北區區內重組建議

政府數據我從來唔認同佢係準，仲要充滿陰謀。的確我以前無論搭73定73A，聯和墟客一定多過粉嶺南，當年林村河嗰個站成日排長龍返上水，紅小掃極都仲有，一部73上左半車人，全部喺聯和墟落哂（嗰時73唔落粉嶺南），一兜咗華明之後去聯和墟，兜華明圈用多10分鐘，踢走班客繼續坐紅Van。76K縮短去清河都係俾運輸署夾硬篤細條數，呢個好多北區人都知。73同73A比重組後客量上升的確係因為時間容易預，但仲有一點係因為宜家蓮塘口岸工程，25A同25B做唔切。70K聯和墟去清河係豬頭骨？但係唔少人來往聯和墟同清河，師奶買餸，學生哥返學都係人。我係逼於無奈的70K常客，湊仔返學放學，去消費區域大部分都係要坐70K。坐親70K嘅人無乜邊個唔鬧佢，服務唔好唔係等於要妥協，而且區議員同運輸署有共識要執過呢條線，石湖墟去華明要45分鐘，華明去天平要35分鐘，聯和墟去清河要30分鐘，去清河程嗰唔到上水火車站，返嚟塞上水龍琛路，去北區醫院唔方便，呢D都一直係鬧70K嘅問題。尤其是70K一塞車，45~60分鐘先一班。問心，70K做好屋邨接駁，一班師奶同學生以佢做命脈，來回經埋醫院做好覆診客，呢條社區責任線唔應該30分鐘一班，20分鐘轉單層都合理，宜家15分鐘都成日脫班衰雞嶺同華明一帶。況且，聯和墟同彩園火車站除咗住宅，仲係消費帶，30分鐘一班絕對無理。。

2013 同而家個環境已經好唔同
當年73 夾硬兜粉嶺南,
已經趕走唔少聯和墟同上水北既客
再加上當時飄忽既班次, 更加趕客
但而家有 Apps 到站預報,
時間比較易預,
加上聯和墟有新屋苑入伙,
情況都同當年唔同

70K 真係慘不忍睹
行路都仲快過佢
改線後其實有機會吸引返居民回流