序言
記得港島南區線38 由中巴開辦之後, 到引入冷氣車,
都會派當時最得令同埋較舒適的型號;
首先派次批鷹做 早上 銅鑼灣特車 , 多為 DA2X, 之後過海打仗......
我亦坐過 DA1 用舊色做38, 之後就派剛落地的 LA14-16 改善服務;
第一架首航38的冷馬係 LA16, 亦係第一架以白色為主色的雙層冷馬,
往後在中巴的冷馬全面用這簡潔的色彩; 隨後都見過LA22 新出做38 號線 (首航?),
之後最後的兩架 LA (LA24, 25) 都俾左 38.......
熱狗方面, 新出就用珍寶, 亦試過在80-90年代頭用倫敦寶 (5架), 同埋最舊的 LF58!~~~
11米熱鷹就在加冷後三四年開始進註, 主力係 DM4, 16, 17 , 24....
我就試過同家人坐 DL6 特見38, 也在新巴時代見過 ML28, 同MB 做....
(不過入置富用最出坑)
中巴到新巴
到富豪的頭批同尾批, 都派左前後共三架, 有 VA24/25,
再加98年代 VA25 的 尾期版 VA56, 同埋回歸後的2+2鷹 DA86-88 + 90;
第二批的VA34 就在新巴接手後頭數個月入38長駐, 再加其他早期上新巴色的同批一齊服務,
VA34 上新巴色後就轉去8號一段時間; 後期就多用尾期 VA (VA51-61, 53), 更用過空運豪!!~~....
低地台 -> 橙牌
起初新鷹在新巴入主果陣都換走哂, 有D 不是味兒, 但在千禧年果陣,
新巴派左1425 / 29長駐黃廠來做大半日38 (*當時係做左一轉970 先去做38)....
都叫做有新一點的車, 到 2009年 橙牌 E500 40系引入,
38號都好快被分配橙牌車, 到2015年春夏左右都差唔多全低地台..........
到左今年, 矮身E400 同埋11.3米 E500 Facelift 陸續出牌, 前者在正式接替矮躉前, 先行走唔同線,
38 都獲派, 但在上下繁用, 就會頂閘, 真係得不償失, 而4052-91 就在回歸後翌日廣泛用 (*另文再分享).....
矮身E400
矮身E400 當中, 有兩架首航於本線: 分別有在上月 開學日第一日服務的3852,
同埋上周出牌, 亦係新巴唯一 VB牌的3856.
兩車的出現, 打破左新巴唔派新車首航38的潛規則, 好似回到90年代中巴用新車,
更似回到細個用倫敦寶的年代 (載客少於100人, 但E400 客量更少!)
架車細左, 好易上唔到車.......
尋日返工放工, 難得坐中兩車, 有感而發就貼上來分享......
(相片以車號順序貼, 分享就倒敘....)
Am session : 3856 (VB7496)
朝早一落樓就見到一架好新的38 下斜埋站,
睇車牌先知係全新車, 上車用手機查, 原來佢在上星期首航, 個日都無留意,
不過最重要架車帶我準時出隧道.....
Pm session: 3852 (UZ3367)
放工本來想等38加班車 (12米車), 但在橋底一路都見唔到,
有架11米MMC 走後, 有架無添加 E400 埋站, 原來係3852,
影完就興奮地上車, 享受這旅程, 返到總站就再影埋車尾, 快樂地回家去.......
謝點閱長文....
|
