為什麼近排港鐵經常故障？

印象中之前小弟搭地鐵都冇發生得咁密啲故障， 好似一年都壞咗幾次咁樣， 但是現在一年就壞成一百幾次， 會唔會誇張咗啲？定係港鐵啲維修質素好差？ 大家不妨一齊討論一下

自從觀塘延線通車, 觀塘線故障頻密左, 亦都嚴重左, 令我諗起十幾年前將軍澳綫通車後不斷故障, 倒左好多觀塘過海客去巴士.

我覺得每個月有一兩日全面停駛驗車驗路軌驗信號,壞野機率應該會大減,不過應該冇乜可能

有時都諗係咪以前資訊無咁流通

至少無Facebook果時都唔覺地鐵會壞

而家好似每一兩個月一次咁

或者咪因為外判囉

唔係話外判工人求其

你判個價又低，一二三判每度食一層

員工得番幾多？心照啦

原來是這些原因導致的，感謝各位分享。

好多時想做令仔啲都冇時間，你要知道幣  公司第一守則係安全，第二就係行到車。

而且人就係得咁多，上面有人話有外判搞到質素差？
有外判已經係皇恩浩蕩，叫做多個人多雙手，最多佢搞掂完，我地再睇既即。

31061689 發表於 2017-8-15 21:31
我覺得每個月有一兩日全面停駛驗車驗路軌驗信號,壞野機率應該會大減,不過應該冇乜可能
...

每月停一兩天
即使是非上班日
都好難由巴士應付
如果可行,該鐵路成本
效益本身都成疑問。

我就建議每晚2300
開出尾班車,每晚可多出
兩小時做維修,但飲食及
服務業員工多在凌時下班,
用專利巴士做亦有利有弊,
仲有大時大節一樣要通宵行駛。

至於壞密咗係真嘅
雖然講乘客密度仲
未到90年代初話去到
超出消防條例咁誇張……

一來系統老化,二來
資訊流通普及咗,最後
亦與社會整體風氣有關。

kitarolo 發表於 2017-8-16 21:10
每月停一兩天
即使是非上班日
都好難由巴士應付

我覺得同資訊流通或社會風氣關係不大，怨氣不能令機件失靈的。

不如面對實在原因，就係鐵路系統負擔的確比以前重好多。就以我返中大的幾年為例，2004-2008年左右，早繁北行東鐵可以有位坐，但到2012年時九龍塘上車即使走到尾卡都無位坐兼且越企越多人，多好多晨早就北上的客（自由行、水貨客、甚至去深圳返工都有）。觀塘線就更加越壓越重，起動九龍東令大量白領改往觀塘區返工，同時觀塘區自己又住多成十萬人，加上大型商場吸引區外消費人流，以前九龍灣邊有咁多人搭地鐵，而家多人到擠提咁，淨係一個三彩已經塞爆個站。

繁時乘客密度未必有以前咁高，但而家係攤長時間，到夜晚九十點都好多人搭，此外以前通常單向多人，而家係雙向繁忙，供電、信號、走行系統全部長時間高負荷，唔成日壞先奇。