初夏日本鐵路遊記(重點:遇到四季島+瑞風)

黎到第二部曲しんぺい4号，佢嘅特點係只係一架普通列車，青春18都可以坐，呃錢意味明顯細好多 另外同鐵路有關嘅野亦有好多，所以小弟一直都係最期待呢程車
每一個站都可以落車行下，第一個站係真幸

真幸顧名思義係真正幸福嘅意思，所以月台上面放左個幸福之鐘比你敲下

係鐵路方面，佢屬於一個折返式車站，離開車站要倒車，行走路線好似一個Z 字

當地嘅居民會係度開檔賣下野

黎到真幸站仲有另一個意義，佢係成條肥薩線唯一一個係宮崎縣嘅站，宮崎縣又順利踏破

小巴士

當年開業100週年，今日已經開業106週年啦

跟住就會經過日本三大車窗嘅其中一個，係北海道果個已經廢左線，而另一個就係姨捨駅(篠ノ井線)



下一個停靠站係矢岳

又係放左架SL 列車比你參觀



睇落去非常空虛嘅車站



已經進入左熊本縣

矢岳駅係全肥薩線標高最高嘅車站，536.9米，感覺涼左D

全紅色車身嘅いさぶろう・しんぺい(往吉松叫いさぶろう，往人吉/熊本叫しんぺい)



跟住就係全段嘅戲玉，落山嘅過程會先有一個螺旋式再黎一個折返式，中間仲有個大畑駅，落山之前可以先見到一陣間停靠嘅大畑駅

站牌

同北浜一樣，牆上都貼左好多卡片/車飛

三個站都流露左一種荒涼嘅感覺





隨拍



2004年九州新幹線開通嘅時候新增嘅觀光列車，同はやとの風一樣成為左最舊嘅現役D&S列車

車內座位

經過就近80分鐘嘅車程黎到人吉站，呢程好慢只係行左35公里，可見上落山真係用左好多時間

距離最後一部曲仲有大概一個鐘嘅時間行下，所以就決定係人吉市區行下，點知發現左呢樣野

原來係一間鐵路博物館，全名叫人吉鉄道ミュージアム MOZOCAステーション868，看似冇乜特別，其實入面先係重點

就咁睇，應該冇人知呢D 1，2係咩吧xd



原來係可以比100 yen 搭小火車

可以出埋去

搭到去人吉站都得

可惜好快就關門，入面放左好多同鐵路有關嘅書，唯有下次啦順便搭下架小火車 係門口可以見到人吉機関車庫，不過嚴重逆光唔係好影到，係日頭SL 人吉就係會泊係度

くま川鉄道検修庫

佢架觀光列車 田園シンフォニー パンフレット

からくり時計，每日特定時間會播歌

返到車站坐多一陣就準備搭埋最後一程觀光列車!

PS8851@182 發表於 2017-7-28 23:21
人吉架小火車上次見係for 小朋友, 我地大人得個睇字

你覺得入面係咪好精彩?

以前人吉-熊本呢個第三部曲有兩個方法，如果時間日子啱嘅話當然就可以坐SL 人吉，如果唔係坐下九州横断特急"くまがわ"都不失為一個好嘅選擇，不過自從2016年3月改點之後，185系唔夠用嘅關係"くまがわ"被快速列車取代左，有一班しんぺい就延長去熊本(依然係普通列車)，不過今年3月就新出左架かわせみやませみ(特急)，所以自然しんぺい都要邊特急(好彩只係人吉-熊本)，又要再呃錢啦

行完博物館就夠鐘上車啦

下次一定會再返黎的

唔好睇個塗裝好似差好遠咁，其實兩架車係同一款都係超級殘舊嘅キハ47系

肥薩線沿線觀光圖

4/3/2017 先開始行嘅觀光列車，非常新

內裝新車味好濃烈好豪華

最重要係冷氣非常充足







有販賣部可以買下蛋糕食，味道唔錯!





話明係翡翠，當然列車上面就係好多同鳥有關嘅野







日本就係咁，連火車上面嘅廁所都豪華過人

火車上面有望遠鏡比你睇鳥





呢度就唔知有咩用

全車得兩卡，果日基本上爆滿



我本來以為我隔離個位冇人坐，點知真係會有人由(新)八代上車搭去熊本，唯有起身比佢入去坐啦(無啦啦比人叫醒)

返翻去風景本身，一離開人吉站之後就會見到球磨川

一勝地駅



之後就訓著左啦差唔多去到熊本先起身，之後竟然係熊本車両事業所見到FGT(軌距可變列車)!!! 可惜啱啱訓醒反應唔切冇影到相 FGT 本來預計係長期新幹線使用，因為某部分路段會用返窄軌嘅在來線，不過幾日前JR 九州宣布左放棄用FGT(解決唔到技術問題+$$$)，佐賀段結論係點就要9月先知啦

80分鐘之後愉快嘅旅程嘅結束啦 下次再黎應該就係坐SL 人吉啦

熊本當然唔少得熊本城同熊本熊

晚餐食馬肉拉麵

呢個時候不得不批評一下JR 西日本+九州，佢地係今年3月改點嘅時候以"促進旅遊"嘅原因將好多さくら邊曬做みずほ，結果令我地呢D 用全國JR Pass 嘅人造成好多麻煩要等成個鐘先有車

點都要影下熊本熊嘅xd

最後一程新幹線啦...

周圍都係かわせみやませみ嘅選出poster

有月台閘門係好重要嘅設施

最後一次係火車上面食野

最後一程係小弟最唔鍾意嘅各站停車，差唔多成個鐘先去到鹿児島中央，不過真係冇辦法...

又係S15，首尾呼應

真係好難遇到九州嘅N700

好少見つばめ唔係用800系

下次再見!

大家留意下上面張poster 有冇發現到有咩亮點? 答案係仲用緊2004 年九州新幹線局部通車嘅時候新八代轉車嘅車飛

隨住黎到鹿児島中央嘅出口，JR 7 days green pass 嘅任務就到此為止啦

樓主係咪6月4號搭肥薩線?

OTIS401 發表於 2017-7-30 20:19
樓主係咪6月4號搭肥薩線?

係啊，我係咪miss 左D 咩?

A285 發表於 2017-7-30 20:59
係啊，我係咪miss 左D 咩?

果日我都搭左肥薩線
不過睇你啲圖似係下午搭，而我就係上午果兩班準人之風同埋伊三郎
人吉至熊本果段訂唔到山翡翠，反而訂到SL人吉

OTIS401 發表於 2017-7-30 23:58
果日我都搭左肥薩線
不過睇你啲圖似係下午搭，而我就係上午果兩班準人之風同埋伊三郎
人吉至熊 ...

原來係咁
要搭下午除左因為上午要去中津之外另一個原因係實在太忍受唔到熊本-鹿児島中央要各停，得朝頭早(又夾到時間)嘅さくら先有只停川內