為何馬會道百和路東端一直缺乏引道來往粉嶺公路北段？

論香港快速公路出入口設計算死草既問題相信這個確實最頂癮。
而事實上例如聯和墟隔離亦有工業區，冇諗過政府竟然對此算死草到方便車輛粉嶺更直接出入快速公路來往新界西果邊都懶理。

講頂癮，點夠保羅大大嘅大道理頂癮。咁鐘意度度加出入口，加到窩打老道，個個路口都通到去好唔好？咁多出口嘅公路，仲可唔可以跑咁快？

又東端又北段 要帶埋指南針先可上本網？

Gary_B 發表於 2017-11-11 05:07
又東端又北段 要帶埋指南針先可上本網？

即馬會道百和路東端一直缺乏引道來往粉嶺公路接連新田公路果邊

我覺得呢條問題合理，而家上水粉嶺所有去新界西的車迫晒去寶石湖路／掃管埔路，令這些道路經常擠塞。

再者，而家九號幹線7號交匯處的設計亦唔理想，粉嶺公路轉上馬會道竟然有兩盞燈。

蓮塘／香園圍口岸連接路粉嶺公路交匯處工程會有U形位，但似乎唔容許粉嶺公路的車調頭，所以呢個問題會繼續存在。

只怪規劃北區時未有考慮將來新機場、三號幹線令新界西令為物流重鎮。

DIH 發表於 2017-11-12 12:13
我覺得呢條問題合理，而家上水粉嶺所有去新界西的車迫晒去寶石湖路／掃管埔路，令這些道路經常擠塞。

再者 ...

個人認為呢兩個迴旋處最大問題，
係來往粉嶺公路兩旁0既車輛，焗住入埋迴旋處。
迴旋處根本處理唔切，塞番上公路

個人認為呢個迴旋處，只要起條直通橋，
俾單純往返粉嶺公路兩旁0既車輛用，己經好好多

至於樓主，佢一見有路就話要駁埋架啦
就算認真睇，頂多係方便出入華明果頭...
對整體幫助唔大囉

s3n370 發表於 2017-11-13 00:56
個人認為呢兩個迴旋處最大問題，
係來往粉嶺公路兩旁0既車輛，焗住入埋迴旋處。
迴旋處根本處理唔切，塞番 ...

雞嶺迴旋處個位太窄
根本冇位起直通橋

大頭嶺迴旋處上空係粉嶺公路
再上面已經俾政府預留起寶石湖路南行直通粉嶺公路西行嘅單程引道

大頭嶺迴旋處剩返地底空間可以直通
但寶石湖路起完引道之後
亦都冇位起直通隧道來往寶石湖路及粉錦公路
雞嶺迴旋處亦都唔夠位喺百和路嗰邊爬返個出口

所以只剩返百和路及馬會道交界天橋起引道落粉嶺公路新田方向呢個方法

今晚大塞車已經反映咗粉嶺公路一直存在嘅問題
就係兩個來往新田公路嘅雞嶺迴旋處同大頭嶺迴旋處太近
大頭嶺迴旋處塞車
粉嶺公路西行入大頭嶺迴旋處會有車龍伸延去雞嶺迴旋處下面
雞嶺迴旋處落粉嶺公路西行啲車俾入大頭嶺迴旋處啲車頂死
連鎖反應就好快癱瘓大半個北區市中心交通
我有朋友喺坪輋行沙頭角公路出粉嶺火車站都塞咗個半鐘


兩個迴旋處之間個較剪位好短
得嗰300米
雞嶺迴旋處同大頭嶺迴旋處事但一個個塞都可以好嚴重


新界其他區好少北區呢啲全區癱瘓嘅例子就係因為
1.北區係少數有高速公路直插中心嘅新市鎮
(大埔、沙田、元朗、天水圍、荃灣都喺外圍)


2. 3個公路出入口得1個出入口係引道(但只係來往九龍方向) 而唔係迴旋處
(屯門5個出入口有3個可以同時來往元朗及荃灣方向，得1個迴旋處喺邊緣位置)


3. 3個公路出入口兼顧埋區內南北分區的主要通道
(屯門鄉事會路、海榮路橫跨屯門公路連東西兩區而又不會直接連接屯門公路，同時青田路及皇珠路連接屯門公路而不須兼顧連接青山公路作區內通道


所以粉嶺公路出入北區的道路系統係有需要重新設計






而家進行緊嘅龍山隧道工程
可以將沙頭角、打鼓嶺、坪輋來往新田方向及大埔方向嘅車分流
減少咗雞嶺迴旋北面來往粉嶺公路西行及東行嘅多向車流


另外粉嶺北新市鎮工程會率先興建雙程嘅粉嶺繞道
分流粉嶺北新市鎮及聯和墟往大埔方向嘅車
減少咗雞嶺迴旋北面來往粉嶺公路東行嘅雙向車流


之後政府會喺寶石湖道南行興建一條單程引道橫跨彩園路、大頭嶺迴旋處直達粉嶺公路西行
分流文錦渡及聯上水北往新田方向嘅車
減少咗大頭嶺迴旋北面往粉嶺公路西行嘅單向車流


另外粉錦公路出粉嶺公路西行個大頭嶺迴旋處灣位會由雙線改為三線
粉錦公路出粉嶺公路西行嘅車流唔使入圈就可以直出粉嶺公路西行
不過最多令粉錦公路冇咁多車塞迴旋處及減少迴旋處塞車時嘅嚴重擠塞情況
對大頭嶺迴旋處嘅擠塞情況影響唔大
(次次上水大塞車好似都有粉錦公路份)


問題在於上述工程完工後
粉嶺北、聯和墟、粉嶺市、粉嶺南、上水市、天平嘅都仍然要經雞嶺迴旋處出粉嶺公路西行，清河、太平同樣有部分選擇經雞嶺迴旋處出粉嶺公路西行


雞嶺迴旋處出粉嶺公路西行嘅繁忙情況只係少咗來往沙頭角、打鼓嶺及坪輋車流


而粉嶺公路西行入大頭嶺迴旋處嘅繁忙情況只係少來往文錦渡嘅車流(改經粉嶺繞道)
石湖墟、粉錦公路嘅車流亦依舊如常


亦即係雞嶺迴旋處同大頭嶺迴旋處較剪位仍然冇乜改善到
兩個迴旋處一齊塞
火車軌以北及以南可以繼續分別經粉嶺繞道、馬會道、百和路來往大埔方向
但來往新田方向嘅話
就只有上水北可以經新單程引道出新田公路西行(粉嶺北都可以改道行新引道避迴旋處塞車) 但上水南及粉嶺南都無可避迴地要塞迴旋處


雞嶺迴旋處冇空間起直通道路貫跨過迴旋處連接馬會道及百和路
大頭嶺迴旋處上空已經預留起引道由寶石湖路南行直通粉嶺公路西行
所以餘下百和路及馬會道交界天橋起引道呢個方法


粉嶺公路上面的百和路東行起返條引道由天橋落粉嶺公路西行
另外粉嶺公路東行入百和路西行可以起天橋或隧道
等粉嶺南出粉嶺公路唔使下下行咁遠去到雞嶺迴旋處同其他車一齊塞
粉嶺市、聯和墟就繼續用返雞嶺迴旋處來往新田方向


減少車流經雞嶺迴旋處及大頭嶺迴旋處較剪位就已經對北區嚴重塞車時的情況有好大幫助
所以應該要起引道將粉嶺南嘅車直接連接粉嶺公路新田方向
咁就唔使有大改動之餘又可以解決問題

ryandroid 發表於 2017-11-24 02:14
今晚大塞車已經反映咗粉嶺公路一直存在嘅問題
就係兩個來往新田公路嘅雞嶺迴旋處同大頭嶺迴旋處太近
大頭嶺 ...

建議掃管埔路(南行)駁粉嶺公路(西行)起引橋。為免交叉位，粉嶺公路(西行)出大頭嶺迴旋處分叉口東移至雞嶺迴旋處之下。

s3n370 發表於 2017-11-10 18:48
講頂癮，點夠保羅大大嘅大道理頂癮。咁鐘意度度加出入口，加到窩打老道，個個路口都通到去好唔好？咁多出口 ...

龍翔道夠係多出入口(雖然我承認係有D賣大包成份)，但佢有冇全天侯塞死左呢？