未來東西線沿線月台目的地指示牌可否加埋紅磡？

寫埋市區地點好過淨寫另一邊目的地囉

簡簡單單寫"往紅磡/屯門"已經得,好似TKL/TCL果隻咁

即使現有模式唔太清楚，但擺多幾年就慣，指點唔熟路的人搭車係咪講一個短地名好過成串字呢。

地鐵開通三十幾年，荃灣線冇乜郁過都會有人（新界居民）搭錯車，係要唔識既你捉住佢上一個鐘堂都係唔識架啦。

如果按樓主邏輯,每逢路線延長,指示應寫成「往xx (經:xx)」,咁路線圖做乜?
另外東涌線指示寫成往東涌及迪士尼線, 但有可能誤導乘客,因為外人以為迪士尼線會經東涌線沿線車站,應加埋...及在欣澳轉乘迪士尼線字句,

eternalflame 發表於 2017-8-13 16:55
香港乘客對直通運行嘅講法唔熟悉

未來東西線並非直通運行模式...

因為已經合併咗做完整一條線

groom1002 發表於 2017-8-14 11:37
如果按樓主邏輯,每逢路線延長,指示應寫成「往xx (經:xx)」,咁路線圖做乜?
另外東涌線指示寫成往東涌及迪士 ...

要加既都可以，方便乘客都無壞處

考慮加埋  經:__、__  (類似新巴城巴長側牌)

或者加入經邊D大站
例:

有冇指示/路線圖,總有人仍唔知點搭車 例如東涌線通車成超過10年,仍有一些人未知奧運站係邊,俾著加咗新指示都嘥氣除了站名不實

有片:https://www.facebook.com/tvmosthk/videos/1941867106061617/

DIH 發表於 2017-8-14 09:19
即使現有模式唔太清楚，但擺多幾年就慣，指點唔熟路的人搭車係咪講一個短地名好過成串字呢。

地鐵開通三十 ...

咁加咗係咪好過唔加?
加既話要用多幾多錢?

一條咁長既線, 寫紅磡/屯門 或者 紅磡/烏溪沙, 一目了然
否則, 住新界東既會以為條線係直通新界西

而家紅磡站部份指示都寫 "往尖東至屯門"啦, 印埋俾多D 乘客唔使諗就上車有咩問題?

ASV50 發表於 2017-8-14 12:00
未來東西線並非直通運行模式...

因為已經合併咗做完整一條線

直通運行同完整一條線有咩分別?

頭尾幾班車 點都會有D 中途車下嘛?

timewater 發表於 2017-8-14 13:35
咁加咗係咪好過唔加?
加既話要用多幾多錢?

我冇誘因幫港鐵慳錢。

條線的確係新界東直通新界西（指不用轉車），只不過要繞經九龍，「往屯門」完全沒有誤導，反之你提議「往紅磡／屯門」值得商榷，因為去紅磡最快方法係在大圍轉東鐵（南北線）。係要加既，可以用「往屯門　經鑽石山、土瓜灣、紅磡」，新界西月台亦可以照標示以上車站。至於到站廣播就唔提好過。

香港鐵路網已經算係非常簡單，暫時只有兩個同線分叉例子，而且都只牽涉一兩個站，又冇快速冇特急，絕大部分情況一個月台的車只有一個行走模式，乘客唔使揀車搭，又有冇實際需要整咁多野落去呢。再加上講真有幾多個會岳高個頭睇，我自己都試過老貓燒鬚觀塘返鑽石山上錯車去調景嶺啦 。

timewater 發表於 2017-8-14 13:37
直通運行同完整一條線有咩分別?

頭尾幾班車 點都會有D 中途車下嘛?

兩條分開路線既列車 去到某車站 改行另一路線，先係 直通運行

例如東京メトロ千代田線列車 去到 綾瀬 繼續行走 JR常磐線
呢種先叫 直通運行 ..
既然東西線已經一條完整路線，何來直通運行？

可以參考日本wikipedia有關 直通運転 既資料



至於 中途車 係另一種概念
中途車 無論係唔係 直通運行 定 單一路線都可以出現
只要起點終點都唔係 總站，都算係 中途車