本帖最後由 ctb7k-pc6795 於 2017-7-29 17:44 編輯
四五個月前, 一代老闆退役的序幕正式展開,
上次都分享左量產頭目阿二, 同埋四阿五阿哥的送別,
尋日上網, 見到三哥新出的操線相, 就分享佢最後旅程吧!~~~
AP3 (JA3907) 新出都係在沙廠做車長訓練, 到八月歸隊入將廠掛296C,
亦係296C 掛得最耐的同款之一, 直到2014年尾轉去 工業區穿梭線 298E終老,
退前一星期先甩牌, 去九龍灣廠周圍走, 或是做訓練......
講番最後服務, 當日影完阿二就過尖碼等三哥,
架車入左站坑, 就影架車車頭, 再按時上車......
一路架車都好爽, 過左理大, 入土瓜灣; 到出站時,
車尾"拍" 一聲響, 成個上層都坐滿, 令全車人都有d 驚;
後來搭客即刻叫車長停車....
原來, 巴士站果度有舊樓伸出來的棚架在後,
車尾玻璃整到棚架, 令到玻璃碎左....玻璃碎都散在後面同上層地下,
好在個位剛岩無人坐, 唔係真係call要 白車...........
之後全部客同行家就落車; 搭客就等下一兩班車離開,
車長就等工程車同九巴職員到....
我同行家就影架車停下來打死火燈的一刻,
客落哂之後, 路線牌由 "富山 5" 轉做私牌; 等工程車到場前,
見到車尾碎左同穿左少少, 工程車到場後, 就同行家醫肚.....
醫肚之後, 架車停在原位, 再睇下車尾, 車尾玻璃無左,
即係處理左, 不久我同行家走了........
之後在本網見到架車在廠的封車相, 再不久就被拖去湯....
架車最後一程就在遺憾下終結.....
OT, 希望D 棚架整果陣唔好伸到太出, 以免發生意外....
|
