

10598C 發表於 2017-7-17 00:27
將尖如果唔由93K做咁可以點做？95而家根本冇可能再執(我係F板都改建議95開上繁特班95P特快) 咁可以係邊到 ...

將尖用 93K 資源去做係正確方向，問題係定線

唔係話「鬥氣底下只可以繼續兜觀塘」，因為觀塘仲有其他去尖沙咀的選擇，
將軍澳一邊亦唔係無車落觀塘，只係九巴屈班上唔到 98A 既客坐 93K

當然我知你會話彩虹道都有其他車出油尖旺，問題我上面都講左 N 次，
彩虹道佢地要 95 都唔會要 9，95 亦唔係執雞，
你改走 95 的代價係三彩無直出線去油尖旺，你無照顧最有需要的人

反而將軍澳山上無其他尖沙咀線，但有直接的 98C 出旺角。
咁 95 同 93K 邊條應該拉直？答案好明顯吧

95飛起彩虹道建議改為建議開辦95P 單向往佐敦 過寶達後改經秀茂坪道而非正線之秀茂坪道 過彩虹站後出太子道東 不停采頤直上太子道西橋直達伯爵街 繁時開三至四班車 收費8.4

呢個建議最大阻力可能會係嚟自九巴 因為某程度上九巴係賺少左一部分98C客嘅錢 但係相信因為站位比98C好 會更吸引康翠客搭 可能亦都會提升客源 亦相信有一部分95嘅客會轉投95P 所以算係有得有失

你知道最大阻力來自九巴就最好

雖然我唔係同意九巴成日貴價劏客，但事實係
每個 95 客轉投 95P，九巴收多 $1；但每個 98C 客走去 95P，九巴收少 $2.1

提升客源？好現實的考慮，康翠客出油尖旺，九巴已經食盡，仲有咩新客源？

反而你要提速，要搵新客的話，98C 拆上下繁幾班飛旺角仲實際，
長沙灣加深水步點都多人過區區一個油麻地下話？
尤其是下繁，長沙灣返到秀茂坪、康翠車程太耐，
我會相信真係倒左部份唔想塞旺角的乘客落地鐵轉車

而且咁做可以無風險地屈錢，唔似你條 95P 要擔心有 98C 客過檔而倒蝕

至於9+9X 冇意見 補到BBI比坪石已經可以 亦都建議203E改去慈北 開3E經富山彩虹道出油尖旺 當然都係一個問題 究竟有冇車

如果係十年前，203E + 3E 可能 work

但今時今日的交通狀況已經無可能，亞皆老街又塞，九龍城又塞，
搞到慢慢兜的 3C 其實返到蒲崗村道唔慢得過 203E 幾多

加上有 3X 開左個頭，真係想快的話，唔該搵方法俾 3X 全日，
來回蒲崗村道不經富山，富山再加多班上繁特車彩虹跟 203E 上山，
然後去程太子道飛橋，回程亞皆老街世運飛橋

當然車從何來係最大問題，我都只係砌到由區內其他油尖旺線每條減一兩部

不過慈雲山值得做的重組又何止呢樣，只係我覺得好多人 focus 彩虹道而唔理慈雲山；
而且 9 拆條 9X 兜彩虹道亦會減低慈雲山重組的誘因

補充一句 93K起碼有50人以上係土瓜灣甚至打後落車 可能我搭嘅時間比較早 通常比較多學生客 而果陣時98A亦都上到車

土瓜灣甚至打後落車果班客，
有幾多客係觀塘途沿途上車先？又有幾多真係山上上車的？
山上上 98A 果班，又有幾多係可以用 98A 轉車海觀塘道線去九龍灣站，或者坐改道後 93K 去九龍灣返工的？

S3BL100 發表於 2017-7-17 22:25
將尖用 93K 資源去做係正確方向，問題係定線

唔係話「鬥氣底下只可以繼續兜觀塘」，因為觀塘仲有其他去 ...

我自己耐唔耐都會搭93K 見親都係秀暉之後土瓜灣之前近乎零上車 而山上客佔全車9成 而我平時搭開果班都係起碼滿座 分分鐘頂閘 土瓜灣起碼落七成 其餘就零碎咁落 土瓜灣上嘅人唔算好多 每站最多五人

我自己覺得就93D寶琳↔康翠↔寶達↔九商尖沙咀循環 咁做其實已經係比較實際嘅做法

我都已經承認左95冇乜需要全日飛起彩虹道 而開95P目的就真係比康翠客有半特快嘅服務 始終站位好過其他車唔少

98C特班我都有諗過 亦都係可行 可以係坑口開沿線至繞道落橋後直飛太子道橋唔停站直去荔枝角道 經黃竹街即刻轉出去長沙灣道 回程直行長沙灣道同天橋落界限街 唔停站直去九龍城(富豪同譽港灣) 再原線返坑口 收11.5

其實我95P個理念係有最好嘅站位比康翠客 去吸引佢地搭呢條線 講到底 我自己都會偏心自己樓下條線 如果98C特可以開到一兩班翠林開 停翠林總站 路邊翠林邨 康盛總站 不過最大重點係要睇有冇咁多客支持到翠林特班