北區歐三短躉夜遊: ATS112 - KL9369 出走城隧線王 278X (已加相)

278X 曾有段短時間因為有更要柯打 打鼓嶺 79K (果陣有路面限制)
而用 歐三短躉, 回復正常後短車特 有時都會在278X 出現,
一係做加班車, 一係就 蛇車. 蛇車都試過用短龍替....
本文主角係本身在近年開始活躍郊區的 ATS112 (KL9369),
我都有幸係今年初秋同冬至夜見證佢出走北區線王......

Part 1 (15 Sep 2017)
尋晚過荃灣如心影車果陣, 突然見到有架電牌短躉入內,
即刻拿機出來影, 亦影埋轉眼佢入站,
先知係水廠77K 掛牌 KL9369 (269M前掛牌)....

不久, 同線荔廠掛牌直都入埋坑, 架短躉開始上客,
就同佢地合照, 再影 9369 出站.....
(用短車在繁時做全程好快就頂閘, 都係在非繁用,
或密車線用會好一些, 起碼減低影響)

之後同友人坐其他車, 再在坐車到清河果陣見返9369,
就決定坐佢出返荃灣, 行去欣翠花園等;
今次前車係歐三躉KV9033, 下架係估佢,
晚上認車都要落眼力, 好在都得償所願,
架車再開多一轉, 就全情享受架車奔馳於吐露港公路,
同埋攀爬城隧公路......不過架車下層好似聞到少少油渣味,
我就轉到上層涼冷氣睇風景,  冷氣都夠......
(*聽聞架車轉水廠前虧左同埋冷氣不足, 睇來架車係有執過先上掛77K)

臨近夜深, 人流車流都疏落, 加上架車短左,
轉眼就到沙田, 並上斜入城隧, 最終在午夜前到荃灣,
在眾安街下車, 完成當晚的遠征遊....
三個月後, 9369 再臨 278X, 下篇再續....

Part 2: 冬至前夕夜遊
尋晚放工就即刻保鐵入荃灣再去如心坐佢, 到果度見到架車都入左坑,
亦都轉眼開車上客, 返上水果單係師姐渣, 行車都順, 不過好似有D細長鳴聲.....
途中亦見到對面有前掛牌短躉KL7164 返如心, 有點驚訝, 亦難得一日兩短車......

上城隊斜架車都企滿, 亦遇上48X 新金蛋, 攀上轉車站前一刻過佢頭到最前果度上客,
出城隧, 在沙市段就遇塞車, 到馬場段之後就漸進地加快車程, 平穩之下返到粉嶺,
再到上水站前下車影門位, 並到總站影. 落哂客就轉一圈泊出面休息坑, 就再影埋門位,
再影埋 KL7164 同埋城巴678......

半個鐘後 KL9369 再有另一車長接車, 我就再上車回程.
今次車程比上轉略快, 不過因為自己都累, 亦要趕轉車出九龍,
就在城隧轉車, 轉46X 見到架車過頭, 就上樓上影埋車尾,
完成那愉快車程 ~~~
Welcome discuss & follow photos~~~