重組東九龍A線

背景：觀塘道、康翠太慢，康城無份

建議：
A22縮短至德福花園，跟5D出入九龍城
班次不變，減一車

新增A22A油塘開經碧雲道、啟田道、觀塘道、龍翔道
每30分鐘班，用7車（共加3車）

A29分拆為A29A及A29B及加班
A29A由調景嶺開，跟290A走線至坪石後不停站直達機場
A29B由將軍澳工業邨開，依298E走線至坑口，後依290A走線至坪石後不停站直達機場
兩線各40分鐘一班，坑口至坪石聯合班次20分鐘班，共用11車（加3車）

歡迎討論

第一 康翠搭A29P唔慢 快過E22A最少半粒鐘
第二 你改完之後乜康翠有快過咩？停少一兩個站冇乜分別

第三 調景嶺同康城40分鐘一班 你叫啲人點就時間？而家開25分鐘一班嘅路線已經唔開胃 40分鐘啫係咁曬啲客落E線甚至地鐵

第四 A22縮去德福行唔到12800

第五 安達安泰冇左樓下條計劃中嘅A26

第七 坑口寶琳冇左條快嘅嘅機場線

總結 鬥氣設計出嚟 不倫不類

其實將南除咗環保大道一帶 架E22A又平又快
要唔要A線無咩所謂

其實 A29P 班次好似耐左少少, 機場開出第一班車是開 1115am, 收 0015am, 有11小時是無車, 早機返的旅客請轉車.

10598C 發表於 2017-9-17 20:23
第一 康翠搭A29P唔慢 快過E22A最少半粒鐘
第二 你改完之後乜康翠有快過咩？停少一兩個站冇乜分別

但A29P同A26都係一粒鐘班，A29AB聯合係20分鐘班，290A走線係慢過A29，但密左又飛埋龍翔道

A29走線要塞將隧、觀塘同彩虹
290系走線只係塞新清，似乎將北客都唔太抗拒行山，但秀順行入面定停外圍可以討論，290系行法唔太慢

如果要劃一班次，可以A29P行安秀道
A29加車拉入康城同經秀順，但就無得聯合20分班，當機場線一係番工日日坐某班車，一係旅行預早查定，40分班有ETA唔難搞吧

巴士的膠 發表於 2017-9-17 22:07
但A29P同A26都係一粒鐘班，A29AB聯合係20分鐘班，290A走線係慢過A29，但密左又飛埋龍翔道

A29走線要塞將 ...

ETA唔係萬能... 特別呢條係機場車 啲人最緊要係準時 你粒粒鐘開車嘅時間都唔同 點記吖大佬 40分鐘一班睇ETA係萬能嘅 啲車就唔駛轉定點班次啦聰明
所以你留意返其他人講 根本冇人夠膽用40分鐘一班嚟講 一定係15/20/30/60 只有你嘅諗法先會咁創新

同埋呢 爬山定行隧道觀感其實差好遠 特別而家A29行隧道做到風生水起點解要特登將佢搬上山？

再者亦都唔可以淨係著眼係繁時塞車問題 呢條係機場線 非繁需求亦都唔會細 我敢寫包單 非繁A29現有走線一定好過290A


而至於入唔入秀明道 我同你講 係一定要入 秀明道同時做緊下秀曉麗班客行上去同秀程行落嚟班客 行外圍啫係送走班客 區會亦都唔會接受 更遑論安達安泰冇左樓下條線

至於班次 加班亦都唔係萬能 我諗啲人寧願對準時間落去搭車 都好過上完車兜到2046都未到 A22本身已經係例子 你正正重複返A22所發生嘅野

比著係我 我會咁做
A29P加班到全日30分鐘一班 梅花間竹咁入秀順或安達安泰 去程龍翔道唔停站

新線A22P 油塘↔碧雲道↔啟田↔藍田站↔觀塘道↔龍翔道 每30分鐘一班

A22減到30分鐘一班 縮短去樂華 經淘大(去三彩麻煩行去淘大搭車 除非改做來回程入三彩兜圈)

新線A23 慈北↔富山↔新蒲崗↔土瓜灣↔A22走線去機場 每30分鐘一班

車就用多左架啦 最少8架走唔開架啦 不過服務一定更穩定啲 亦都更多地方可以有機場車覆蓋 不過機場車應該資源上比較鬆動啲

唔加車/加少啲車嘅話 除非變成咁
A22P一班藍田北就停 一班繼續去油塘
A29P一班去將軍澳站 一班淨系去安達就停
A22直接唔減班 縮短去啟業
不過咁就不如唔重組好過

10598C 發表於 2017-9-17 22:58
ETA唔係萬能... 特別呢條係機場車 啲人最緊要係準時 你粒粒鐘開車嘅時間都唔同 點記吖大佬 40分鐘一班睇E ...

你記唔到唔代表人哋記唔到吧
而且走左車去共同路段搭都方便，你搞長短棍一樣咁難記
有左ETA疏線都唔一定要開整點，53同82K個時間表仲核突

你各自60分班經安秀道同秀茂坪咪同依家一樣，秀順同安達泰班次都疏到不行囉，走左車我290轉A31/2都快過你啦

非繁計290正線同A29時間都係相約，相信好多將軍澳人坐慣290都唔會再咁抗拒行山，你可以比較下290同A29由黃大仙返將軍澳，唔會有人死等A29

經順秀暫時嚟講係做到最多客，尤其安達泰????塔都幾就腳，行得最遠只係愛達樓

巴士的膠 發表於 2017-9-18 08:24
你記唔到唔代表人哋記唔到吧
而且走左車去共同路段搭都方便，你搞長短棍一樣咁難記
有左ETA疏線都唔一定 ...

你唔信都冇計 不過啲人去旅行唔係出發之前嗰一刻先睇ETA 一定係plan定搭幾點班車 粒粒鐘到站嘅時間都唔同 點就時間？

都係嗰句 如果40分鐘一班真係好 晨早就做咗啦 所有人都係用15/20/30/60分鐘一班 係得你先夠膽用40分鐘一班

其實我改A29P做一班安達一班秀順其實等於加班/等同未來A29P+A26 尤其你都話啲人行上行落好近啦 唔想行嘅咪繼續等樓下條線囉

再者 一粒鐘一班嘅車通常啲人都可以預到時間落去搭車 我相信即使半粒鐘一班如果送車尾 啲人都冇咁神心同你等下一班車

至於290 你而家已經前後矛盾 明明你話290A走線 而家搬290出嚟 一個完全飛站 一個兜內街站站停 兩者最少差10分鐘

而A29根本而家快在坑口之後直入隧道 你要兜山路我不如翻翻落E22A好過

你要知道山下人係好憎上山 而290A走線一定係慢過A29走線好多 呢點已經係係毋庸置疑

而冇人等A29黃大仙返入坑口根本正常 又疏又貴都不在話下 黃大仙本身已經有地鐵 駛乜搭巴士？用呢個嚟證論根本唔成立

而家A26已經確定會嚟緊開 安達安泰冇左樓下條線 我話你聽一定反檯
仲未計你將南段搞到不倫不類 班次又奇怪 走線仲慢到不可理喻

Del

康翠快唔得幾多，三彩樂華協和翠屏繼續無份，仲未計A26被殺，完全見唔到樓主建議有咩可取之處

其實就咁A29P入城 + A22/E22/E23重組加快返A22(及E22)車程，同埋諗辦法爆多條線填埋三彩樂華協和翠屏呢個窿，就已經perfect咁滯，皆大歡喜