有關於香港高鐵一地兩檢與國際安排比較的疑問，還有將來可能的國際聯絡的安排

停45分鐘做CIQ，即係要離開車做？

tonytsang_hk 發表於 2017-8-9 18:13
停45分鐘做CIQ，即係要離開車做？

南下列車: 到深圳北落車 (目的地為深圳北嘅出站), 過CIQ, 上返原來抽車, 西九龍
北上列車: 到深圳北落車, 過CIQ, 上返原來抽車 (目的地為深圳北嘅出站), 目的地
列車會係月台停留45分鐘

同意樓主所講，世界各地國際列車嘅 “一地兩檢” 都係上車前預檢，而唔係落車後補檢。
因為邊檢人員响國外只須要行駛入境資格預審/ 拒絕入境嘅行政權力。雖然車上乘客已獲批准進入別國，架車一日未出國境，仍然係行本國法律。

調返轉如果離開國土後補辦出境，就變咗有機會要在國土外執行拘捕犯人等權力，造成目前講緊嘅法律問題。

所以搭乘北上列車時，先响西九龍總站預辦中方入境才上車都合理嘅。目前政府一地兩檢宣傳片都係避重就輕地講北上嘅安排為主。

如果南下的話，我認為應該一律响福田站清客落車辦中方出境 & 港方入境。
過完關之後無須上返原車，只須登上隨後一班南下列車往西九龍。港段不設劃位。
其實呢個類似搭長途直通巴嘅安排：北上要坐原車，南下過關後見車就上(同公司就得)。



我認為呢個安排既合法又符合對等原則 (雙方互相派人到對方邊界車站做入境前預審)，而且兼顧到運作效益 (北上不用轉車；南下列車亦無須等齊人才開車，過關快嘅人就上車先，慢嘅就坐下班車)。
完美解決高鐵一地兩檢問題啦。

深圳比亚迪 發表於 2017-8-7 15:09
我認為短途車，可以在廣東兩地兩檢，
比廣州站更遠的，就預留兩個車廂俾西九龍上車的人，在車上檢查，廣東 ...

但車上檢又係有個死症就係要用手提機掃證件，即係D出入境記錄要咁樣高度流動傳遞，多年來行之有效既果種如傳統櫃檯處理既果種高度資料保安可靠程度既賣點又會喪失。

paul2357paul 發表於 2017-8-10 11:26
但車上檢又係有個死症就係要用手提機掃證件，即係D出入境記錄要咁樣高度流動傳遞，多年來行之有效既果種如 ...

鐵四院份研究計過數，邊檢人員係廣州南或汕頭站上落車，如果每節車箱只有一組邊檢人員，查驗時間需要個半鐘
加到兩組人員令時間減半，廣州南去到深圳北都未查完，需要停車查驗後先可以繼續行程
北上列車亦一律需要係深圳北停車（經廣深港：26分鐘；經杭福深：10分鐘）
當時推算2020年會有93對跨境列車，去到2030年有119對，需要動用大量人手，故車上檢建議不可行

​除咗西九龍站一地兩檢，我諗唔到點樣檢可以維持到西九龍站來往光明城/虎門/慶盛呢三個站嘅效率。

其實點研究都冇用,原因如下:
1/ 雖然香港係行一國兩制,實施基本法,但基本法也是北京制定和授權實施,話就話五十年不變,但北京係有提早取消的權利,只不過提早取消會嚇走晒外資.
2/ 政府推出一地兩檢,已經預左所有法律挑戰,就算法官唔聽話,都仲有人大釋法,只不過冇乜必要都唔會用最後殺手鐧. 所以,法律挑戰呢一關封左.
3/ 由於方案是政府提出,無須分組點票,只須過半數支持就通過,只要建制派議員到時投票生生性性,唔好上天堂等埋發叔,基本上係通過硬.
4/ 就算泛民在立會拉布,梁君彥都會在限期前剪布,然後投票通過.
5/ 根據中立媒體的民調,支持一地兩檢的人數均超過一半. 就算玩公投,都一樣過得到,因為好多香港人返大陸做野,冇聽過佢地對一地兩檢有保留.
6/ 一地兩檢對香港管轄權所帶來的衝擊,應該是對投資者最受影響,而不是小市民. 可是,投資者卻沒有群起反對,即係最驚的那班都唔介意啦.

因此,討論都多餘,完全係一場SHOW.

深圳比亚迪 發表於 2017-8-10 17:47
錢解決到的問題就不是問題

咁你計下香港要請幾多人先

FBI2 發表於 2017-8-18 00:48
其實點研究都冇用,原因如下:
1/ 雖然香港係行一國兩制,實施基本法,但基本法也是北京制定和授權實施,話就話 ...

而家習近平明顯認為中資夠強大，唔使再理你班外資