城巴A26即將開辦

http://www.districtcouncils.gov. ... 2017_144_BL.pdf.pdf

看西貢那邊區議員提出動議，說因為有A26而建議A29P改道。

如果無法播放，請點擊此處在新窗口打開

如果無法播放，請點擊此處在新窗口打開

上述錄音，議員說觀塘機場巴士資源多。

西貢和觀塘兩邊不論290系列，機場巴士也爭論不休，有時候我心想如果巴士公司高層有嶼巴那類（例如黃先生），去西貢區議會反駁議員，一定很多花生吃。

其實A29加觀塘道有限度停站，換黎加密班次既話，有得諗！ 將軍澳乘客上車先，唔怕冇位坐，車程多幾min，但班次密左，除笨有精！ 議員提議A29P改康城開，佢知唔知今日A29P仲慢過E22A，如果拉去康城，康城班客除時2hr先到機場，何苦呢？

ctb8107 發表於 2017-10-2 11:53
其實A29加觀塘道有限度停站，換黎加密班次既話，有得諗！ 將軍澳乘客上車先，唔怕冇位坐，車程多幾min，但 ...

算啦，類似個建議我上邊都提過曬，換黎嘅係比人罵我拖慢將軍澳車程又或者坐左佢地嘅位。
一係死都話觀塘道快線一定快，明明龍翔道天橋晚繁倒塞返去觀塘道快線去到九龍灣站；
明明飛一兩個站就上到觀塘道天橋又話飛唔到橋。

咁呢家佢地似係要求將軍澳邨巴嘛，
咪由得A29繼續30分鐘一班、康城繼續爭取A29P

其實大家既討論有點似和城巴A26即將開辦離題, 會唔會改去F1 用提出新建議好一點呢?

S3BL100 發表於 2017-9-29 12:49
持份者問題，無錯觀塘同黃大仙都係持份者，so what?

唔好唔記得一樣野，雖然話就話會綜合各區意見考慮， ...

咁所以呢？宜家索性「原封不動」。

我的中心思想係，如果有兩條將軍澳道落山，一條轉入藍田，
另一條唔使轉入去，然後一條觀塘道，一條繞道的話，
咁根本應該係轉入去果條直行觀塘道，唔使轉入去果條行繞道，
而唔係好似你調轉，搞到兩條都用多左時間

依個就係問題，咁邊條享受到直上觀繞呢依個福氣？
將南、將北既朋友單係邊區尾站，都可以將成個方案拉倒。

點係應該將兩條線車程平均分配，而且一快一慢？

不過如果你要改慢 A29 的話，除非加到 20 分一班，
否則我認為過到的機會好微，加到 20 分一班已經令你個方案要用更多車

可以答你一點，其實 A22 + A29 夜機時段返觀塘道客量，加埋日後港珠澳大橋，係需要開到 20 分鐘。
現時任何單獨將軍澳 A 車係無可能密過 30 分鐘。

慈雲山問題，如果你搵條觀塘區路線兜斧山道蒲崗村道，
比起直去要用多 10-15 分，一來一回已經要用多部車

雙鳳街落山唔慢，但慢在你要轉入內街先可以落山轉入竹園

用多部車又只係慈雲山刷邊，2 - 2.5 部車再跳飛機已經可以開條 60 分一班做佢地

重申，唔一定要同一條線做晒慈雲山、竹園。
油塘、碧雲道、觀塘山只願有日間全日線，
如果行多依 10 分鐘可以換山區線更多客量，繼而變成 30 分鐘一班，係唔係件好事？

而且學你話齋，佢地今日唔肯做，唔代表聽日都唔肯做。尤其是係 A 線。
唔搞到坑寶，唔使加班換佢地放行的話，已經出少幾部車，
呢幾部車，擺落去認真做慈雲山，再剩多一兩架出來，受惠地區更廣囉…

城巴一直既態度係依兩區人口又唔會大幅增長，慈雲山又唔係無 E23，
竹園／慈雲山唔鐘意落山轉 E22 或 A29。

而唔會單獨開一條慈雲山 A 線，就算佢開到 120 分鐘一班，甚至只係兩繁，都絕不開線。
但如果淨做慈雲山、竹園要搞成 2.5 部車，仲要成 60 分鐘一班，範圍咁細都咁食車，唔好傻啦。

A29P、A26 變到出黎既原因，係因為有中間幾個既區份係度（秀茂坪、安達），而用車量低。
大原則係，一定要同其他區夾線。

＝＝＝＝＝＝＝＝＝＝＝＝

但唔搞佢地，至少唔會有人覺得自己受影響

你唔搞人，人地會主動搞你。
將南係非常不滿 A29P 只有 60 分鐘一班，已經日嘈夜嘈要求加班；
而坑寶亦非常不滿 A29 30 分鐘一班，兼成日投訴返將軍澳無位坐，繼續日嘈夜嘈要求加班。

如果觀塘道開左條全新既機場巴士線，A29 係唔係真係可以「原封不動」先？
最低限度，A29 回程飛走觀塘道所有站，依件事好大機會發生。

我重申，A29 回程飛走觀塘道所有站，一樣叫做改左野，只要做左依樣野，將南班區議員就會爭餐死。
係唔係真係可以唔理佢地？佢地一樣會拉倒成個方案嫁，畢竟大家都係同一個區入面。

A26 開線，A29P 將南區議員並唔係無嘈音。
記往，將南區要求係：一條行隧道既 30 分鐘機場車。

A29P 從來唔係佢地滿意既產物，依點係事實，只要有任何風吹草動，佢地一樣會主動搞人。

拖慢佢地車程但加到 20 分一班，對佢地到底係咪利大於弊，或者弊大於利，
見仁見智，但唔搞佢地，至少唔會有人覺得自己受影響

我可以答你一點，如果當日 A29 唔係堅持回程停觀塘道，以 A29 非繁入機場既客量，45 分鐘一班已滿足以服務佢地。
早幾年機場巴士車荒，係有考慮過減 A29 班去紓緩壓力。
結果呢？咁多年以黎都係拎 A22「偷雞減班」去維持 A29 全日 30 分鐘一班，點知你又點睇呢？

而你再開一條全新既觀塘道、黃大仙機場線，A29 只有坑寶係完全獨市，
其他地區有完全重疊既機場線分薄，根本無可能繼續要求 30 分鐘一班。

我每日都問，為左安撫坑寶原有走線，而要令佢地減班，你認為又可能嗎？
一係繼續保持 30 分鐘一班，但平均每班車得 10 個人入機場，咁又有無可能？

＝＝＝＝＝＝＝＝＝＝＝＝

重申，你只要減 A29 回程車站，已經係改緊 A29 去達致整個重組，而行緊依一步，一樣無人知其他區有咩反應。
點解仲堅持 A29「原封不動」依個幻想？

053h4 發表於 2017-10-2 13:56
加密只會更多"低乘載率"的巴士入將軍澳

浪費資源，加劇司機不足問題

而家一樣有大量 A29 低乘載率入機場，咁係唔係需要減班？

dennis28a 發表於 2017-10-8 01:22
咁所以呢？宜家索性「原封不動」。

依個就係問題，咁邊條享受到直上觀繞呢依個福氣？
將南、將北既朋友單係邊區尾站，都可以將成個方案拉倒。

你知道呢樣野就最好，但你明知呢樣野既同時，偏要燒埋人地果度先安樂，
明知人地會諸多意見、可能反對，就唔認真說服人支持，
淨係識話人地客量低，威脅要減人地 A29 班

呢D叫做說服人、爭取人地支持？邊有人咁做野架？

早幾年機場巴士車荒，係有考慮過減 A29 班去紓緩壓力。
結果呢？咁多年以黎都係拎 A22「偷雞減班」去維持 A29 全日 30 分鐘一班，點知你又點睇呢？

既然如此，呢件事唔係側面說明左，偷偷收 A22 車，政治上都易過減 A29 班？
咁你認為威脅人 A29 唔改線就要減班，成功的機會有幾大？最後真係可以減到出來？

點係應該將兩條線車程平均分配，而且一快一慢？

將軍澳隧道直出，因為轉落茶果嶺道支路塞車，唔少時間直去經繞道有唔少機會快過而家 A29 行法

調返轉，如果轉返入藍田，因為鯉魚門道除非由東隧出來，否則無得直上繞道，
要行偉發道入，一定會比起直去觀塘道去龍翔道慢

一條行觀塘道、一條行繞道的前提下，你偏要揀一個唔理想、低效率的方法，
美其名話「平均分配」，實際拖慢大家車程，反而調轉的話大家比起你個建議都會快左

你知道你個建議出左咩問題未？

可以答你一點，其實 A22 + A29 夜機時段返觀塘道客量，加埋日後港珠澳大橋，係需要開到 20 分鐘。
現時任何單獨將軍澳 A 車係無可能密過 30 分鐘。

我可以答你一點，如果當日 A29 唔係堅持回程停觀塘道，以 A29 非繁入機場既客量，45 分鐘一班已滿足以服務佢地。

你覺唔覺得呢兩點自相矛盾？

如果 A29 可以支持到 20 分一班的話，再加藍田油塘客，
A29 + 觀塘道新線，唔係可以支持到回程聯合班次 15 分一班、各自 30 分一班？

而唔會單獨開一條慈雲山 A 線，就算佢開到 120 分鐘一班，甚至只係兩繁，都絕不開線。
但如果淨做慈雲山、竹園要搞成 2.5 部車，仲要成 60 分鐘一班，範圍咁細都咁食車，唔好傻啦。

佢地絕不開線係一回事，我呢點只係以事論事，
你唔搞到 A29 或者是但一條線要加到 20 分一班的話，
咪有車去開 60 分一班慈雲山 A 線，掃晒成座慈雲山囉

你唔搞人，人地會主動搞你

你無講到人地主動搞完你之後果 part

你搞到 A29，將南可以諸多意見，阻撓重組；
你搞 A26，將南都會諸多意見，但唔會因為佢地反對而阻止到 A26 開辦
或者阻止其他唔涉及改動西貢區路線的重組

但一定要搞 A29 的話，將南會嘈；佢地拉倒重組的話，
唯一結果就係一拍兩散，而你就去指責人拉倒重組

但如果肯放棄「A29 一定要搞」的前設，根本有其他方法
可以做到 big picture 要有既所有野

重申，你只要減 A29 回程車站，已經係改緊 A29 去達致整個重組，而行緊依一步，一樣無人知其他區有咩反應。
點解仲堅持 A29「原封不動」依個幻想？

既然唔知人地有咩反應，又唔俾 A29「原封不動」，
係都要 open a whole can of worms

我應該調返轉問，點解唔知人地有咩反應的情況下，
或者明知將南意見多多的情況下，係都要搞 A29？

仲要講到好似因為唔知人地有咩反應所以一定要做，呢種論調已經好奇怪

如果因為堅持要搞 A29，最後一拍兩散，責任真係將南果度？
你覺得推卸責任有助於達到最終想要的目標？

因為人地的確有選擇可以一拍兩散，唔俾你改佢任何野，一切維持現狀

好消息：城巴機場快線新車已經開始出牌，距離A26開線更接近

ctb8107 發表於 2017-10-2 11:53
其實A29加觀塘道有限度停站，換黎加密班次既話，有得諗！ 將軍澳乘客上車先，唔怕冇位坐，車程多幾min，但 ...

將北人識咁諗嘅話
將市當年就唔使冇緊1/3出機場嘅車。