西九站劃內地管轄專區 包括月台車廂

eternalflame 發表於 2017-7-13 09:42
即係宜家個心態係唔係變成，只要你無犯事又唔入西九個管制區就唔會有問題啦，要捉你天腳底都捉到你啦
係 ...

理性層面：
香港境內一地兩檢係有可能違反基本法，否則都唔使拖咁耐，而實際條文係點亦都未知。
而家就係有一個難題，究竟係為了便民而更改法律，定係為了堅守法律而放棄部分效率。

感性層面：
政府不能因為曾經發生佔領事件而禁止市民在金鐘、銅鑼灣或旺角的行人路出現。

DIH 發表於 2017-7-13 11:07
理性層面：
香港境內一地兩檢係有可能違反基本法，否則都唔使拖咁耐，而實際條文係點亦都未知。
而家就係 ...

而家咁攪法隨時係人大宣布將高鐵車廂同埋車站指定範圍剔出特區領土，令基本法及其他香港法律不在上述地方適用，該處成為大陸領土，進出方式會同經其他口岸返大陸一樣，呢個係人大嘅權力範圍，並非香港自治事務，即係立法會都無權介入

我個人並唔反對一地兩檢，但係政府應該喺2010年申請撥款嗰時甚至更早之前籌備高鐵時就處理並提出方案供社會討論，而唔係而家臨到通車先至施施然拋個方案出嚟然之後恐嚇話冇一地兩檢高鐵就變慢鐵，大石責死蟹要人接受；我相信如果2010年已經有一個完善嘅方案，早就可以達成共識

Kaix 發表於 2017-7-13 01:30
西鐵迫爆就更加證明高鐵一定要專用通道，
你話政府短視低估西鐵客量(當年全民狂插西鐵大白象，今日個個馬 ...

要搞清楚先

西鐵到而家都係大白象

站位起得差，車費單程又貴，呢樣係無變

而家逼爆係因為月票鬥平，巴士俾人Cut晒

香港交通又差，朝早呢幾年可以連汀九西隧都塞埋

市民其實係被逼上逼上加逼既西鐵

Kaix 發表於 2017-7-13 02:26
其實梁啟智講得冇錯，冇一地兩檢高鐵香港段本身都會夠客，
但佢冇從中方營運角度及長遠角度出發

咦？廣州南站至福田站沿線，係同香港段同期規劃
supposingly係要應付埋香港段通車後的客量，
另會“超前建設”應付未來的增長
你話廣州南站同深圳北站己經接近飽和，咁係大陸規劃失誤，
定係你吹水唔抺咀？

莫講話可以透過設施重置同人流管制去增加乘客處理量
呢方面大陸憑多年處理春運人潮經驗，能力絕對無出其右。
就算真係唔夠，咪擴建囉，唔係話大陸起基建效率速度一流嗎？
照咁睇1同2根本唔係乜障礙

（話說回頭，如果廣州南、深圳北同福田本身唔預位起出入境設施，
即係多年前己有預謀明夾西九龍？）

要一地兩檢，唔係剩係得深圳灣模式
用英法隧道模式，一律上車前檢查，所有北上列車一到福田己可接載內地段乘客
南下就麻煩D，但考慮到絕大部份乘客都係港<->穗莞深，當中又以港<->深佔多數
深圳以北直落香港列車，疏導唔到內地乘客0既班次根本唔會多，情況同而家直通車無分別
至於二三線城市乘客增加同時，唔通港<->穗莞深客量會原地踏步？

更重要係，就算唔提強力部門，亦唔提強行落車
大陸本身執行嚴格出境管制
唔响上車前就己經清關，
落去香港先被打回頭比率，肯肯定比其他關口高好多
到時就只能搭高鐵回頭，咁唔通唔會影響營運？
上車前檢查就少佐好多問題

一個只係容量問題，另一邊就算唔理政治，起碼係出入境管制問題
你話邊邊大鑊D？
可見夾硬用深圳灣模式，根本係政治掛帥

DIH 發表於 2017-7-13 09:00
咪係囉
正常法律層面，只要唔進入西九邊檢區就冇事；
強力部門層面，走到去撒哈拉都可以捉你返去。

雖然講到話割咗一塊地咁,
但香港都多深圳灣口岸呢塊地啦....
雖然係同深圳租....

都算係交換....

s3n370 發表於 2017-7-14 01:53
（話說回頭，如果廣州南、深圳北同福田本身唔預位起出入境設施，
即係多年前己有預謀明夾西九龍？）

好早之前已經爆咗出嚟話大陸高鐵站冇預留任何出入境設施，即係擺到明一開始plan條高鐵就諗住一地兩檢，只不過政府懶懶閒拖到而家先拋個方案出嚟迫人接受

CliveTo@FB 發表於 2017-7-14 19:50
好早之前已經爆咗出嚟話大陸高鐵站冇預留任何出入境設施，即係擺到明一開始plan條高鐵就諗住一地兩檢，只 ...

唔係懶懶閒，係明知係炸彈，特登拖，到米已成炊焗批。而家DQ埋四個議員，簡直係一條龍服務。

我記得政府想搞共用通道時泛民話要專用通道；
到政府要起專用通道就話無一地兩檢唔應該批；
而家政府要做一地兩檢就話違反基本法乜乜乜。

至於上一樓提到規劃問題，13億人，流動性高，飛機又空管，真係多多車都唔夠。