政府倡紅隧加價-公帑補貼西隧分流

https://hk.mobi.yahoo.com/home/改善交通擠塞-六隧須通盤考慮-政府倡紅隧加價-公帑補貼西隧分流-221121374.html

究竟呢篇文章同巴士班次及有咩關係? 政府請返嚟顧問往往寫報告只係針對某問題，唔會考慮其他因素等問題，以呢個為例，即使紅隧加價，成效大唔大?有幾個論點:

1）政府呢個政策比起其他國家道路設施已經落後咗好多年，新界新市鎮規劃早期只係解決居住擠迫問題，道路配套一直以嚟都係非常參差，政府諗住單憑紅隧減價，擠塞問題有無改善呢? 巴士班次問題有無正面去改善?請大家自行判斷。

2）道路網車流近年嚟都增無減，有點路面更而且擠塞情況越來越嚴重，巴士班次難免一定首當其衝，如果車輛分流，一旦繁忙路段無做分站重新偏排，問題一樣係呢度。

3）沙田大埔公路、大老山、獅子山隧道擠塞問題，點解政府顧問無計及估算呢三個地區車流分佈不平衡問題，如果政府有決心解決呢個問題嘅話，區議員點解將呢件事視而不見呢？歸根到底，都係區議員嘅山頭主義造成呢個局面，只係運用目前資源去解決巴士班次問題，根本係換湯不換藥，長遠係迷要將地區重新規劃、重組巴士線及興建新道路等，我覺得呢個先至解決巴士班次效率等問題，而唔係盲目去將紅隧減價將車輛分流。

4）政府諗住用公帑去補貼西隧係一種幼稚行為，做法不切實際，如果咁做，只係將車流會大量湧入至西九及上環一帶
，一旦擠塞，基本上可以拖累哂整個中上環交通，巴士會受害更大，九龍灣及觀塘亦都會有相同情況。

總結，現時大埔工業邨、屯門、元朗、上水、粉嶺安樂村工業及葵涌等只要搞好呢個地區配套，擠塞問題可以大大改善，巴士路線可以更加靈活變動及更有效率。