2017年施政報告有關規劃新會展設施部份

樓主係咪唔記得擬建會展擴建部分，本身係乜野？係咪一D人流都無？讓路去起會展後，人流車流係咪只有加無減？你自己識話乜野紅磡車廠﹙只係停放處﹚，呢條鐵路最終連去邊呢？灣仔北係咪一條新路都無呢？咁而家會展一帶為何會大興土木呢？

s3n370 發表於 2017-10-18 14:01
你講果D問題，有錢就請到認可人士同消防工程師諗掂佢。

同埋你睇清楚C1係講乜，只係講一般情況的基本隔 ...

而家好多馬路都有地下設施，包括告士打道下嘅港島水喉動脈；同埋會展至金鐘站沿綫，除咗太古廣場有地庫外，灣北果邊好多物業都係得地庫停車場，要做地下連接效果唔係咁理想，分分鐘做架空步行街效果做好，成本仲低Ｄ添
個人覺得其中一個最適合起地下街嘅地方係連接九龍城同宋皇臺站，畢竟果度而家都要明挖，要整埋應該唔會增加好多開支，不過就算係起地下街，問題有幾個，首先成個沙中綫項目係政府出錢畀地鐵做，政府本身冇諗過起地下街，要搞地下街分分鐘又要改設計，唔知又會令沙中綫過海段延誤幾多年；第二係地下街係咪同港鐵一齊起，由港鐵負責設計同營運呢？畢竟有大大個數碼港做例子，會唔會畀人話明益港鐵？港鐵自己又肯唔肯做呢？工程難題果Ｄ已經係後話

jpoon 發表於 2017-10-19 04:52
而家好多馬路都有地下設施，包括告士打道下嘅港島水喉動脈；同埋會展至金鐘站沿綫，除咗太古廣場有地庫外 ...

基本上條馬路有支街燈喺度，已經有電線有地下設施，講嚟都哂氣

尖東站沿梳士巴利道同漆咸道南都係繁忙道路一樣咁起，反而重點係提供食肆同行人連接去添馬站（東涌線）甚至灣仔/金鐘站

巴士的膠 發表於 2017-10-19 09:27
基本上條馬路有支街燈喺度，已經有電線有地下設施，講嚟都哂氣

尖東站沿梳士巴利道同漆咸道南都係繁忙道 ...

你又睇下點解當年起唔成銅鑼灣北站啦

jpoon 發表於 2017-10-19 16:24
你又睇下點解當年起唔成銅鑼灣北站啦

請問當年係指邊年？銅鑼灣北站係指邊個方案0既銅鑼灣北站？


銅鑼灣北站至今仍然係倡議中北港島線其中一個車站
有邊一個人話唔會起？

jpoon 發表於 2017-10-19 04:52
而家好多馬路都有地下設施，包括告士打道下嘅港島水喉動脈；同埋會展至金鐘站沿綫，除咗太古廣場有地庫外 ...

又係拎基本要求當難關
有邊條路係無呢D設施？

若果土瓜灣站至啟德站（沙中線／東西線）真係要加地下街而要用額外時間，
咁關過海段（沙中線／南北線）乜事呢？

就算俾錢，港鐵係咪肯起？就算港鐵肯設計建造，又係咪一定由港鐵營運？
隨手搵到唔少明顯反例

堅尼地城泳池（政府物業、由西港島線合約編號710興建）、
南昌站上蓋物業地基（私人物業，由廣深港高鐵合約編號802興建）、
國際郵件中心（政府物業，由沙中線合約編號1115興建）、
警察遊樂會會所（私人物業，由沙中線合約編號1125興建）
仲有無數小型社區設施以上雖然全部為重置工程，但興建後移交安排有哂先例
唔知你仲有無疑問？

s3n370 發表於 2017-10-19 23:51
請問當年係指邊年？銅鑼灣北站係指邊個方案0既銅鑼灣北站？

九鐵方案

s3n370 發表於 2017-10-20 00:08
又係拎基本要求當難關
有邊條路係無呢D設施？

而家係講緊本來合約冇嘅嘢而要額外加喎，重置果D係因為起嘅時候要移走原來有嘅嘢，所以先要重置，起好後交返畀原先營運者繼續營運，根本係兩樣嘢，乜沙中綫合約有講到要起地下街？

jpoon 發表於 2017-10-20 03:45
而家係講緊本來合約冇嘅嘢而要額外加喎，重置果D係因為起嘅時候要移走原來有嘅嘢，所以先要重置，起好後交 ...

沙中線無，但北港島線起都未起，走線都未定喎，我諗淨係銅鑼灣北-灣北-添馬-中環都已經減少好多要搭港島線嘅人

jpoon 發表於 2017-10-19 04:52
而家好多馬路都有地下設施，包括告士打道下嘅港島水喉動脈；同埋會展至金鐘站沿綫，除咗太古廣場有地庫外 ...

啟德分區大綱圖有規劃過你講嘅購物街 (圖中B3個條), 另外C3個條都係設定左做購物街