城巴A26即將開辦

S3BL100 發表於 2017-9-15 12:35
你好好笑，原來駁多程車先有機場車坐，好過步行距離內可以搭到機場線，唔使駁多程車？

...

係唔好過直接有機場車喺樓下，咁樂華駛唔駛籫埋入總站添？仲方便喎

你講樂華無，協和街無，三彩都無，咁功樂道呢？機場車又入功樂道兜個圈又好唔好？

隔離富山、慈北、石硤尾都無喎，機場線開埋入黃石碼頭啦，都有人無機場車，根本呢期樂華只係爭取人有佢有，秀順彩雲一帶變相加到30點都唔係太密車

S3BL100 發表於 2017-9-15 12:16
你講完呢一大堆野，到頭來都係無否定過人地的確有可能反對，而且係好大機會反對

我又用返頭先個比喻，你 ...

比喻本身就錯左啦

阿張生個藍田站日日返工都大把人等「有機會遲到」（其實亦有機會上唔到車）嘅東隧車過海，而唔搭「一定準時（如果無壞）」嘅港鐵，你話我係咪撞鬼吖嗱

人哋都講左好多地區意見，係你視而不見啫

dennis28a 發表於 2017-9-16 02:36
我可以答你，張生係希望聯同油塘區要求 E22X 全日，
而從來無重視過 A22 去留既問題，亦一直對於 A22 改善 ...

關鍵就係要有替代品一點

上面版友建議過的方案，直頭將 A22 減到 30 分一班而唔補償，
甚至成條無左，叫人坐 E22 就算，過到先奇

不過你講既野，間接證實左我一直以來一個諗法，
如果新 A 線係油塘開，經碧雲道、啟田道，落返藍田站
（就算去程只係停 C 出口都好），再直行龍翔道入機場，
要過到張生呢關唔難，至少已經可以取代 A22 功能

但你又問下你自己，E22X 全日的可能性有幾大？
你自己都識講，A26 行山係最少資源解決油塘碧雲道問題的方法。
如果加資源開條新 A 線都咁難，點解收平超過一半的 E22X 又可以全日？
E22X 全日要擺幾多資源落去？定係又諗住打 E22 主意，
係咪兩條齊齊做非繁 30-40 分一班？

E22X 全日機會仲少過爆多條觀塘道 A 線出來代 A22，
全日唔到的話，你講到係 A22 幾完美的替代都無用

你自己都識講，巴士公司要有誘因做先得。
開多條觀塘道 A 線就唔得，平一半的 E22X 全日就得，你根本係自相矛盾

我亦初步接獨過部份將軍澳區意見，特別係寶林、坑口區，佢地只要認為城巴有心加密班次，兼飛走黃大仙所有車站，
係有條件去 A29 討論換觀塘道加站，唔一定答應，但唔係你口中講到咁大反彈。

…

咁康翠有幾大必要處理？無機場巴士？A29 唔可以加車延長上山？
A29 加車上山，正如上面所講，原則上康翠係收貨，坑寶唔會投訴。

咁係唔係有空間比康城、將南、觀塘道夾多一條全日 A 車？當係 30 分鐘一班都好。

你都識講「唔一定答應」，同埋要加班

咁 A29 拉上康盛，要加一部車；加班一定係 30 變 20，要加三部車，
已經要四部。
然後為左擺平將南康城不滿 A29 觀塘道加站益人地唔益自己，
你都識話又要夾多條全日 A 線出來，就算 60 分一班，都要三部車，
30 分一班更加要 6 部

為左達成呢個心目中的重組方案，要加幾多部車落去？
再計埋 E22X 全日，同埋唔開 A29P 用其他方法滿足秀順機場線，又要加幾多部車？

我就計到你至少要 15 部車從天而降。
你一方面會話巴士公司加車開條新 A 線都有困難，
一方面又提出一個要瘋狂加車的方案
去滿足你的口味，仲要講到城巴好似一定願意照跟，你簡直係自打咀巴

唔計秀順機場線，甚至唔計幾乎唔可能發生的 E22X 全日，
A29 加班 + 將南康城新 A 線，至少要 10 部車，
但呢個數目已經夠我乾手淨腳開多條觀塘道新 A 線，30 分一班，
做埋碧雲道油塘，同時完美解決 A22 藍田站問題，又唔燒埋將軍澳，仲要有剩

下？主流行車方向？咩黎？唔好老作好唔好。
機場巴士放邊，就自自然然有人行過去，安達落寶達搭車叫主流方向？咁唔需要開 213D 啦，寶達行過去上 98C 安泰行落上 27 就得。

又如果真係主流行車方向，290X 根本唔需要加站，安達、安泰行落山搭就得。

290X 無服務的時段，安達安泰咪又一樣係要落寶達同四順坐車

入面有的線，自然唔會特登行出去搭，不過入面無的線，
例如去觀塘巿中心、紅磡土瓜灣、油麻地，非繁去荃葵，
安達安泰咪一樣會行出去搭車，仲要全程無障礙通道

但調返轉，寶達就唔會行去安達搭車，同樣地秀明道亦唔會去秀茂坪道坐車

同我「主流搭車方向」一點無矛盾喎

A26 一定要行碧雲道，行完碧雲道去樂華，一係經曉光街、振華道上三彩，一係經觀塘道、翠屏道上樂華。

得呢兩種行法？唔可以直行秀茂坪道，然後轉左落康寧道、振華道？
又唔見得慢過行安秀道幾多，根本就無唔做得樂華的理由

A22 叫合理時間？E22A 好似只係康翠唔合理，坑寶正常，將南超快，而 A22 係由藍田到九龍東都叫唔合理。

將軍澳係比九龍灣更遠，但不論上 A22 定 E22 入機場都好，全日大部份時間都係慢過比九龍灣遠 20 分鐘既將軍澳去機場，咩叫合理？

由你上面 「康翠有幾大必要處理？」一句，已經睇得出你咩心態，
自己唔關心的地區就由得人地死，呢D算係平衡各方利益？

A29P 解決左咩野問題？我真係好想知。最少未解決到康城問題、樂華、碧雲道問題。
你咁話人都得既？城巴係唔鐘意按你方法解釋油塘碧雲道問題，咁又點？

咁城巴又會肯按你的方法，動用更多資源落去，
解決油塘、碧雲道、將南康城、觀塘道的問題？

根本你好多時都係自相矛盾，自打咀巴，對人對自己兩套唔同標準

S3BL100 發表於 2017-9-16 12:38
關鍵就係要有替代品一點

上面版友建議過的方案，直頭將 A22 減到 30 分一班而唔補償，

咁我分清兩件事討論：
1. A22 全日減至 30 分鐘；
2. 係唔係除左 A22 外，城巴唔可以係機場服務上做手腳。

不過你講既野，間接證實左我一直以來一個諗法，
如果新 A 線係油塘開，經碧雲道、啟田道，落返藍田站
（就算去程只係停 C 出口都好），再直行龍翔道入機場，
要過到張生呢關唔難，至少已經可以取代 A22 功能

依個就去返城巴度，咁點解要咁做？

你既想法出發點我無否認過，但你一切建基於城巴無需要增加大量資源去做新路線，
而依個假設係 A22 縮去啟德可以節省 3 部車出黎，加上 A26 額外 3 部車，
根本有成 6 部車可以開到一條 30 分鐘新路線服務碧雲道、觀塘道。

不過事實係，A22 原來而家用車緊係不能夠應付塞車時段 15 分鐘一班，而大幅拉到 25-30 分鐘。
所以就算縮去啟德發展區，A22 都一定唔可以減車。

咁如果要開新線做依件事，姐係要從天而降最少 6 部車出黎。

咁城巴有咩得益，開拓到咩野新既客源？答案只有油塘同碧雲道既客。
觀塘道班客真係「賤民」，因為佢地有咩車會上咩車，甚少有人會搬個行李去機鐵站轉車，
所以城巴提供咩野服務，就算 A22、E22 大脫班，都會繼續死等。
（係得依度既板友先會研究觀塘道點去機場）

而城巴會出現觀塘道、龍翔道有極多機場巴士。
你都識話 A26 同 A29P 大部份重疊，咁 A29 同新 A 車何嘗唔係大部份重疊。
咁既然都係重疊，點解唔開 A26，直接減少龍翔道每小時一班機場 A 車？將依 3 部 A 車拎去做其他更急切既用途。

所以出現 A26 只係塞住觀塘區把口，同 A29P 開既概念一樣。

你自己都識講，巴士公司要有誘因做先得。
開多條觀塘道 A 線就唔得，平一半的 E22X 全日就得，你根本係自相矛盾

睇到你依句，我想直接同你講，你根本唔了解觀塘區議員低線，有咩資格同人估藍田站張生會唔會投訴？

咁 A29 拉上康盛，要加一部車；加班一定係 30 變 20，要加三部車，
已經要四部。
然後為左擺平將南康城不滿 A29 觀塘道加站益人地唔益自己，
你都識話又要夾多條全日 A 線出來，就算 60 分一班，都要三部車，
30 分一班更加要 6 部

所以呢？我接觸過事實，城巴係改善巴士公司有兩個態度。
1. 盡量用最少資源
2. 盡量得到最大效蓋

咁點解 A29P 出現，你估真係城巴咁善心去解決康翠依一小區問題？
唔好意思，A29P 出現係解決將南去機場渴求（如果唔係點解叫 A29P？）。

咁倒轉，康翠有無必要一樣 30 分鐘一班機場車？
事實上無，咁可唔可以每 60 分鐘有一班車以康盛做總站，其餘班次係寶林做總站？
只要唔解決觀塘道機場車問題，一樣可以先解決到康翠車程合理化。

所以你口口聲聲既康翠合理化問題根本唔存在，畢竟巴士公司有考慮過用 A29 拉上山換走 E22A。

將南係唔係解決到問題？A29P 的確似乎解決到將南問題，因為符合以上兩個原則，依個亦係你既論點。
不過有無考慮過，A29P 同 A26 係運輸署同城巴一手造成？原則上佢地唔想主幹道有大量低效率機場車行走，所以先批出 A29P 依個治標方法。

但咁就立即引起觀塘區極大反彈，要立即批 A26 做。
所以就算你既方案講到幾仁義道德都好，唔好意思：「重疊」。就算 A22 縮去啟德，一樣係龍翔道問題上撞板。

我就計到你至少要 15 部車從天而降。
你一方面會話巴士公司加車開條新 A 線都有困難，
一方面又提出一個要瘋狂加車的方案
去滿足你的口味，仲要講到城巴好似一定願意照跟，你簡直係自打咀巴

我無講過巴士公司一樣做，你又開始老屈人啦。
正如上面我所講，A26 同 A29P 果 6 部車只係治標唔治本，巴士公司同運輸署一樣唔會考慮我地兩個方案。
但點解好地地要突然間爆多部 A26 出黎先？無 A29P 出現，觀塘區根本唔會出聲。

入面有的線，自然唔會特登行出去搭，不過入面無的線，
例如去觀塘巿中心、紅磡土瓜灣、油麻地，非繁去荃葵，
安達安泰咪一樣會行出去搭車，仲要全程無障礙通道

但調返轉，寶達就唔會行去安達搭車，同樣地秀明道亦唔會去秀茂坪道坐車

咁如果個機場巴士站堅持放係秀茂坪道，寶達、秀明道班人一定會去秀茂坪道。
掉轉頭，係 A29P 開之前，寶達去機場返工，一樣拖個行李去上秀茂坪上 N26 同 E22B。
你知唔知你講既野幾唔合邏輯？

得呢兩種行法？唔可以直行秀茂坪道，然後轉左落康寧道、振華道？
又唔見得慢過行安秀道幾多，根本就無唔做得樂華的理由

秀茂坪道唔係比秀明道更重疊？定你想不停站提速，安達西既人就要拉去秀明道上車？
A26 淨做油塘、碧雲道、樂華、三彩，而翠屏北、曉麗苑、安達、安秀就繼續行路。

A29P 行秀茂坪道就有錯，A26 行秀茂坪道就無錯、行上安秀就有錯。
咁係又要開線招標搞竹園、白田既線？又係唔係要開多條 A29S 由康城經清水灣道出番機場？

按你安達、安秀咁既邏輯，咁城巴無必要開 A26 服務碧雲道，
只需要 E22 係安田道加站就解決到大半條碧雲道問題，咁係唔係應該淨係廣田開落山，油塘直出觀塘道就算？

最後一點係，如果城巴當日開左條碧雲道觀塘道專線，你又想點解決樂華問題？

由你上面 「康翠有幾大必要處理？」一句，已經睇得出你咩心態，
自己唔關心的地區就由得人地死，呢D算係平衡各方利益？

關心？你點解釋巴士公司為左維持 60 分鐘巴士線服務，而拎其他相近地區路線救亡。
而 A29P 同將來 A26 就係我口中既疏車線，而負責救既路線包括 A22、A29、E22、E22A、E23 等。
咁叫平衡各方利益？你試過 A22 25-30 一班未？我已經唔介意佢係唔係豪華車。

你日日都話，開線唔應該影響人，但我發現 A29P 開線之後，我竟然走上觀塘山轉 A29P 仲準時過等 A22。

起碼沙田區而家咁樣運作，將大部份小區既集中係市中心轉車，係唔係對所有區份都好？
起碼養到條密車線，善用資源，大家唔好再搞咩野山頭主義，面對下現實。
巴士公司部部車載客率又高左，唔係件好事？咁唔係更加平衡各方利益？

一直以黎觀塘區咁大反感，係兩間巴士公司唔協調，其實只要有機場線轉 M 線 BBI，
加一條好合理機場車，觀塘區居民會收聲，咁簡單既野，咁多年都做唔到，
搞到今日今日又開咩 60 分鐘 A 線，但連 A22 同 A29 服務都未企穩。

根本你好多時都係自相矛盾，自打咀巴，對人對自己兩套唔同標準

我只係討論同向地區反映意見，唔得就唔好做，我直頭拎你既方案去同地區人士開放討論，比你話自相矛盾我無所謂。
起碼我依一年你無再嘈一定要跟我既方向，而你呢？A26 上 RDP 果下至而家做過咩野。

但你既態度呢？世界真係圍繞你而轉，淨係停留係討論區，你有無反映過我既意見比地區？
連你自己果套都唔身體力行去做，日日淨係識嘈「山頭主義」，
唔講藍田既張生，其實我了解到康城既方議員思維仲開放過你，你真係檢討下。

巴士公司今日唔會咁做，唔代表聽日唔會唔做；
區議員今日堅決反對，唔代表聽日繼續反對。

你繼續聽唔明，我無所謂。

dennis28a 發表於 2017-9-17 01:05
咁我分清兩件事討論：
1. A22 全日減至 30 分鐘；
2. 係唔係除左 A22 外，城巴唔可以係機場服務上做手腳 ...

其實你帶人遊花園，咁多廢話都無用

因為你講到你個方案就算有幾好都好，都要城巴肯做先得

我 200% 同意你最後呢兩句
「巴士公司今日唔會咁做，唔代表聽日唔會（咁）做；
區議員今日堅決反對，唔代表聽日繼續反對。」

不過你改變唔到一樣野，就係無論有無 A29P，
就算 A22 縮短減唔到車都好，用你的方法去解決觀塘山問題，
解決觀塘道問題，擺平將南，擺平藍田站，要比起我的方案用更多車，
而且因為用 E 線而唔係 A 線代 A22 做藍田站，城巴見到都會擰頭走

我無講過城巴一定肯按照我的諗法去做，不過單憑上面呢點，
城巴落實你個方案的誘因同可能性一定遠低過我個方案

就當 A22 縮短減唔到車先，
我的碧雲道藍田觀塘新 A 線，30 分一班六部車搞掂，
再加 A29P，就算開 30 分一班，都係六部車，12 部車就完成任務。
鍾意拉 A29P 去康城，再加多部囉

但你個方案，秀順 A 線如果都要 30 分一班，已經要六部車，
然後 A29 拉長加一部，將南新 A 線六部車，
再加埋用來解決藍田站問題的 E22X 全日，30 分一班都要 7 部車，要從天而降 20 部車

已經唔計你想 A29 加停觀塘，幾乎肯定要加班交換

你話我個方案龍翔道問題撞板，但你有口話人無口話自己，
A29 秀順 A 線再加埋將南新 A 線，幾多條？幾多分一班？仲有多左出來條 E22X 呢？

就算有地區共識又點？城巴唔肯落實我的提議的話，更加唔會按你意思去做。
無論係昨日，今日定聽日，城巴按你意思去做的可能性，都肯定低過我提出的方案，
根本就同「今日唔肯做，唔代表聽日唔會咁做」無關

而且你講地區共識唔可以咬定人地一定會反對，但事實係你都要去遊說人支持，
甚至唔敢寫包單，但我繞過左幾個可能地區層面出問題的地方，連問人都唔需要

你對我的批評，套用返落自己度完全適用，甚至更加；
呢D先係我最反對你的原因

S3BL100 發表於 2017-9-17 11:05
其實你帶人遊花園，咁多廢話都無用

因為你講到你個方案就算有幾好都好，都要城巴肯做先得

咁所以呢？我可以答你，我直接將你既方案反映過，相關部門一笑置之。你可得可能批評人？

而且因為用 E 線而唔係 A 線代 A22 做藍田站，城巴見到都會擰頭走

你話我個方案龍翔道問題撞板，但你有口話人無口話自己，
A29 秀順 A 線再加埋將南新 A 線，幾多條？幾多分一班？仲有多左出來條 E22X 呢？

用 E22X 線全日並唔係我建議，而係主流觀塘區議員既建議。
你自己又話好了解藍田站張生，唔係連依點都唔知下化，憑咩去講好了解當區需要？

而且，人地係要求類似路線全日化，城巴比到 E22X 但收 A 線唔得既？
我未無比個方案出黎，你又亂咁比說話我聽。

就當 A22 縮短減唔到車先，
我的碧雲道藍田觀塘新 A 線，30 分一班六部車搞掂，
再加 A29P，就算開 30 分一班，都係六部車，12 部車就完成任務。
鍾意拉 A29P 去康城，再加多部囉

你知唔知而家 A29P 係無能力用 3 部車應付到現時龍翔道塞車班次。
部份塞車班次係嚴重過鐘，由將南去機場埋單 105 分鐘，加密到 30 分鐘一班，6 部車根本無可能解決到問題。

如果加一車去到康城，60 分鐘一班都仲可以既，30 分鐘的話，已經唔係講緊一部車咁簡單，
依點亦係城巴係 A29P 拉去康城上依留卻步中。

而且你講地區共識唔可以咬定人地一定會反對，但事實係你都要去遊說人支持，
甚至唔敢寫包單，但我繞過左幾個可能地區層面出問題的地方，連問人都唔需要

你又肯定？我可以話比你聽，而家城巴同運吉係非常擔心黃大仙區議會要求開 A 車行竹園。
如果有三條 30 分鐘既 A 車經龍翔道，你不如幫相關部門去同黃大仙區議會解釋下，點解三條都要行龍翔道而一條都唔上山？

依點就係點你既方案仲難既原因，依完全觸及到黃大仙區議會底線。
唔好忘記，你條新線係要過黃大仙區議會嫁。
係唔係竹園、慈雲山可以繼續容忍？A26 唔經樂華就要出頭？

你對我的批評，套用返落自己度完全適用，甚至更加；
呢D先係我最反對你的原因

你答我，如果問左你心目中條碧雲道藍田觀塘新 A 線，你點去解決樂華無機場車既問題。
你答左我先好批評我。

而且唔好再扮代表去認為某區一定反對，而你既所有建議都係完美，你知唔知開 A26 對黃大仙都有微言嫁。
唔好比說話我聽，E22X 全日化係地區主流聲音，唔清楚你根本無資格再係依件事上指指點點。

dennis28a 發表於 2017-9-18 00:49
咁所以呢？我可以答你，我直接將你既方案反映過，相關部門一笑置之。你可得可能批評人？

我淨系係A29P用車上講幾句啦(非鬧交)

其實而家新清龍翔主要都係上繁塞車啫 朝早A29P都係用兩架車行 開到90-160分鐘一班(其實都係因為避開條E22P啫) 如果全日30分鐘一班 而同時上繁唔加班嘅話 6架其實都應該夠 即使加一兩班 去到機場即刻私返去其實都得 反正1115先開第一班返將軍澳

dennis28a 發表於 2017-9-18 00:49
咁所以呢？我可以答你，我直接將你既方案反映過，相關部門一笑置之。你可得可能批評人？

E22X 全日係邊個提出唔重要（我夠知道 A26 上 RPP 前
油塘一直爭取 E22X 全日），重點係你講到呢個好似係
一個有合理機會落實的方案。但呢點既然唔成立，
你講到 E22X 有幾合理、幾有用，都係徒然

當然，如果 E22X 行法 A 線全日，已經同我個方案的新 A 線無分別
（E 線名義收 A 線價就無可能），同我個方案一樣要面對你口中黃大仙的問題

你又肯定？我可以話比你聽，而家城巴同運吉係非常擔心黃大仙區議會要求開 A 車行竹園。
如果有三條 30 分鐘既 A 車經龍翔道，你不如幫相關部門去同黃大仙區議會解釋下，點解三條都要行龍翔道而一條都唔上山？

依點就係點你既方案仲難既原因，依完全觸及到黃大仙區議會底線。
唔好忘記，你條新線係要過黃大仙區議會嫁。
係唔係竹園、慈雲山可以繼續容忍？A26 唔經樂華就要出頭？

咁你個方案，A29 + 將南新 A 線 + 秀順新 A 線，你答左我先，
係咪一樣要面對呢個問題？你答左我先好批評我

正如我上面所講，「你對我的批評，套用返落自己度完全適用，甚至更加；
呢D先係我最反對你的原因」

完

dennis28a 發表於 2017-9-18 00:49
咁所以呢？我可以答你，我直接將你既方案反映過，相關部門一笑置之。你可得可能批評人？

如果黃大仙要求A線，同深水埗夾份用A20得唔得？九龍定線經慈雲山-富山-鳳德-竹園-聯合道-南昌街-長沙灣道
由E22飛歌和老街減一車，E23縮黃大仙減一車再額外加一車開，6部車半個鐘班
雖然定線都係好慢，但總比60分鐘班好等