施政報告預計提出市民獲車費回贈

053h4 發表於 2017-10-6 19:12
鼓勵就業交津就係鼓勵就業，減少公緩呢種福利負擔

同車費不宜混為一談

政府就咁鼓勵就業津貼咪算囉，係佢要拉埋「交通」二字落馬。
同埋呢個計劃最初只限北區、屯門、元朗、東涌申請者嘛，可見得「交通」的原意比「就業」大。


但所有「津貼」都千祈唔好多過50%，甚至超過100%，如果唔係就變左質，變左賺錢工具唔係減輕負擔。


回上面有人話每月600蚊以上就代表人工高，或者有得揀近D
俾個例你，全港電視台都O係將軍澳、柴灣咁僻，唔通想投身電視業就唔可以住屯門、北區？或者倒轉屯門、北區就唔可以返電視業？
唔開名O個間電視台，出哂名人工低啦。D四、五線artist都係搭巴士來往，都佔底薪一兩成啦，但唔做個台連少少人氣都冇，真係有得揀？

lsc04d11 發表於 2017-10-6 21:40
政府就咁鼓勵就業津貼咪算囉，係佢要拉埋「交通」二字落馬。
同埋呢個計劃最初只限北區、屯門、元朗、東 ...

咁討論區講一兩句，梗係只可能概括，
邊可能包哂全部情況架
香港返電視台又低人工0既，又佔整體百分幾

同埋，小弟結論重點係，應該用入息而非交通費計津貼
咁講你所謂果班低薪打工仔，係咪更有機會受惠？
或享受到更多津貼？

053h4 發表於 2017-10-6 19:06
是，所以日本係由顧主提供定期券，並可扣稅，返工本來促進經濟發展係應一視同仁

...

從報導睇，計劃用字係補貼，有福利成份
亦只包部份人士，即係有選擇性
咁個問題係，應該點去揀邊班人可以受惠

若果目的係促進經濟發展，應一視同仁的話
政府應該係用港鐵股息補貼鐵路巴士小巴渡輪，
某段時間內人人有折先0岩

$600界線同九巴長途路線學生回程優惠 最平路線$12.8單價基本吻合

本月，同埋剛剛9月，工作天都係一個月21日
21*2*12.8=$537.6，差$62.4

$12.8路線就係52X (回屯門要o係怡靖之前上車) 59X 60X 66X 67X
填補$62.4，咁如果你住屯門，每星期搭輕鐵一轉去大間D街市買靚送，就有$34車錢，再出去葵涌邨食一次中秋飯搭2*(57M$9.4 +34 $5.0)，剛好$62.8 (全月$600.8)
如果你係洪福邨居民返工搭68X，返足21日，每週出去近荃灣站既教會一次
$13.2*2*21 + 4*$10.1 + 2*13.2=$621.2

呢到始終有啲版友比較離地，不知民間疾苦

053h4 發表於 2017-10-7 09:01
我係支持無門檻任何人都受益的安排

咁用每月交通費考慮有無補貼，都係門檻喎。
咁唔通住新西返荃葵﹙或相反﹚，每月未必夠$600，又有錢D唔駛幫？

計一計，每年港鐵股息45億。全港360萬勞動人口計，每人每月平均分過百蚊。直接人人有折，已經係唔錯嘅數。咁又何須用總交通費做門檻？

如果用入息中位數畫線﹙也可用入息稅畫線，全港約有一半打工仔需交稅，亦已有稅局把佐關﹚
合資格人士平均補貼，就倍增至二百餘
用埋實際交通費計固定折扣，再考慮埋不計算入勞動人口0既家庭主夫/婦、有僅過門檻嘅人士等等報細數去申請，保守估計都有七折甚至更多。咁唔係更幫到手嗎

s3n370 發表於 2017-10-6 23:57
咁討論區講一兩句，梗係只可能概括，
邊可能包哂全部情況架
香港返電視台又低人工0既，又佔整體百分幾

重點，宜家佢係想用港鐵既政府股息做「交通補貼」定係社福補貼？
如果係後者，大家都唔洗玩啦，月薪0或低過4000，俾佢地拎哂啦，佢地真係好好好有需要錢，我唔會否認。
宜家係用交通公司既股息黎補貼，自自然然就係計番「交通」啦。

低人工既，再搞其他補貼計劃又好，乜都好。
(再講，如果人工低都有咁多計劃，份工打黎得個名？)或者搞到個個都唔想向上爬，香港就慘嫁喇！(聽過幾多人為左公屋門檻唔升職加薪)
請搞清楚，成個scheme係用交通做base。

我唔介意李嘉誠都合資格拎，只要佢有搭公共交通工具既話(咁o岩可能o個日由元朗去中環冇揸車呢……講……)，只不過高薪既人會為面子唔拎之嘛。
一陣我呢d畢左業6年都係13K，都會俾人話高過10k既界點(當係啦)，但我又俾緊約800元交通費，又冇份，咁個名義叫「車費回贈」做乜？


唔好唔記得，就係呢d每月搭幾百甚至過千交通費既人，先至間接令交通公司賺到咁多錢，派咁多股息。
冇黎由我地呢班人「供」錢後，受惠率竟然會因為自己既人工「高」係0。(唔奢望會100%受惠)
(其實人工相對都係低嫁咋)