九巴2X更改走線消息

lwb701 發表於 2017-8-5 09:07
衰D講句，直頭飛走淘大同啟業邨一程出到男拔算啦，對三彩最大得益嘛。如果唔係唔該唔好用X字頭，慢走線黎搶 ...

太子站每日塞車就叫個別例子，叫做妖魔化太子道西。
我提議九龍站行佐敦道直上機隧出牛頭角你就妖魔化佐敦道塞車塞到世紀末。
海皮坐鐵又要轉車又要兜荔景，想坐巴士一程過又無，
而最好笑就係尖東+尖沙咀中部，地鐵唔洗兜同時有4,5條X線返東九又叫做好合理。

你隔離 F1 版篇建議，鬧你無啦啦兜入九龍站果個好似唔係我囉

咩開2P縮2A方案呢就全力反對嫁啦。
仲想拎2A唔縮短會少好多班車去要脅樂華？唔好講笑啦。
我夠問你一句囉，你縮左2A樂華坐咩出美孚呀？叫人等30分鐘2P你又覺得叫合理？
就當牛頭角有份得益叫曬2A、2P兩飛，我都唔會咁衰出賣山上人囉。
30分鐘呢D爛鬼班次可能呃到三家村嘅，但係呃唔到樂華邨囉。

樂華取態唔重要？我又唔覺山上客價值會少過山下客wo。
就算慢d車程都大把人坐2A,28原因就係一程過返到屋企樓下。
深水埗沿線就已經有紅VAN、新巴、地鐵爭食，你唔係獨市又唔係特快，咁我又唔覺SSP班客價值好高囉。

呢D唔係要脅，而係實事求是。
又想要 2P，又唔俾 2A 縮短，你教我 2A 由 16 部車減完俾 2P 後剩返 12 部，點樣做返而家的班次？
或者至低限度，點樣載得晒樂華同樂雅苑落山去淘大至深水步的乘客？

根本樂華搭得 2A 的大部份旺角落晒，剩返的大部分欽州街前落晒。
去長沙灣美孚的乘客相對唔多但又想提速的前提下，
係咪應該要至低限度照顧原本班旺角深水步客，唔好搞到上唔到車先？

淨係靠樂華去美孚長沙灣的客量，2P 真係只值 30 分一班。
但你就覺得好似為左呢班為數唔多的客要有頻密班次，
而要為數幾倍、同一條邨的其他街坊上唔到車，
然後仲要覺得好似質疑完人地呢點，就可以迴避左問題

我無講過樂華取態唔重要，唔好塞字入我口。
而事實係，樂華本身都好想有條類似 2X 的特快線，尤其是蘇議員

我上面只係回 10598C 話樂華可能接受唔到走左 2P 要 2A 轉 2X 去美孚方向一點，
因為 10598C 覺得 2A 縮去蘇屋 OK 但縮去麗閣/欽州街有問題，
但呢兩樣對於樂華去美孚長沙灣的乘客係無分別，that's it

如果你講到好似樂華寧願繼續慢慢坐條比 2P/2X 慢至少 20 分鐘的 2A 去美孚
或者寧願 2A 大幅減班搞到上唔到車，都唔俾 2A 縮短的話，
咁咪唔好要 2P 囉，但亦唔會因為咁，就可以拉返 2X 上橋直飛荔枝角道囉

為左少少客而搞到大量乘客受登車困難影響，寧願要人兜多廿分鐘都唔要條快線，
仲講到好似整條 30 分一班的快線會搞到無得一程過返屋企，
到底邊個先係出賣山上居民？

mrm23 發表於 2017-8-5 12:03
其實如果 2A 縮到落蘇屋，
2P 20分鐘一班直去美孚又得唔得呢？

模仿某板友腔調

三彩落深水埗、美孚呢？

做開深水埗嘅就閹埋變做太子專線？
好學唔學，學埋老九搞213D果種衰野，
以為旺角好好客就閹走本身交通最不便嘅大角咀。
結果有版你睇。

S3BL100 發表於 2017-8-5 12:15
你隔離 F1 版篇建議，鬧你無啦啦兜入九龍站果個好似唔係我囉

Fine。最實事求事就係好似老九開88咁，係唔知係邊區打劫5部車返黎開2P。

lwb701 發表於 2017-8-5 12:19
實咩事求事啫。2A本身做到咁密都好講有幾段流水客。
你所講站尾去站尾，想快果班人神早坐22M轉左地龍啦。
...

如果樂華去長沙灣美孚，真係唔少走左去轉地鐵，
就更顯得為左滿足好似你呢D小眾一程過慢慢碌，
而要搞到一係唔可以拆快線 2P 吸引乘客回流，或者
一係影響大量樂華往返旺角的乘客，根本就連出發點都有問題

況且樂華係總站，長沙灣荔枝角道/通州西街係總站開出後第一個分站，
預時間等車根本易如反掌。
咁都要講到好似要巴士站等好耐車好難為乘客，真係笑大人個口

S3BL100 發表於 2017-8-5 13:36
如果樂華去長沙灣美孚，真係唔少走左去轉地鐵，
就更顯得為左滿足好似你呢D小眾一程過慢慢碌，
而要搞到 ...

呢家當我出完SSP高登買野，行返去桂林街等車返淘大。
事實上係深水埗見到2X要30分鐘都一定上2A啦。
唔係因為我想慢慢碌，而係我一袋二袋仲點解係條街要比多$1同30分鐘？
定係你覺我要由我出街果一秒就要計埋係高登買野要花幾多分鐘？
大熱天時係巴士站等車唔難為？你真係笑大我把口啦。

S3BL100 發表於 2017-8-5 04:00
最緊要的不外乎係去醫院，已經 cover 左

跟住係美孚、長沙灣去嘉道理道，正如上面有版友提到，41 45 E21 ...

最緊要的不外乎係去醫院，已經 cover 左

九龍醫院個站未飛左
呢個站睇返街景圖都冇乜位比人行入去醫院
個站前面紅綠燈有條樓梯
不過醫院管理局落就可以用鈄路上行返轉頭


796C單向飛橋仲要只係cut左亞皆老街球場個站

296C係九龍區多代替品
將軍澳可以照坐796C
不過出九龍尚德有排行
少數人唔出聲，唔代表利益冇受損

2X比起296C飛左多個播道醫院

lwb701 發表於 2017-8-5 13:43
你就真係笑大人個口，如果我係有兩頭住家可以係屋企等就係囉。

呢家當我出完SSP高登買野，行返去桂林街等 ...

你呢D簡直係轉移視線

果頭講緊你接受唔到去美孚提完速但減到 30 分一班，唔俾開 2P 同時縮 2A。
呢頭你就唔講美孚，講深水步桂林街

阿生，呢幾頁浮過上來的方案，2A 最盡都係縮西九龍中心，影響深水步咩野？

S3BL100 發表於 2017-8-5 13:53
你呢D簡直係轉移視線

果頭講緊你接受唔到去美孚提完速但減到 30 分一班，唔俾開 2P 同時縮 2A。

如果講去SSP買野就叫轉移視線，
咁你縮到去西九龍中心極其量咪叫做滿足我，
其他去美孚嘅人當佢死嘅？

同埋2X你拉唔拉返上橋我唔Care嘅，一來我唔覺得拉左落去可以拉返上去，
二來我坐6D出SSP死兜爛兜都仲就腳過2X。

今日有機會再多搭次 2x西行..客量

20:00開 用車 TK147

20:06 2A 6D 先後到達 啟業邨 當時2A車上約有30人
2X 20:08 到啟業 上車後車上共有10人
麗晶有5人上  
釆頤1人上車
:16 男拔 有2人上車 沒人落
:17 太子站 5人下車 之後站站有人落
:22 桂林街 埋 落2人
:24 轉出長沙灣道 但中電一段非常多車  
:33 興華街落車

lwb701 發表於 2017-8-5 13:58
如果講去SSP買野就叫轉移視線，
咁你縮到去西九龍中心極其量咪叫做滿足我，
其他去美孚嘅人當佢死嘅？

你搬完龍門未？

先頭一直係你講到好似樂華班客寧願坐 2A 慢慢兜去長沙灣或美孚，
都接受唔到 2A 縮短換 2P 快至少 20 分鐘車程

仲講到好似總站或者總站後一個站預唔到時間等車，要等 30 分鐘好難為乘客咁個款

（唔好以為我唔知你 #143 改過文…）



跟住我話要等 30 分鐘一班車呢個問題其實唔存在，你就轉移視線，唔講美孚講深水步，
講到深水步客唔會等 30 分一班車返樂華

呢D唔係搬龍門係咩？

而家你又將個龍門搬返去美孚度，之不過如果
真係好似你改文前 #143 所講，班客嫌慢而走去坐其他車轉地鐵，
咁點解為左滿足你呢D小眾可以一程過由頭碌落尾，
就要唔俾開 2P 幫頭尾段乘客提速，搶返乘客返來，
就要搞到樂華邨街坊繼續維持現狀，一係慢慢碌一係貴成倍車錢轉車？

唔好同我講等天跌 4-5 部車落來開 2P，因為以而家 2A 來往頭尾段客量，
呢件事係無可能發生，唔可能左攬慢線 2A 右攬快線 2P 齊齊去美孚

問題係你將意見強加於其他街坊身上，講到好似要一架 8-12 分一班、兜多 20 分既車
好過要一架 20-30 分鐘一班、兜少 20 分既車，
要成條邨既人遷就你的喜好，但人地唔見得咁諗