[路線消息]
九巴83A,83X服務調整消息（19/8起）
[複製鏈接]
|
事實係 以我呢種轉車客 而且唔係經常入沙田嘅客 係真係唔會特登深究條89點樣搭 一落到觀塘道見到有沙田站89X就上 即使係裕民坊 好多人都未必知瀝源係邊 搭親89好多都係熟客
同埋我係話 由以前到我搬左入將軍澳之後 點解仲有人肯搭89X去沙火 係因為89冇優惠 我固然知而家89有左優惠啦 但係而家88 798 88X都開曬 89X嘅轉車客回流左 89優惠有冇咁多人知都成問題 而且個優惠咁近期先新增 可以討論嘅數據太少 所以一直我都以89冇優惠嘅時段去討論
同埋我話唔趕時間 係話唔介意車程耐啲... 寧願早啲上車兜耐啲 都好過係條街吸廢氣等88X啦下話 88X本來亦都冇優惠 又貴 轉車客或者生客依然會係89X 要踢89X走嘅 首要一定係叫人入去牛頭角道等89
搭89定89X我就冇興趣再繼續拗 不過我只係想重覆一點 我係以我自己個人經驗分享 而冇得否認嘅係 有唔少生客同轉車客都依然會因為唔少原因而揀89X去沙火
火炭獅隧線純粹係用最少資源做最多野啫 其實要改一定有更好方法改
至於88X重組 前面我自己都有建議到開以下兩條線
1. 油塘 碧雲道 興田 觀繞 老隧沙田站
2. 平田 觀塘道 九龍灣站 老隧 沙田站 禾輋 火炭站
我都明白89X係為舒緩擠迫 搞得掂觀塘道沙火線嘅話 移走89X絕對冇問題 相反冇左170 沙火沙市會變成一條過海線都冇(雖然條170係沙市都係比較發霉咁款 存在感低到呢...)
|
|
|
|
|
|
|
|
|
本帖最後由 dennis28a 於 2017-8-8 03:18 編輯
我無意爭論，不過我咁講可能會清楚少少。
如果你係生客，係正觀塘道，唔識搭巴士，根本唔會考慮 89 同 89X，都係觀塘道，點解唔上港鐵？
同樣道理，如果真係係創紀 1-3 期，行到過去牛頭角站，你覺得生客會考慮上 89？就算知 89 直達沙田又點？又唔知要幾耐。
所以個重點根本唔係區外人唔清楚有 89 既存在，或者 89X 就腳，依個立論係好有問題。
而且，我唔阻止你鐘意搭 89X，你有你選擇。
不過我想講返事實，除非你既目的地介乎於德福、定富街或中央廣場、火車站，
否則 89X 站位其實比 89 更加差，因為係火車站去新城市三期係好遠，去大會堂又唔及 89 近。
所以要視乎個客有幾生，生到完全唔係屬於觀塘、沙田區，咁我真係唔排除佢地選擇 89X，但前提係佢要用 BBI 或者用 APP。
我識唔少人係觀塘做野，佢地去上水、粉嶺、大埔、沙田全部都係九龍塘轉東鐵。係唔少人眼中，89X 只係去威爾斯同第一城。
當年 88X 仲係寫「沙田站」，89X 有成 20 人等車，88X 一到，計埋我得 3 個人上車。
另外有一個生客問：「去唔到第一城？」。依點足以解釋緊 89X 主客源從來唔係去火車站。
另外補充多一點，如果 89 同 89X 同步係裕民坊開走，89X 係會比 89 快 5 分鐘到啟泰苑，
但唔好意思，89 會比 89X 快 10-15 分鐘到市中心。
如果係彩虹上車，89X 係慢成 15-20 分鐘，足足係 2 班 89 既車距。
最好笑係，89 係有能力追番同步出現既 88X 或 88 返沙田市，
而 89X 沙田火車站返觀塘慢起上黎，足以比我上 277E 清河返觀塘市中心。
咁點解仲有咁多人上 89X？要消化兩點：
1. 觀塘道 -> 沙田各站：89X 當中起碼有 3/4 係去第一城 - 麗豪，去火車站大多只有 1/4。
另一個問題係，淘大打後 89 2/3 機會未必有得坐，依點亦會影響德福人行去上 89 意欲。
2. 沙田火車站 -> 出市區：切記 89 出觀塘係唔停啟業、麗晶，德福要行一大段路，以及定富街要落山。
所以火車站最後有幾多人真係返觀塘市中心？其實唔多，除非真係係火車站拎住一大堆野，或者要焗轉 BBI 上山。
另一個問題係，89 係大會堂有 1/3 機會係無位坐，因為單係瀝源每部 89 可以上 10-20 個客，點解係火車站行落去而企？
我唔理你個人選擇，你鐘意搭 89X 係你既事，但解釋番兩點：
- 真正區外客係唔識上 89X，而係會搭鐵
- 89 站位對大量去沙田市中心既客係優勢，而唔係壞事。
（另一點係，89 係駁住火炭區 BBI，依點亦影響緊 89 客量）
但最荒謬一點，亦係事實。
假設我係連城廣場展銷位，有一部 2 分鐘開既 89X 同剛到大會堂 89（下班要 8-10 分鐘），
結果的行落去上 89 係有機會出現兩個情況：
1. 平日，我上第 2 班 89 係趕得番得放棄左既 89X；
2. 假日，我上第 2 班 89 到物華街之際，係會見到 89X 再早一班車。
如果係熟客，任何情況下根本應該要上 89，除非你真係唔想行，或者被迫要上 89X。
因為事實上 89X 碌車食燈收車既問題，係非常嚴重（嚴重過一條行牛頭角道既 89）。
我試過 89X 明明係 12 分鐘時段，我等左 25 分鐘先有車，觀塘區無交通意外，亦有兩部 89X 番到黎但私走。
對比一條獅隧、龍翔道日日千變萬化，仲要每日拖卡拖全日既 89，都唔會咁離譜。
最後，你鐘意上 89X 真係你選擇，我唔會阻止。
畢竟我有時拎住成袋宜家，又撞正 89X 有車，趣趣地上車訓下又無所謂（只係訓到頸斷先到觀塘）。
|
評分
-
查看全部評分
|
|
惡意回復是不道德的行為。
|
|
|
|
|
|
本帖最後由 dennis28a 於 2017-8-8 02:36 編輯
補充三點：
- 裕民坊既 89 人流係多過 89X，當然，有人係見到 89 走左，就行過隊上 89X；反而倒轉 89X 轉過 89 既人流相對少一點（唔係無，但唔多）。
- 如果計 BBI 人數，89 火炭區 BBI 數字唔弱下，依點亦解釋緊點解有人係市中心落車跑去轉 81K 或者 88K。
你都未試過早繁有人用 80M 追 89，平均每車有 2-3 個客係咁，而特登唔上 81K。
（所以 88X 觀塘去火炭根本係無吸引力可言，仲要無 BBI 轉 81K 或 88K）
- 如果根據每日牛頭角站、淘大兩個站既下繁時段，係有唔少人係由天橋方向落去專登等 89，
要踢走 89X 唔係問題，唔該請為 88X 同 89 加班。
|
|
|
惡意回復是不道德的行為。
|
|
|
|
|
|
我係因應宜家個狀況先提出撤89X
估唔到我只係話將89X縮短少少大家反彈咁大
對於我黎講兜耐d同等耐d係差唔多一樣
睇ETA未有車都可以行開下做其他野(例如去廁所/買下野)
非轉乘客直情可以睇準時間先去等
兜耐d果架一等耐咗其實同等疏車線時間差唔遠,之後仲要焗兜用更多時間
等疏車線但快就唔同,至少一有車上都唔會耐好多
當然,我多數會選擇搭其他路線或轉一次車而唔等下一班
而88X係觀塘道係有分段同埋296A/98A BBI
有心做既話襯火炭新公屋同油塘發展重組88X係出路既
整條直接版既89X可望89既觀塘客轉軚upgrade到新線價錢
沙中過海方面,一黎宜家都無乜堅過海客係果頭上
二黎過多幾年東鐵都過到海,到時d客都走得七七八八
不過聯營線關係估計比較難傾得掂數縮走 |
|
|
我本人 明白什麼都總有限期
|
|
|
|
|
|
你打咗篇千字文，可以主要歸納為三點：
1. 89快過89X，上89X傻仔
2. 生客根本連89X都唔會上，會上港鐵
3. 89X大多數客都係去一城愉翠
逐點回應
1
無人否認過89車程會快過89X，但時間差距有無你講到咁大？
彩虹就肯定係，但觀塘九龍灣就真係難講
新九巴網頁既好處，係有得查預計行車時間
得出既結果，係裕民坊去沙市，89用31分鐘，89X用40分鐘
好啦，你位處觀塘道沿線，行5分鐘入牛頭角道等89，最終個結果只係快直接搭89X僅僅5分鐘
天氣太熱太凍，就算熟客都可能會動搖
更何況本身唔少客已經係從觀塘工業區/九工行咗好耐出觀塘道，上89X真係咁難理解？
2
生客未必代表唔識搭巴士，可能純粹係唔係成日入沙田
試想象一個客日日觀塘道等車返新界，日日見住89X“沙田鐵路站”五隻大字喺面前掠過
有一日，佢要入沙田，你估佢會點搭？
日日幾萬甚至上十萬人喺觀塘道等車，唔難理解點解89X知名度會比較高
當所有新界線都行觀塘道
得條89咁有性格咁留守牛頭角道
仲要肩負維護歷史地名大任，剩係寫沙田舊名“瀝源”
我絕對明白點解有班客會唔識、唔敢上
至於你話，其實大部分生客都會上返港鐵
我會覺得，港鐵死忠一定有
但觀塘道新界線做咗咁多年，覆蓋新界差唔多每一個角落，口碑其實相當唔錯
慣性落街搵新界車既，都唔少
有時唔可以只係站喺巴士迷角度去思考，以為普通市民一定熟路一定知
普羅大眾好多奇怪既搭車方法可以嚇死你
甚至我成為巴士迷之前，家人坑口入天水圍，係港鐵過海轉969
怪？好怪。但生客唔熟路真係好多嘢都做得出
而當連本版都有有好幾個版友（包括我自己）都同你講，曾經/會搭89X觀塘入沙火，係時候反思下點解
唔係話89唔好，我識搭89之後，同身邊既人搭過幾次，同行者皆讚不絕口
但個learning curve都有喺度，第一次搭89出九龍灣，轉入牛頭角道一下真係嚇一嚇
3.
89X一城愉翠多客過沙火，無錯
但部分時段沙火真係有唔少客，你唔好同我講我89X沙火單站上四五十個，係去一城
我甚至覺得89X沙火使用率，可能高過170 |
評分
-
查看全部評分
|
|
|
|
|
|
|
|
castanopsis 發表於 2017-8-8 05:00
你打咗篇千字文，可以主要歸納為三點：
1. 89快過89X，上89X傻仔
2. 生客根本連89X都唔會上，會上港鐵
關於第三點：89X區內客只要做好條80K, 284其實已經做到，反而點解284唔去碩門邨做新區客，寧願去濱景花園與86K重疊（唔好講電容巴士去碩門邨會唔夠電）? 只要增設86K，299X沙火至濱景花園雙向分段收費其實可以KO條284。
至於沙火去觀市，之前提過只要將88X修改為油塘至火炭雙向服務並降低收費至8.2，相信89X可以縮短至沙田圍，與89B共用車隊，方便管理 |
|
|
|
|
|
|
|
|
這個要追溯至城隧啟用初期
城隧通車，原有48一分為二 (47X / 48X)
由於當年走線十分兜（初時跟當年48，要兜沙中、沙角、大圍，後來改為先入沙角再入沙中）
所以城隧通車約1個月投入服務的43X，就是取了源禾直上城隧這個優點
讓源禾路居民可以不需在沙田區內兜路直去荃灣
1991年5月城隧轉車站啟用，47X撤出源禾，48X改為袛經沙中
源禾路就一直有2條去城隧的路線（一個入沙中，一個不入沙中直上城隧）
同年12月，源禾路不經沙中去城隧的服務改由新開的40X繼承，43X才撤出源禾路
若果40X不再入源禾路，源禾客去城隧就要全部陪兜沙中
而且無了40X清客，有機會導致48X沙中登車困難
|
|
|
還看香港公交
|
|
|
|
|
|
40X 係源禾路分分鐘落車多過上車 , 兩個站加埋都唔夠 10 個人上
|
|
|
請用文明來說服我。
|
|
|
|
|
|
40X去源禾多數都頂閘飛站，馬鞍山一直希望40X經火炭路上公路。
DC不斷要求48X延長去火炭，當桂地街公屋興建完後48X延長去桂地街，咁成條源禾路有48X。當86S全日後40X毋須兜入去浪費時間。
|
|
|
|
|
|
|
|
|
今年BRPP延長至火炭的是48P而不是48X
若未能解決40X撤出後源禾路不經沙中直上城隧往返荃葵的問題，40X都幾難改道。
|
|
|
還看香港公交
|
|
|
|
|
|
|
Advertisement
Advertisement
Advertisement
Advertisement
Advertisement
|
