巴士車長工時超長問題

城巴E21A的車禍有一部分是車長工時超長，連踩13小時，導致精神不足而炒車，其實巴士公司可否以加人工而吸引人入行呢？

今日媒體又有個講法係
巴士司機底薪唔高,部份司機想搵多D就爆鐘

其實行會今次不如真係批足12%加幅比新城喇，始終新城車費真係好平，但條件係新城要改善車長福利

jocosben 發表於 2017-9-24 19:56
其實行會今次不如真係批足12%加幅比新城喇，始終新城車費真係好平，但條件係新城要改善車長福利 ...

Sorry，加咗車費唔代表會加人工，加咗人工亦唔代表會有新人入行。

做會計人工得萬三四，人工低過巴士司機，但工時長過巴士司機，繁忙時間一日做十六七個鐘，年年咪又係大把大學生爭住入Big 4?點解？因為覺得會計師牌夠專業，覺得有前途。

揸巴士雖然都有個牌，但最大問題係無前途，而且極少晉升機會。零售餐飲等行業，做前線都話可以升到做店長/經理，但揸巴士有幾多個可以做到廠長？就算你會考有九個A，入行揸巴士都係升做襄理(助理經理）喳！如果唔係真心鍾意巴士，都唔會咁做。

所以計我話呢啲勞工工種係無得搞，直接輸入外勞最乾手淨腳。

其實巴士公司出AD請人好取巧
寫到月薪可達20K,但可能計埋BONUS,或者做多過10粒先有

不過勞力始終都有少少多勞多得
無理由渣8粒同渣12粒人工一樣

其實都證實唔到係唔係精神不足而炒車

就算加人工
總有人會想揾多啲
覺得自己頂得到咪自願OT囉
本身佢係應該7點先開工
而家5點就開工
係唔係佢自願OT先
係你就唔可以話係巴士公司嘅錯

唔係因為底薪得雞碎咁多先會有人想靠 OT 搵多啲 ?
得萬三底薪而家係香港仲邊夠使 ?

九巴話有兩萬一個月
有既 一日返蛇車用足十幾鐘無晒生活咪有囉
咁點解唔返地盤啫 高人工啲又準時五點收工假期又有假放

kokchun 發表於 2017-9-24 20:47
唔係因為底薪得雞碎咁多先會有人想靠 OT 搵多啲 ?
得萬三底薪而家係香港仲邊夠使 ?

即使地盤人工高，都係成日請唔到人，而地盤工人平均年齡係超過五十歲。

香港而家已經唔係難民年代，人工稍高就會有人入行，然後同你狂OT搏補水。新一代要講行業形象，講社會地位，講Work Life Balance。巴士司機除人工唔高之外，時間困身，調更麻煩，假期又少（一星期番足六日，連長短周都無，仲要勞工假），對新一代無吸引力。