城巴九頭豪周末終極之旅 : 9024 @ 48 日與夜 (26 Aug 2017)

開學前的周末, 南區老牌流水線48 難得全線紅柱九頭,
當中9024 當晚就到十九大限, 所以我除左影其他9頭,
亦對9024 都特別留意, 因為架車當日會係最後出車.....

同日都有對家同長度低台車款埋單, 就係新巴的1429 (另文已分享)
http://www.hkitalk.net/HKiTalk2/thread-1032345-1-1.html

說回9024, 架車新出頭十二三年都係東區車, 亦常做東區隧道線,
又或者係寶馬山25系循環線; 網上唔少人都話架車上斜無力 (普遍都係)......
佢亦都入過西貢做 698r, 入南區轉橙牌後亦被拉去做機場線 A10 救兵.,
都係好似鐵人咁用盡.......

我兩星期前坐過架車, 平路表現同埋冷氣係OK的, 做40 / 40M就別有過高期望.......

講番48, 我下午坐1429, 臨轉入黃竹坑站就見到9024返華富,
就轉車出香港仔等9024; 到左三點半過d, 終於見到佢,
就影佢轉彎再上車, 過深灣影佢梯位, 再坐兩轉.....

為影門位同埋方便轉車返家, 我坐第二轉果陣就在華富道落車;

落車之後就過馬路影佢出站起步, 再等多數分鐘影佢上斜入隧道一刻;
門位廣告的食肆南記, 發源於南區, 貼在這夕陽車上亦宣傳旺區的分店,
但架車都無太多機會回到旺區, 特別係到最尾一刻.....
到架車上暗斜雖然轉眼上完, 不過後面有比它快的競爭對手 - 柴油紅小跟尾,
果架紅小, 都相信會在不久將來, 都同9024 一樣, 他朝君體也相同,
只係9024 先行一步退下來.......
我影完佢就先行回家, 醫完肚再會合送別的粉絲一齊享受最後時刻,
下段再貼夜相......

晚上醫肚後, 我坐7號的9037 會合同伴, 再行去海傍等9024,
係終極的兩轉, 換左車長, 行程速度比上次果兩轉略快少少.
返到深灣再影佢最後一刻, 再上車見證架車終極一刻.
尾轉上斜果陣, 車長鎖波略為谷谷架車, 令我同友伴都有愉快一刻,
最後架車在2330之前返到深灣, 並轉私牌, 我就影下佢最後的一刻.

架車好快就熄燈, 出站返廠; 之後坐小巴, 架小巴跟著9024 的後面,
落車後行去廠出面, 發現9024轉眼就入左廠, 泊在地下,
沒有洗車補油, 就在出面影佢車尾,
即係, 架車的任務已超額完成!
之後行去橋底果邊, 都有已退的同類同埋
Trident (14/ 16), 等侯被處理....

分享完畢, 歡迎跟相, Goodbye and Thank you 9024!!~~~

有無輪椅客投訴上唔到車返華富邨屋企？

跟翻張已crop仲係舊編號再行前多少少．．．

2001/11/4


0甘就玩完．．．

跟張正常size的．．．

點解 9024 塊頭牌好似比同款既細塊同偏下既

有位可以好似中巴咁貼個城巴 LOGO 係上面

河豚 發表於 2017-9-3 00:08
點解 9024 塊頭牌好似比同款既細塊同偏下既

有位可以好似中巴咁貼個城巴 LOGO 係上面  ...

9024，9025"特徵"之一，一望埋去就知係其中一架．
不過都已經係歷史，未劏都唔會再0係街上見到（拖/
行埋去劏房一程例外，見到機會都唔係我的．）．
．．

miklcct 發表於 2017-9-2 19:47
有無輪椅客投訴上唔到車返華富邨屋企？

個個輪椅客係咪你本人?

3asv6 發表於 2017-9-3 04:21
9024，9025"特徵"之一，一望埋去就知係其中一架．
不過都已經係歷史，未劏都唔會再0係街上見到（拖/
行埋 ...

無錯, 9024 橙牌係低一些;
9025 就由車頭車牌認, 因為佢到退都係原裝車頭車牌.....

9024 差少少就唔駛換車頭車牌, 最終在最後續牌後不久換左.....

你都勁, 架車新出頭兩年都有相, 正!!!

9024@71上薄扶林道真係無力得很!