98C非繁都頂閘？

98C以前被視為一條「頹線」，在新蒲崗上車都接近頂閘，發生乜嘢事？班次係唔係越來越疏？定係多唔多安達臣班客落去寶達/秀茂坪搭車？

98C幾時頹？新蒲崗頂閘係好閒嘅事嚟 一啲都唔出奇

繁時康翠已經要企人就固然會啦 寶達秀暉好多時候甚至上唔到車 特別係秀暉(寶達98A/93K 98C 290每條隊都長期有最少40個人等車)

非繁我話你聽一樣係咁爆 我試過不下一次係星期六一點鐘康翠上車都要企 就算有位坐都只係剩返少量單邊位

回程更加多人 平常五點幾開始一直到夜晚 淨系深水埗長沙灣已經可以坐滿 太子都係得返少少位坐 旺角已經開始企人 九龍城通常都係望門興嘆 搭95 93K機會大過98C 更加莫講105小嚟緊常規化下繁飛橋唔停九龍城嘅安排

至於點解98C咁鍾意頂閘？問下間公司點解收車啦 唔收車已經好好多

而安達臣新增人口亦都係98C成日爆嘅原因嚟嘅

10598C 發表於 2017-9-10 20:49
98C幾時頹？新蒲崗頂閘係好閒嘅事嚟 一啲都唔出奇

繁時康翠已經要企人就固然會啦 寶達秀暉好多時候甚至上 ...

客源主要來自將軍澳山上同秀茂坪唔近港鐵的地方？

98c繁时翠林康盛两站一共上成70人，非繁都有30人，213d 繁时落到旺角得20人，非繁拍烏蠅
214载埋蓝田山繁时同非繁落到深水埗都係得40人
比较98c/213d加214的客量，可见康翠出旺区的客量远高过安達

ATEU15 發表於 2017-9-10 20:56
98c繁时翠林康盛两站一共上成70人，非繁都有30人，
比较98c/213d加214的客量，可见康翠出旺区的客量远高过 ...

呢個相信係山上唔近港鐵的問題，巴士比搭車轉港鐵直接。

ATEU15 發表於 2017-9-10 20:56
98c繁时翠林康盛两站一共上成70人，非繁都有30人，213d 繁时落到旺角得20人，非繁拍烏蠅
214载埋蓝田山繁时 ...

咁214啲人係咩嚟？唔多人九巴就唔會開咁密甚至特班啦 214週末石硤尾下繁返油塘都可以冇位坐

213D唔知點解每次我搭親都可以好多人架喎 試過晏晝三四點係九龍城上車返安達可以坐滿上新清 去到安達全車落曬咁制 得返唔夠十個人返落秀茂坪


再講 你話安達少人去旺區 唔好忘記213D 214呢兩條線夾埋先係一條98C 假若你話安達一條邨都可以非繁班班213D同214上10-20個去西九龍 條數絕對唔會少過98C康翠囉 更莫講只係得安達一條邨 康翠有三個屋苑未計屋村


用下腦啦好唔好 下下針對秀茂坪安達 轉移視線話人地少客 鬼叫你康翠同秀茂坪唇齒相依？咁憎秀茂坪咪唔好搭爬山車囉

ricky 發表於 2017-9-10 20:52
客源主要來自將軍澳山上同秀茂坪唔近港鐵的地方？

呢個固然係 但係寶琳其實客都唔算少 非繁或者唔趕時間嘅坑口人都可能會貪一程過而搭 我諗山上比山下大概6:4啦

10598C 發表於 2017-9-10 21:17
咁214啲人係咩嚟？唔多人九巴就唔會開咁密甚至特班啦 214週末石硤尾下繁返油塘都可以冇位坐

213D唔知點 ...

98C覆蓋秀茂坪好少，只限寶達同秀茂坪東面，相信曉麗苑同秀茂坪商場果邊的居民都唔會特登行咁遠搭98C，寶林同翠林康盛相信仍是最大客源。

ricky 發表於 2017-9-10 21:21
98C覆蓋秀茂坪好少，只限寶達同秀茂坪東面，相信曉麗苑同秀茂坪商場果邊的居民都唔會特登行咁遠搭98C，寶 ...

Er... 嗰位人兄係比較緊康翠去西九龍同安達去西九龍嘅客

而98C如果真係咁少人搭咁點解寶達秀暉朝早班班車有多過70人上車/等車? 而回程秀暉可以落三分一架車?

98C係觀塘山雖然覆蓋少 但係聲譽好 多人識 寶達 安達 秀南 甚至安泰某啲怕新清嘅人(雖然正路佢地應該搭27) 都會嚟搭98C 所以山上客(康翠寶達秀暉)最少佔6成甚至7成 剩低先會係寶琳坑口山下客