本帖最後由 ctb7k-pc6795 於 2017-7-9 23:50 編輯
尋日一早醒來, Whatapps 有報架一代老闔行74A 全日車,
我就在下午飯後過四美街等佢入站影相,
並遊一轉, 享受架車行走埔公遠征的難得時刻.....
上車後, 入獅隧之前, 車龍好長, 好在車長等左陣都轉線行,
臨入獅隧轉番左線, 過隧道就入沙田, 架車上吐公一段之後
再入埔公行船; 點都好, Neoplan 都係強在公路慢在上斜,
上斜真係無力, 好難想像 JD9687 會係唯一掛屯公線的一代, 表現如何.....
架車出盡力, 終於返到太和, 就過對面留影, 都遲左五分鐘開....
之後換左後生, 表現好番D, 中途都有數位資深行家上車, 真係熱鬧;
改線後難得會見到74A 上層坐滿......
沿路都好多行家影相, 好似明星咁......
不過冷氣都係不足, 都聽聞架車行唔到晚上番太和的尾單.....
返到啟業, 另一班行家都在對面影佢出站, 我就影佢出站,
亦開左一邊霧燈, 影完門位就完結這特別的車河, 返歸去....
|
