九巴280X新增特別班消息

其實小弟覺得47x上新田圍真係作用不大而家47x秦石開到市中心
正常車速都要15分鐘左右
反而搭282 石瑩樓到市中心大約5至6分鐘
識搭一定係寧願轉車 回程就更加就腳
去程搭47x都係貪包有位同埋總站就腳
連秦石都起碼一半人寧願轉車(目測)既時候
對新田圍來講 更顯無吸引力似乎加返263/269D轉乘更加簡單實際

利申：半個新田圍人

PS 理解唔到 點解上屆有競爭
程議員都仲保得住個議席

hong28828 發表於 2017-10-16 13:12
無又話無
半個鐘一班又嫌疏
咁繼續轉車唔好咁多要求啦

其實好似得一個人真係有咁既要求就算47X兜上o黎
我搭282轉埋車上緊城隧
條47X都唔知到新城市未

至於上面板友講點解啊老師可以連任
即係其實老師連任左咁多年真係做得唔好既
一早已經落左馬

點解新田圍呢啲老到甩牙講左成十年既topic仲可以講足咁多版…

新田圍個問題 唔係谷晒落282就搞得掂
至少81K同埋大圍駁腳/經大圍青沙線(新開一條線)要做返好

至於要講呢區交通係咪差 我覺得 應該要拉埋石圍角同象山黎比較下先囉

沙田區內基本上係無第二個新田圍咁地利人和皆失既社區
其他老人村都有重要公共設施 或者 有一定數量私樓/居屋連住 或者係平地
就係得新田圍咁陰功 只有豐盛苑係隔離

新田圍呢個位 就算拆晒佢重建都唔一定可以做得大 可以有隔離水仔一半已經算好
(而新田圍上面即使再起樓 都理應係要有獨立通道連接公路架啦 所以新田圍呢個位本身就好難搞得好完備 執返好一set三四條基本路線就算啦)

利申:家住沙田區內其中一個全日線少過新田圍總站既屋村

流星☆雨 發表於 2017-10-17 00:59
點解新田圍呢啲老到甩牙講左成十年既topic仲可以講足咁多版…

新田圍個問題 唔係谷晒落282就搞得掂

如果話開新青沙線，會唔會改左條281M佢？只要87B加返雙向分段就已經KO左281M既大圍段。
不過呢個就要等沙中線通車先搞到。

喺呢個post見到個幾有趣嘅提議，新田圍->大圍入城隧。早夜時間46X滿都咁漏少少客比呢條線都不為過喎，起碼好客過而家美田同以前大圍站嘅46P啦。
礙於新田圍總站太細（同美林差不多），281M一定要摺先換到其他線。真係好睇keep住呢條線定換其他地方嘅巴士線喇

流星☆雨 發表於 2017-10-17 00:59
點解新田圍呢啲老到甩牙講左成十年既topic仲可以講足咁多版…

新田圍個問題 唔係谷晒落282就搞得掂

點解新田圍呢啲老到甩牙講左成十年既topic仲可以講足咁多版

新田圍被開刀仍停不了，連BBI補償都冇，當然又有野講。

新田圍個問題 唔係谷晒落282就搞得掂
至少81K同埋大圍駁腳/經大圍青沙線(新開一條線)要做返好

呢D第二D邨都係最基本既野，新田圍邊敢咁「高」要求丫。

只要282加返同288同等份量既BBI(新田圍後山有既如85A、86等就唔需要)、282班次有284咁既密度(做到以上兩點，谷晒落282又有乜所謂)、開返條大圍版282新線、再加多部港鐵兩蚊機(但放邊個位，也是問題)，已經要還神都黎唔切咯。

堅係唔明點解新翠可以好到咁，咁近港鐵都有兩蚊機，你話設o係隆亨都仲比較合理。


為左條青沙已經找數找到傻，下一波沙中線鐵路通埋，你話點呢？

至於要講呢區交通係咪差 我覺得 應該要拉埋石圍角同象山黎比較下先囉

唔太熟o個頭，唔知ching有何見解？不過就咁睇，石圍角同象山至少去旺角有紅小有32(應該直接過87B)，而且o個頭話晒荃灣，差極都好，駁鐵的話，原區就係荃灣線(線王)、西鐵線(急行)、東涌線(同樣急行，幾個站荔景轉)，呢樣已經係一大優勢，相比沙田D東鐵線馬鞍山線，畀盡計埋到九龍塘既觀塘線，又係D乜呀？次次都係被開刀對象(觀塘線兩削過海、尖東歸西)？過海點都要轉兩次車？蝗禍最嚴重？沙中線死拖爛拖？

呢度唔係R1板，唔講太多，簡單講句，同樣畀多幾蚊區內駁鐵，你覺得駁荃灣線/西鐵線/東涌線好，定駁東鐵線/馬鞍山線好？邊D線可達度大？

新田圍呢個位 就算拆晒佢重建都唔一定可以做得大 可以有隔離水仔一半已經算好
(而新田圍上面即使再起樓 都理應係要有獨立通道連接公路架啦 所以新田圍呢個位本身就好難搞得好完備 執返好一set三四條基本路線就算啦)

其實唔好講咁遠，只要起返個有蓋行人天橋連lift塔駁去秦石，問題已解決一大半，282 BBI都唔使加。

但都唔好講秦石咁「遠」，就連短咁多、又最多人行既獅隧公路條迴旋橋都冇lift，而家口口聲聲無障礙，全香港仲有邊條行人天橋係冇lift？連差不多咁舊咁僻咁老人既葵盛西、澤安都有，新田圍？o個件唔知係區議員定神級潛水員既物體呢(神級在於潛水潛到連間中上水換氧氣樽都唔使)？

如果重建的話，真係賣地起豪宅算啦，根本呢塊地，就係唔適合興建對公交有需求既公營房屋(另一更嚴重既係81K另一總站，不過o個度住得入去都係自己揀，冇得怨)，而應該起類似世界花園、顯徑後山瑞峰聚龍呢類豪宅。諷刺同荒謬既係，需求遠比新田圍少既世界花園，卻反而係「真正」「入獅隧前尾站/出獅隧後頭站」，獅隧方面對外線，比新田圍更好。

不過香港D規劃同交通呢，本末倒置，勾結權貴無視窮人，宏觀有日出康城vs逸東，微觀沙田有名城、溱岸8號、御龍山vs美田、水泉澳(ching應該係住以上某一邨，本人深感同情)、火炭最入最督新公屋..........所以都係早D訓好過啦。

離題一講：近年新建既公屋，大多係遠離港鐵站+只設一條駁鐵巴士/小巴線，呢類駁鐵線，車程最多兩三個字、冇隧道費、甚少塞車、收3蚊幾4蚊，都咪話唔和味，而全港幾條最密最賺錢線，都係呢類線：北區273(據說係全港最密巴士線)、東涌38(據說係嶼巴唯一賺錢線、肯定係嶼巴最賺錢同最密線)、慈雲山37M綠小(據說係全港最密最賺錢綠小線)..........

所以都唔好話咩鐵路主導打壓巴士，咁既規劃，係咁做就巴士小巴開駁鐵線，根本係送肥水魚畀巴士公司。

多言了。

fishballkwok 發表於 2017-10-16 14:47
其實小弟覺得47x上新田圍真係作用不大而家47x秦石開到市中心
正常車速都要15分鐘左右
反而搭282 石瑩樓到 ...

之但係平日朝早47X去程唔會兜入市中心喎，呢個時候你又會點樣搭先？

busnrail_fans 發表於 2017-10-18 17:53
之但係平日朝早47X去程唔會兜入市中心喎，呢個時候你又會點樣搭先？

在秦石轉

好想快啲出通告 繁時15分鐘一班係幾點至幾點 唔係只係6~7點 加一班only 掛

見個POST重未沉再講下
假設282增取番應有轉乘福利下
不如將281M換一條較密大圍區內線會唔會比青沙線更實際

"立"過下隔離黃泥頭POST
見到個建議其實唔差
用281M + 82B + 82K 換
美林<>新田圍循環線
+
新田圍<>馬安山線
(定線可以考慮82K 聖羅撒書院後 入威爾斯跟86上黃泥頭 > 89D)*變不經第一城 入威爾斯吸小小醫院客

將281M變特別線 留番數班早繁班次
(唔清楚281M客量 睇佢繁時班次重有15分鐘班應該有客量支持出九龍塘 所以留繁時服務)

美林<>新田圍條線應該用281M舊有車量都做得番原有班次 而家加多架82B落去 應該可以密小小?
新田圍<>馬安山線用82K + 本身89S?既車 分分鐘有車多出黎