本帖最後由 ctb7k-pc6795 於 2017-8-23 19:29 編輯
為數30架11.3米 Trident (1401-1430) 係全港首批11米低地台雙層巴士,
係新巴特別為半山線買, 由我中學果陣入主23 取代前中巴的字軌車,
行左10年由 同長度E500 (4000系) 取代, 之後就入南區替換布牌鷹.
我同中學同學都見證佢地上落半山, 不過坐佢地的感受卻不如舊車強烈.....
轉眼到18年大限, 唔計轉手去大西北果六架 (1416-21),
佢地多數係行到到期前三日至一星期就封車,
要送別都有D難度, 不過上星期五就終於送到.....
當晚本來係留意城巴九頭豪, 後來收到料,
有架車號1428 (諧音一世易發, 真係幸運車號)
本來做早上做緊94a, 下午 轉左行30x, 30x 都不常用尾日車,
次次尾日車都係11米, 就去坐下.....
後來我同伴在交廣上左車, 我又剛岩在9頭豪,
就在華富轉小巴去數馬港, 到數碼港見到1428 入左站,
就影佢前後, 行車證亦顯示架車8月23日到期, 即係有機會唔再出;
難得車牌18年都無破損....
(*我見其他唔少車牌都換左新)
搵相果陣, 原來我五年前都不經意影佢做30x的梯位,
在車上影, 轉左準備上斜去中環, 剛岩最後一次坐都係30x..
車尾廣告中的"最後一程", 真係好有暗示意味.....
影完就等與同伴上車, 架車準時開出, 車程不算長,
不過車長手車穩陣, 但唔知點解架車有左右微搖,
唔知係咪同震或車陣車架有關, 好在之後都順利完成尾單.
車長之後按下電牌, 中間亦收到電話, 之後把車子駛上黃廠廠頂,
有張係同富豪11.3M B9TL 合照, 亦代表一個時代臨近尾聲.
架車上左廠頂之後就一路無再出, 相信都係封左車.
退左呢架1428之後, 新巴11.3M Trident 得番1429 同30,
都會在本月尾埋單, 真係歲月如飛.....
謝點閱....
|
