一個鐘一班, 總站都可以唔見車

m_rd08 發表於 2017-8-2 16:23
一個鐘一班車呢d情況過鐘寧願遲開都好過踢車令班客白等...
個客都幾有魄力等1粒鐘車...
Btw樓主唔係以為改 ...

食足一個鐘塵，仲衰過食煙，等多幾次真係生cancer

我係同一個站等過一次10分鐘有車都已經頂唔順，下次搭港鐵算數，真係唔明點解香港咁多人可以成世人日日放工企係鬧市路邊等車

香港公共交通發達，人均交通碳排放量非常低，巴士亦遠比私家車環保(人均排放)，但香港人口建築密度極高，企係成街巴士的高流量馬路路邊，行人吸入的廢氣塵粒係比成街私家車嚴重N倍，所以出現香港人均交通碳排放量低但因路面空氣污染而死亡的百分比卻非常高的矛盾現象

城市規劃選擇咩交通，除左要睇宏觀數據外，仲要效慮埋對市民的即時影響，巴士係比私家車環保，但路邊情況就唔係咁樣，行人面前塞10架雙層巴士同塞20架私家車，行人所接收的即時污染係前者高得多

大幅減少巴士的確會令小部分人改為渣車，但香港道路容量同車位非常有限，根本容納唔到咁多私家車，結果渣車比例只會輕微上升，大部分人最後都只會迫左去港鐵，路面私家車擠塞係會嚴重左，但路邊污染會有改善，亦因為大量原有巴士乘客改乘港鐵，香港人均交通碳排放反而會下降

當然咁情況下港鐵就必須起第五條過海鐵鐵路黃埔-北角同北港島綫先應付到，依兩條線完成後，紅隧巴士可以絕跡

Kaix 發表於 2017-8-3 11:49
食足一個鐘塵，仲衰過食煙，等多幾次真係生cancer

我係同一個站等過一次10分鐘有車都已經頂唔順，下次搭 ...

黃埔站無可能再起落去，除非拆咗黃埔花園
你一個人身體有事唔代表其他人都係咁

053h4 發表於 2017-8-3 11:38
港島咁塞車灣仔起載都唔見遲咁多

星期六咁熱要班熟客等粒幾鐘根本就唔合理

以我搭270B經驗，星期一至五就算唔塞車，部車好多時好忟水（開車前2至4分鐘）先到深水埗。
而相信呢部車通常由尖沙咀總站經渡船角及大角咀開入嚟。
我無話佢咁樣做好合理，但兩害取其輕，係站長嘅取捨。但亦相信無一個做法會有人覺得係最好，始終去到怡閣苑已經遲咗15分鐘以上，否則都唔會開18:20。

我曾建議過九巴，270B星期一至六班次經常唔穩定，受制於270A的服務，
不如將佢嘅柯打改由278X或279X負責提升佢嘅班次穩定性。

正常長沙灣道一定唔會係巴士司機嘅取態。再講，巴士甩班，車長都會心急，如果佢唔熟深水埗一帶交通，
佢喺塘尾道入荔枝角道，唔記得轉入界限街，以為可以喺荔枝角道轉右入南昌街（你可以話喺黃竹街行汝州街出南昌街）。
但如果佢真係錯咗，入咗欽州街，佢只可以暫時停喺西九龍中心等站長指示可以點走。
而且喺九龍呢Ｄ舊區，車長因唔熟路而行錯路壓力都唔細，分分鐘再兜一輪先返到正路。就如果佢行咗入西九龍中心，
要私牌入長沙灣道、東京街、荔枝角道先入得返南昌街。站長係咪可以及時咁樣應急，司機拖住部12米嘅車係咪咁樣行係最好，

要喺千鈞一髮之間去做決定，唔容易。

當然，九巴話要將B仔全日先會改總站，面對呢個問題可能大家要忍耐。

啊良心ETA公司貌似係將D車泊奧運站或者維港灣
某日過馬路見到270B/286C一齊喺南昌街轉出黎
亦見過270B變私牌轉入南昌街
所以擬似放大角咀

如無估錯應該係泊大角咀，差唔多鐘數就私出去上客
可能係Carlo遲開又怕比人鬧所以咁掛 o.0
雖然啊良心ETA公司都唔係第一次
唔見幾班91M對UST學生而言可是司空見慣...

深圳比亚迪 發表於 2017-8-3 22:51
如果係尾車，呢個情況又會如何呢

唔見左班尾班車仲大罪，
1995年中秋節前夕中巴15 號山頂尾車突然消失，
一大班人被困山頂無車搭落山，
最後有人報警搞到政府出豬籠車運返班人落山，
呢一單野中巴被政府罰錢之餘，
聞說亦係中巴喪失專營權既原因之一。


===============

講開又講，聞說早一兩年前隔離條 286C
下午返馬鞍山開 18:40 既尾車都試過消失過，
因為負責做果班車既 87D 某蛇車字軌欠人收車，
有關站長又唔記得果條蛇車字軌要柯打 286C 仲要係尾車，
結果過曬鐘仲有幾十人等緊 286C，
跟住大量乘客瘋狂打電話去九巴投訴尾車消失，
最後好似搵左個巴士迷渣緊既荔廠 112 字軌拉伕頂上做 286C，
但最後係原定尾車時間後四五十分鐘先響深水埗開出。

唔係話九巴岩定錯,就算班客有無睇ETA都好,見等咗咁耐無車都唔識執生?
唔會用其他方法搭車仲係到等

270B係有港鐵或
欖隧轉乘作為代替品……
但好難要求全部乘客咁「醒目」

樓上提到286C也曾
尾班車消失,根本呢類
「路邊起載」嘅方式延誤
機會很高,太早到站打死火燈
等夠鐘又隨時被警察抄牌,實際
上在北河街等候又真的阻塞交通。

所以只能在奧運站/
維港灣總站調整到最後
一刻才開去北河街,但下繁
必然行車緩慢,而且由於只有
數班,容易出現每天都不同司機
駕駛嘅現象,行錯路機會又增加。

至於用某個正式總站
會超出里數收費嘅問題
亦係死結(嚴格嚟講270A/
277E都超過35公里亦沒有
收$18.4,前因後果不再重覆)

一個鐘一班都唔係總站開,係不能接受.
九巴呢鑊食硬,乜野藉口都無用.
嗱嗱聲出黎道歉啦!