[yahoo!]馬鐵全月通月底結束

原帖由 clkwok 於 2006-6-5 22:50 發表

你話我唔知頭、唔知路!!
唔該你下次回文時尊重下人地

既然你覺得小弟係唔尊重你o既話，
小弟只好尊重你o既要求，
收回你覺得唔妥o既說話……
（免得成班 admin 又無無謂謂忙一餐～～）

不過小弟覺得你「馬鞍山人已被點到點嘅巴士徹底寵壞」呢個論點，
都係有唔尊重馬鞍山人囉～～
「徹底寵壞」？
有幾徹底呀？
你根本冇計過 $200 馬鐵全月通係唔係會抵過搭巴士o既時候，
就武斷話「馬鞍山人已被點到點嘅巴士徹底寵壞」，
仲一口咬定 $200 馬鐵全月通係平，
如此信口雌黃o既說話，
小弟完全接受唔到囉～～

小弟都唔想再講喇！
費事又搬板規－－

原帖由 AL37 於 2006-6-5 23:31 發表

閣下既態度的確係仍需改善喎

「理直氣壯」係小弟格言！
如果自己o既理據係強過人、而且對方o既論點係有Ｄ荒謬o既時候，
點解唔可以o係冇違反板規情況下，
語氣大少少咁駁斥對方意見？

呢個問題小弟唔想o係呢度繼續討論，
免得離題。

原帖由 virus 於 2006-6-6 03:00 發表


當貼近馬鐵車站的人口都難以大量吸納的時候，
提供免費接駁和轉乘優惠的成效又有多大?

此言差矣
未知閣下有否留意，貼近馬鐵車站的屋村，都係大街大巷，有不錯的巴士網絡，反而不近馬鐵車站的屋村，多數都係較「山卡那」之地，連巴士網絡都唔係咁好。可憐的是，馬鐵通車後，呢Ｄ地方方便就無份，巴士削班就有
所以馬鐵對馬鐵站附近的人而言，只係錦上添花，但對較遠離馬鐵站的人，卻是雪中送炭

但很明顯，九鐵只係識同巴士爭近馬鐵站既客，但之前講過，呢Ｄ地方通常巴士網絡唔差，要爭，難度固然較大，落得乜野下場大家有眼睇。相反唔近馬鐵站既屋村，尤其係以上講既巴士網絡都唔好既一批，正正係最需要馬鐵既一群，亦係九鐵最大機會可乘虛而入搶到既客，但九鐵又係點既態度？(從顯徑架803K綠小既平一蚊小恩小惠轉乘優惠都cut就可見一班！！當然你可以話顯徑去九龍、大埔、北區，都係去大圍搭東鐵，對馬鐵客量冇幫助，去馬鞍山又有一架綠小803，點都輪唔到馬鐵，但如果係咁，馬鐵一通車，就攪架803K又係為乜呢？)

佢可能認為呢Ｄ地方既然巴士網絡都唔好，就唔怕你唔來，但事實上係咪呢？大家有眼睇，尤其九巴而家有轉乘優惠，更加唔係事必要山長水遠/俾九巴小巴賺多次駁腳費去幫襯你阿田二少。

呢樣野，馬鐵一開我已經講過Ｎ咁多次，不過似乎九鐵同個別板友硬係唔明囉

黎緊有條美田村，遠離大圍站既程度，同顯徑都不相伯仲，依目前情況估計，又係完全冇巴士小巴去馬鞍山，睇佢個位置，估計又係孤島區一個，都唔慌有幾多巴士小巴o個隻，九鐵呀九鐵，又一大個位俾你入喇，不過你你你你，你幾時至生性架

原帖由 mckhgc 於 7/6/2006 23:23 發表

黎緊有條美田村，遠離大圍站既程度，同顯徑都不相伯仲，依目前情況估計，又係完全冇巴士小巴去馬鞍山，睇佢個位置，估計又係孤島區一個，都唔慌有幾多巴士小巴o個隻，九鐵呀九鐵，又一大個位俾你入喇，不過你你你你，你幾時至生性架

不要忘記美田有條283

原帖由 mckhgc 於 2006-6-7 23:23 發表

但很明顯，九鐵只係識同巴士爭近馬鐵站既客，但之前講過，呢Ｄ地方通常巴士網絡唔差，要爭，難度固然較大，落得乜野下場大家有眼睇。

要馬鐵好似西鐵咁投放大量資源開免費接駁
我估九鐵未必會咁做
你睇九鐵寧可保住收入都唔進一步割價谷高客量
就知九鐵唔會再做任何野去搶客

當 $200 月票都無人買的時候，証實到一樣野，
是那些曾話馬鐵貴，引致無人撘的言論，
不攻自破。

另外，如取消 $200 月票，是否應讓那些連續 6 個月都用 $200 月
票的乘客，轉投 $300 月票呢 ?

否則 $200 --> $380，之前如無用開 $300 東鐵月票，要俾多 90%，
好難留得住 $200 的乘客。雖然 $300 仍俾多 50%，但總比什麼也
沒有好。

原帖由 GD1570 於 2006-6-7 23:41 發表


不要忘記美田有條283

難度閣下認為283可以有類似K16咁既接駁功能？

我講得咁白，閣下都仲係GET唔到個意思，唔緊要，我再解釋一下，你話283，我就用283同提意中既免費接駁車比較

由美田村去九龍：
1.283去沙田站轉東鐵
2.免費接駁車去大圍站轉東鐵

論車程，論車費，邊個較理想同吸引？好明顯係方式2。尤其用方式1的話，搭完283後，倒不如搭同283有轉乘優惠既81吧(除非好趕時間)，咁樣的話，九鐵更係完全「立」唔到客

可能閣下會認為呢個例子唔關呢度討論既馬鐵事，咁我舉一個馬鐵例子，
由美田村去乙明沙角博康/一城愉翠威記/馬鞍山：

1.283去沙田站轉81K/83K/85K(正常黎講唔會去搭東鐵轉馬鐵掛，又貴又兜)
2.免費接駁車去大圍站轉馬鐵

不論車程同車費，又係邊個比較理想同吸引？好明顯又係方式2，方式1的話，九鐵(馬鐵)又係完全「立」唔到客，反而方式2就直接帶客去而家要谷客既馬鐵

[ 本帖最後由 mckhgc 於 2006-6-8 19:23 編輯 ]

原帖由 Eddie 於 2006-6-6 00:10 發表
唔知有冇記錯
田生好似曾經講過如果出盡方法馬鐵都唔達標
會考慮直接減價

呵呵，如果真係攪到要全面減價(雖然可能性近乎零)，再睇返通車時，田生既自吹自擂：「有人同我講，話"你收到咁平，Ｄ巴士小巴仲使做既？"」真係夠晒好笑

如果如以上板友所指，馬鐵客量不足非因車費問題，咁即係話，全面減價亦無補於事，咁仲有乜救亡招數？

原帖由 ahbong 於 2006-6-8 00:47 發表


要馬鐵好似西鐵咁投放大量資源開免費接駁
我估九鐵未必會咁做
你睇九鐵寧可保住收入都唔進一步割價谷高客量
就知九鐵唔會再做任何野去搶客

呢樣野我當然知，從佢一度呻馬鐵唔夠客，一度連803K o個D平一蚊既小恩小惠都cut就知！

如果西鐵全月通都係咁乜野接駁都計著的話，你估仲會唔會咁成功？有西鐵成功經驗在先，佢都居然唔識引用落馬鐵，繼續一貫既重西輕馬偏心作風，繼續捨易取難既搶客策略，就造成而家(亦包括可見既將來)既雙輸局面：九鐵繼續為馬鐵客量唔標而發愁，不近馬鐵站既居民，繼續忍受交通不便及駁腳費之苦，甚至本身已經不足的巴士，仲要因為唔關自己事既馬鐵而遭削班，真係唔止做唔到雪中送炭，反而更係雪上加霜！

作為一個冇影嚮力既蟻民，除左無奈，仲有乜野好講？

原帖由 hkmodel 於 2006-6-8 13:27 發表
當 $200 月票都無人買的時候，証實到一樣野，
是那些曾話馬鐵貴，引致無人撘的言論，
不攻自破。

另外，如取消 $200 月票，是否應讓那些連續 6 個月都用 $200 月
票的乘客，轉投 $300 月票呢 ?

否則 $20 ...

問馬鞍山客點解唔搭馬鐵的時候,
佢地其中一個重要原因都話「左轉右轉」唔方便,
所以我一直覺得馬鐵唔出市區才是唔夠客最重要的原因...

我就是「那些連續 6 個月都用 $200 月票」的乘客,
我都很奇怪為何唔俾我地轉 $300....
$ 380 我根本唔夠, 點會再買呢?