[世界大戰系列]四順三寶(23/23M/26M)重組建議

10598C 發表於 2017-7-23 22:43
但係有一樣走唔甩嘅野係彩雲應該會堅持要有一架去觀塘嘅車(26M) 我自己睇法係不如將彩觀比埋29M做啦 考慮 ...

彩雲過山客一定走唔甩係啱
但係唔係是必要26M+29M合兩線去做又未必係
官方26A小弟唔太支持既問題其中一個原因
正係無必要地放多左資源落班過山客到

29M+229M複製而家三寶夾埋既班次唔平均既情況
真係有咁既需要咩?

S3BL100 發表於 2017-7-23 22:39
根本係得你一個屈 29M 唔夠客，但如果真係唔夠客，點解可以全日大部分時間做個位數班次？
同一時間，觀塘 ...

唔係我無視 而29M唔夠客係事實 我有住順利嘅朋友 佢話而家29M上繁座位都未必滿 頂閘機會更加少之又少 最多下繁牛池灣比較多人上車 但頂閘嘅機會都唔多

九巴點解唔減佢班我唔知 我又唔係九巴高層 反正而家新蒲崗嘅客量唔錯 但係四順區覆蓋太少 又有其他競爭者 少人搭係正常 唔係淨系我同我朋友講 基本上參考巴典都係咁講(巴典準唔準就另一件事)

我就唔明順利憑咩可以山頭到霸住一條29M唔比人延長 而家客量又唔係特別好 點解可以話延長29M服務範圍係殺人父母

我重組前提有部分係改善四順去彩轉嘅服務同資源使用 但係重組23 23M 26M 而當中有一架係去彩虹 我就唔明點解要局限自己唔做埋另一條極為相近嘅路線去重組

再講 九巴冇拉埋29M重組咁點解我唔可以拉埋佢入嚟重組...

10598C 發表於 2017-7-23 23:00
唔係我無視 而29M唔夠客係事實 我有住順利嘅朋友 佢話而家29M上繁座位都未必滿 頂閘機會更加少之又少 最 ...

假設29M真係客量唔得既
咁直接將佢拉去順天唔加車便可
點解要放條線落去觀塘塞死佢為止?

Snoopy@FB8617 發表於 2017-7-23 23:05
假設29M真係客量唔得既
咁直接將佢拉去順天唔加車便可
點解要放條線落去觀塘塞死佢為止?

你究竟明唔明 我係直接將四條四順落觀塘/彩虹嘅線精簡做兩條 目的係減少用車 唔駛同一路段有幾條線重複行走 啫係一條線做曬兩邊接駁 而中間係主要服務對象咁樣做係最慳車 就好似216M咁 一邊可以接駁去油塘站 另一邊駁藍田站 就唔駛開類似藍田北↔油塘站同藍田站↔高怡嘅線

我有諗過開一條線係接駁安達去兩個地方 包括觀塘同彩虹站+龍翔道 我當時嘅諗法係黃大仙↔彩虹↔安泰安達↔觀塘 當然以而家狀況一定唔會咁開

我都知229M班次可能受觀塘影響 所以咪特登開短棍解決問題 差唔多係一半29M係返順利開 佢地如果係怕229M班次唔穩定 大可等返29M


其實我上面都有講過 只要順利肯接受29M疏左咁其實229M呢類線係可以唔駛考慮 不過順觀又要攞多幾架車開多條線去重複呢段路段去觀塘囉 咁邊個值啲就睇你嘅取向啦

S3BL100 發表於 2017-7-23 22:55
為合併而合併，真係好有趣，但明明 29M 係回車快好多果條，兼且唔受觀塘塞車影響

而且 229M 路程長過 26 ...

如果係有兩個地方要接駁 一定係好似216M咁做係最好 頭尾係接駁點 中間係服務對象 對巴士公司嚟講會係最慳車嘅做法
而家幾條接駁線係四順重複咁途經順利 精簡佢地又有咩問題？延長29M+26A用車仲多左囉(我冇理解錯應該同時23M冇取消)

再講 以29M嘅班次 有冇可能加2車比佢就延長到去順天先？定係要好似觀塘線咁一班順利一班順天咁去

其實229M用車我相信10架都夠(因為唔駛重複兜順利 某程度上抵消到塞車問題 已經預多左車) 而223M只需5架 即使要開29M短棍都只係需要4架 其實仲有剩3架出嚟

10598C 發表於 2017-7-23 23:39
如果係有兩個地方要接駁 一定係好似216M咁做係最好 頭尾係接駁點 中間係服務對象 對巴士公司嚟講會係最慳 ...

我幾時有講過要延長 29M 去順天？

S3BL100 發表於 2017-7-24 00:15
我幾時有講過要延長 29M 去順天？

隔離有個版友話將29M延長之類嘅野 一時撈亂左唔好意思
咁你話果兩架車比返29M要嚟維持班次啫係點？可唔可以解釋清楚少少？

10598C 發表於 2017-7-24 00:43
隔離有個版友話將29M延長之類嘅野 一時撈亂左唔好意思
咁你話果兩架車比返29M要嚟維持班次啫係點？可唔可 ...

29M 多返兩部車用，唔係可以將班次拉返去一個順利邨可以接受到的水平？

要記住而家 29M 開 6-8 都打得爆

如果 29M 變 15-20，然後你條 229M 開 10-20，
對比起而家 29M 班次，再加 20 分一班 26M，係會出問題，而且係好大問題

成件事根本係你夾硬將順天順安條落山線拉埋落新蒲崗，搞到成個四順落彩虹的班次減少，
仲搞到彩虹去新蒲崗變 0-15 分一班

26A+29M 咪好地地…

即係你本來打算 29M 四部車做 15-20 分一班的話，多兩部車用，
係咪可以至低限度去返 8-10 分一班先？

做 26A 而 29M 唔郁的話，落彩虹的整體班次數目會多過而家，到時 29M 客量真係減少的話，
再減 29M 車減到 8-10 分一班都未遲，但一定唔會係減到落 15-20 一班咁過份

S3BL100 發表於 2017-7-24 01:10
29M 多返兩部車用，唔係可以將班次拉返去一個順利邨可以接受到的水平？

要記住而家 29M 開 6-8 都打得爆

根本我而家229M+29M班次夾埋就係同而家29M班次差唔多 都係7分鐘左右一班車

我住係順利嘅朋友日日見條29M而家開到咁密根本坐唔曬 經常都有位剩 唔知你個一站打爆係邊到出嚟

我而家就係話 如果跟你所講究竟有冇需要26A落到彩虹同時又要有條29M重疊順利至彩虹呢？咁點解唔可以直接合拼入去？229M基本上都係26A稍微再延長

如果用229M+29M 新蒲崗果邊班次一定夠密(基本上同而家29M相同)

而因為係一線做曬觀塘↔四順↔彩虹↔新蒲崗 係可以慳好多車出嚟 剩低三四架車其實睇需求鍾意擺邊都得 鍾意嘅咪將29M延長去順天 加車做8-10分鐘一班 再唔係想要新服務又得 譬如順秀藍線等等

所以其實26A+29M都唔會夠一條線做曬啲順路嘅客咁efficient

10598C 發表於 2017-7-24 01:48
根本我而家229M+29M班次夾埋就係同而家29M班次差唔多 都係7分鐘左右一班車

我住係順利嘅朋友日日見條29M ...

你講到好似 229M+29M 班次總數同而家 29M 無分別

但一條長期做到準時 6-8 分一班，229M+29M 就隨時變成 0-15 分甚至 0-20 分一班

咁已經好大分別啦，咪玩啦…
等車的時間真係無分別？真係肯定上到車？

仲未計你無左每小時三班 26M

你講到好似一條線做晒最有效率，但實際上你針對大家的批評
而維持 29M，根本 29M + 229M 同兩條線無分別。
無論係我提出 29M+26A，定係 29M+229M 都好，
都係一條觀塘開上來，一條順利開，然後兩條齊齊落彩虹；
而觀塘開上來果條，你好難同順利開果條夾到班次

你鬧我 29M+26A 重疊，但你實際效果係 29M+229M 重疊得仲勁，
而重疊得來夾唔到班次，順利至新蒲崗之間服務水平同水準倒退

幾時有規矩話一定唔可以重疊？唔係應該睇有幾多客、每小時幾多班車？
為左減少路線數目而拉到條線長一長，搞到服務倒退或用多左資源 or both，唔係本末倒置？

如果真係一條線做晒，應該係一條 229M 全日個位數觀塘新蒲崗就算，
但咁倒過來要用多好多車，觀塘上來四順都已經要廿分鐘

你知道你的思維出左咩問題未？

而且呢度得你同你果個朋友話 29M 唔夠客…