九巴83A,83X服務調整消息（19/8起）

小瀝源來往馬鞍山，兩者都係住宅區為主，客量飄忽
其實808小巴唔算開得疏，平均10分鐘內都會有一架車
但同一時段，有時會有廿幾人等車，但有時又會得小貓三數隻
如果用巴士取代，班次少啲，但起碼突然多客上嚟都載得晒
唔似得小巴，人一多，隨時等半個鐘都上唔到車

如果馬亞木都無心機／唔夠司機做808，運輸署其實可以考慮將808拆成三條線
808A: 錦英苑 <--> 海柏花園(循環線) [依家個條去火炭的808A到時再改number啦]
808B: 威爾斯醫院 <--> 黃泥頭(循環線)
808H: 威爾斯醫院 <--> 錦英苑(不經小瀝源，威爾斯醫院開出後直接經沙田圍路同大老山公路去耀安)

前兩者係肥豬肉，馬亞木應該會好樂意做，至於808H，可以開疏啲，15-20分鐘一架，主力做醫院客
至於小瀝源至馬鞍山嘅客，就留返比新開的89S，做定點15-20分鐘一班，應該可以勉強夠客...
(其實我覺得延長99會比較慳資源，不過唔知點解九巴唔肯？)

petcity 發表於 2017-8-23 22:07
你指延長99到黃泥頭個邊？拉長左要加幾多架車去維持班次呢？

由耀安到黃泥頭，車程應該不超過15分鐘
一來一回，加2架車應該都夠？
反正依家話要開89S，咪一樣要2架車...

如果真係唔介意無障礙轉乘解決, 小弟在310#提到, 89D抽一部車俾289K延長到黃泥頭其實可行的, 搵289K做轉乘主線, 對黃泥頭都算係一個甜頭, 可去多一個現時只得早繁服務(82C)的大學站, 再加未有直達交通服務的馬鞍山第77區.

而富安的區議員算是比較麻煩, 289K拉長去黃泥頭, 亦可算是甜頭, 乘客可在總站上落車, 比起在恆德街/亞公角街上落, 有很大改善, 而亞公角街也藉此回復往返大學站的巴士路線.

如可以, 九巴可加多幾條路線作轉乘之用, 除烏溪沙89D, 可以加埋利安86C, 錦英87D, 馬市85X, 耀安81C, 恆安89C, 讓各小區居民可在樓下總站乘車, 車費亦較89D便宜一點, 中途小區有不止一線服務, 減少轉乘候車時間, 也算是甜頭, 惟不建議用K M線賣大包.

以下為優化後的建議內容:

289K 大學站 - 富安花園/黃泥頭(循環線)

服務時間

富安花園往大學站 每日早上5:25, 5:45
大學站 - 富安花園 每日早上5:45-早上8:50
大學站 - 黃泥頭     每日早上9:00-凌晨12:20

班次維持不變, 傍晚繁時需加車兩部, 非繁時加車一部, 以維持現有班次水平.

往黃泥頭方向, 過富安花園總站後, 停亞公角 沙田醫院 黃泥頭 廣源邨 小瀝源, 折返沙田醫院 亞公角, 富安花園總站後返回原線.

*黃泥頭 廣源邨 小瀝源巴士停站時只開上車門, 方便乘客補付車資.

大學站往沙田醫院 $4.6
大學站往小瀝源 $5.3 (上車拍卡$4.6+下車拍卡$0.7)
黃泥頭往大學站 $5.3
沙田醫院往大學站 $4.6

289K往大學站 轉乘 81C 85X 86C 87D 89C 89D往馬鞍山, 總車費$6.4

81C 85X 86C 87D 89C 89D往九龍 轉乘 289K往黃泥頭, 第二程免費

EX-TL 發表於 2017-8-24 02:39
如果真係唔介意無障礙轉乘解決, 小弟在310#提到, 89D抽一部車俾289K延長到黃泥頭其實可行的, 搵289K做轉乘 ...

289K延長去黃泥頭嘅時間如果只係非繁嘅話 分分鐘唔駛加車 只需要蛇轉正都可以搞掂

某議員字裡行間透露佢地去馬鞍山唔介意轉車 所以289K延長其實初步上係可行 但只怕佢地得寸進尺 要求比直車佢地來往廣黃鞍 而正正因為289K係唔可以來往馬鞍山市中心 導致佢地反對 但其實延長289K同新增轉乘馬鞍山巴士線優惠係可行嘅

只不過要對症下藥 其實延長99係其中一個更實際嘅方法 因為佢途經馬鞍山市中心

(回覆埋其他版友) 有人話會導致分工模糊 其實講真究竟分工模糊有咩問題？我係唔明有咩咁大需要要分工分得清清楚楚 講真要認真計嘅話 299X應該濱景之後就走 99應該係沙田醫院一帶開先叫做真係分做一條沙田 一條馬鞍山 咁如果沙田醫院冇位擺車嘅咪順便放落黃泥頭囉 呢部分同299X都冇交疊 唔會造成分工問題
(再講多次我根本唔明分到咁清楚有咩咁重要 仲有乜延長之後好影響啲人理解99同299X？所有延長都會造成班次冇咁穩定 咁係咪所有線都唔可以延長？)

即使延長99唔改299X 咪當係兩條線聯合服務阿公角街囉 反正299X週末沙市都可以一站打爆 阿公角都比較難上車 延長埋99過去就叫做多個選擇 再者 本身黃泥頭都冇直車去西貢 要83K轉299X 而家可以有直車

85A 唔加價拉去馬鞍山做總站又得唔得 ? 條線又入威院又去樂富,除左幫89D補位又可以取消埋84M,咁到時82X入埋威院就解決醫院問題

10598C 發表於 2017-8-24 13:34
289K延長去黃泥頭嘅時間如果只係非繁嘅話 分分鐘唔駛加車 只需要蛇轉正都可以搞掂

某議員字裡行間透露佢 ...

99 299X重組後目標清晰, 99做到過去299馬鞍山的服務範圍, 而299X作為特快線, 經富安花園出沙田, 沿線冇大異議, 班次 收費 派車等各樣在當年重組後, 做過一D微調, 令成個組合接近完美.

假如為左黃泥頭而搞99, 亞公角街有兩條線出入西貢, 你可以話俾多一個選擇乘客, 但拉長路線要加車加價, 以99現在唔同路段的收費, 加埋黃泥頭-馬鞍山部份, 實行上嚟難度會高左.

加上99跨越沙田 大埔 西貢三區, 咁樣搞一搞, 就算九巴再有心機做班次重組和微調等動作, 最先仍要三區支持方案才能成事, 而我睇唔到99延長到黃泥頭, 對西貢區有咩好處, 佢地一定會認真考慮.

黃泥頭同馬鞍山都係隸屬沙田區, 來往兩地的交通事務, 應該先由沙田區自己拆掂佢, 跨區線延長, 盡量唔好諗.

EX-TL 發表於 2017-8-24 16:30
99 299X重組後目標清晰, 99做到過去299馬鞍山的服務範圍, 而299X作為特快線, 經富安花園出沙田, 沿線冇大 ...

99延長之後啱啱好18公里 可以唔駛加價

對於西貢區 其實對佢地冇任何壞處 延長甚至叫做方便左啲人來往唔同地方


而其實我前幾頁都有問過一個問題 就係99同299X應唔應該加返啲轉乘優惠 方便西沙路居民轉車 同時換取區議會支持 變相可以係一次延長底下 同時惠及廣黃 阿公角 馬鞍山 西沙路 同西貢

10598C 發表於 2017-8-24 17:41
99延長之後啱啱好18公里 可以唔駛加價

對於西貢區 其實對佢地冇任何壞處 延長甚至叫做方便左啲人來往唔 ...

99應保留郊區路線特色, 唔係話唔應該加轉乘優惠, 而係馬鞍山-黃泥頭一段同99本身路段冇任何關係時, 點解非要搞到佢不倫不類?!