九巴83A,83X服務調整消息（19/8起）

brianso198 發表於 2017-8-8 21:33
其實170沙火唔係大家所講既少客...

論整體, 沙火當中170應該係最少客上車.

EX-TL 發表於 2017-8-8 23:50
論整體, 沙火當中170應該係最少客上車.

88x應該少過佢...

(紅日下午時段)

KS7360 發表於 2017-8-8 09:27
又有車去馬鞍山， 又可以慳資源， 一舉幾得。

84M去到既馬鞍山得好少部份炸喎
諗同前面話非繁拉85M

castanopsis 發表於 2017-8-8 05:00
你打咗篇千字文，可以主要歸納為三點：
1. 89快過89X，上89X傻仔
2. 生客根本連89X都唔會上，會上港鐵

我有時專登上尾班 0000 89X 返觀塘（仲有 1 分鐘開車），或者上同時段 0005 係瀝源開既 89（依班車通常 0008 到大會堂）。
無晒咩野塞車因素，多人上上落落，你估下邊部車快到物華街？

新九巴網頁既好處，係有得查預計行車時間
得出既結果，係裕民坊去沙市，89用31分鐘，89X用40分鐘
好啦，你位處觀塘道沿線，行5分鐘入牛頭角道等89，最終個結果只係快直接搭89X僅僅5分鐘
天氣太熱太凍，就算熟客都可能會動搖
更何況本身唔少客已經係從觀塘工業區/九工行咗好耐出觀塘道，上89X真係咁難理解？

問題係班客真係唔係入沙田市中心，而係去第一城，依個係鐵一般既事實。

問題又黎，咁點解釋當年 88X 仲寫住「沙田站」，下繁創紀之城排左 20 個人等車，點解最後得 3 個人上車？
我答你，果班唔係通勤客，上到車好多人會問部車到唔到第一城，我係果個站搭左 88X 唔少次，人生中有 5 次有生客都係問車長去唔去第一城。

當所有新界線都行觀塘道
得條89咁有性格咁留守牛頭角道
仲要肩負維護歷史地名大任，剩係寫沙田舊名“瀝源”
我絕對明白點解有班客會唔識、唔敢上

咁老問題又黎，就算真係比你寫左沙田瀝源又點，係唔係代表班生客識上。
89 同 89X 往沙田方向同站只有協和街、裕民坊、彩虹，你知唔知裕民坊張 89 貼紙上寫緊咩野？

唔識不如睇路線圖，有唔少生客都係行過去望，89 路線圖有一個站叫「沙田市中心」，而 89X 只有「沙田鐵路站」。

至於你話，其實大部分生客都會上返港鐵
我會覺得，港鐵死忠一定有
但觀塘道新界線做咗咁多年，覆蓋新界差唔多每一個角落，口碑其實相當唔錯
慣性落街搵新界車既，都唔少

你就係用巴士迷既角度思考，我識唔少人係觀塘返工，個個人都問我：「觀塘有咩車入新界」。
唔少人睇 Google Map 都有問題，你認為佢地除左識搭自己常用既巴士線外，真係識去觀塘道搵車。

我起碼識超過一百人同事、朋友，全部係觀塘返工同觀塘住，到今時今日都唔知有 277X 存在，296C 同 269C 同 268C 分別，89、89B 同 89X 有咩分別。
最離奇係，一個住馬鞍山既人都唔記得原來 89X 可以到新城市，而佢係觀塘返工，返放工搭 89D。
唔好成日用觀塘道真係萬能既思維思考，唔識路大有人在。

你識上 89X，原因係你係巴士迷，你知道個 X 點解，而火車站同新城市連係一齊，依個唔係必然。

我可以答你，我人生中解答過或係旁邊聽到有人問唔少人點去沙田，試過好多人係裕民坊、牛頭角站問我，邊部車去新城市。
佢地真係連 89 同 89X 都唔知係咩黎，以為 89B 先係去新城市，上面寫往「沙田圍」三個字，仲唔係入沙田？

當中有唔少人知道原來 89 起碼要預 35 分鐘入新城市，89X 用 45 分鐘，結果佢地行去搭港鐵，完。

所以我每日係度重申，只有巴士迷先以為正常觀塘居民會上 89X 入沙田，點解我咁強調港鐵？
你試下有朋友或同事係觀塘返工，佢突然要去上水、天水圍，唔識就保鐵，有事起碼唔會落錯車係常識。
觀塘大大條露天地鐵路軌係度，上港鐵完。點會思考原來觀塘道係有巴士去新界？

我用今日港鐵又壞車做例子，事實上有更多人港鐵一壞車就叫救命，完全唔識上咩巴士可以去到目的地。
你識用 Google Map 係你聰明，識用九巴 App 更加 Advance。
你真識話有人見到 89 車頭無沙田兩個大字就唔識上車，有更多人更驚死，可以肯定佢連 89X 都唔會上，
畢竟我係裕民坊見得多，我解答完佢上 89 就得，最後真係上港鐵，問你死未。

所以 89X 多人識依個立論係好有問題，特別係 88X 到站，車頭仲係寫「沙田站」年代，九龍灣同創紀無咩人敢上車，
個個生客上車問去唔去第一城，就知係觀塘道等車批客主要係咩人，講你又唔信。

89X一城愉翠多客過沙火，無錯
但部分時段沙火真係有唔少客，你唔好同我講我89X沙火單站上四五十個，係去一城
我甚至覺得89X沙火使用率，可能高過170

沙火個標準根本有問題，89 做唔做到藍田、油塘、觀塘山、將軍澳 BBI 客？做到你會唔會係牛頭角道行番出去？
89 返觀塘停唔停麗晶、啟業？89 又做到幾多德福同定安街客？
你知唔知 89X 係麗晶、啟業、九龍灣站可以落左半車至 2/3 車客？

計計埋埋 89X 係沙火上車有 30-40 人有幾奇？咩時段咩班次？假日 10-12 分鐘一班時段我真係見過，真係由細見到大。
而且我答你，出現咁既情況下既 89X 一定要用 50 分鐘先到物華街，50 分鐘係足夠由清河去觀塘市中心。

不過我真係好少見過 89X 沙火上車有 50 咁人誇張，除去觀塘道出事，或者拜山期，通常 89X 條龍排到轉左一個彎，大約有 30 人。
如果真係，89X 就無可能到第一城先坐滿上層，89X 主力用 3ASV，上層得 59 個位，
如果好多班都係上 50 人，以麗豪、富豪上 10-15 個平均數，照理去到富豪就會玩完，而唔會去到第一城上層仲上到 10-20 人。

咁係唔係代表緊依 89X 30-40 人一樣可以上 89？答案好明顯唔係。
如果係，89 唔會成日 6 分鐘一班都可以係大會堂打爆部車，而去到淘大仲有半車客。

我有時專登上尾班 0000 89X 返觀塘（仲有 1 分鐘開車），或者上同時段 0005 係瀝源開既 89（依班車通常 0008 到大會堂）。
無晒咩野塞車因素，多人上上落落，你估下邊部車快到物華街？

回尾車論，89 通常會快 89X 一支燈位到物華街。
而 89X 當時平均車程係 35 分鐘（由火車站計），89 平均車程係 30 分鐘（由瀝源計）。

坦白講，如果係沙田通勤常客，89 比 89X 快 10 分鐘唔係誇大，而係嚴重「報細數」。
89X 由火車站開，直到入隧道前，係經常性食足咁多支燈，我試過全食，加埋第一城大上，需時 25-30 分鐘先到可樂廠。
如果唔係點解會有咁多個板友講，「係火車站上 89X 過到第一城入大隧，上 89 都已經差唔多落車」。

要多謝就多謝入第一城同威爾斯果兩支死人燈，轉 2-3 部車就轉燈，每日淨係入一入威爾斯都浪費左唔少人時間。

如果係假日下午，上 89X 由火車站返物華街，我重申平均要 45-50 分鐘，直頭係想斬人。
而依幾班車就係你口中講到沙田火車站多人上車既班次時段。

至於相信九巴 APP 分鐘就算吧，88X 由創紀之城去火車站，假設 89X 同步埋站，非繁係有能力追到前兩班 89X（重申，係前 2 班）。你話我有無誇大？你試下上 88X，睇下創紀去火車站係唔係大約係 25-30 分鐘左右？

ASV50 發表於 2017-8-8 14:39
同意你咁講, 88X根本唔應該再插隻腳落觀塘

再講30分鐘係真係好難做到好好客, 而剩做藍田當然唔夠客

正常火炭客係善用緊 89 轉車，點會去等 88X 仲要係火車站兜圈落番源禾路，搞得黎同 89 轉車無咩分別。
88X 仲要唔上穗禾，又唔到駿景。

Ravenclaw 發表於 2017-8-9 00:52
88x應該少過佢...

(紅日下午時段)

已經唔係，藍田儲左一批客上 88X。

castanopsis 發表於 2017-8-8 05:00
你打咗篇千字文，可以主要歸納為三點：
1. 89快過89X，上89X傻仔
2. 生客根本連89X都唔會上，會上港鐵

1.
就算唔搭89都唔一定揀你條89X,除咗鐵都仲有條88X
當然有時會因為天氣問題而轉軚我都認同

2.
見到寫住"沙田鐵路站"都唔代表一切
正如城隧呢邊,堆生客識轉47X/48X/49X去火車站多過263

你話搭開巴士既生客唔太識89
我都可以話佢地見到"89"都會聯想到係去沙田
就算唔清楚佢地都會開聲問/研究下豬紙

當搭89X中過一兩次伏班客下次都未必搭返佢而會搵第二個方法搭車

Ravenclaw 發表於 2017-8-9 00:52
88x應該少過佢...

(紅日下午時段)

88X閒閒地有40個客, 170大概幾多?

dennis28a 發表於 2017-8-9 01:55
正常火炭客係善用緊 89 轉車，點會去等 88X 仲要係火車站兜圈落番源禾路，搞得黎同 89 轉車無咩分別。
88X ...

有版友話88x延長咗去火炭先改路會有好大阻力
我就覺得阻力係有，但係咪大到乜都做唔到咁誇張

沙火最少人上那條叫86S