尋找 Network SouthEast 的足跡 - 前倫敦地鐵 Northern City Line

尋找 Network SouthEast 的足跡 - 前倫敦地鐵 Northern City Line -  Highbury & Islington - Moorgate段


小弟一次於倫敦 Highbury & Islington 轉乘 Victoria Line 時, 發現 Victoria Line 旁的月台竟然是留有 Network SouthEast 既色彩。 當晚上網翻查紀錄, 發現其 '前倫敦地鐵' 既身份後, 小弟翌日便帶同相機及一張 Zone 1-6 Travelcard, 再次前往 Highbury & Islington。


Moorgate 至 Highbury & Islington 及 Finsbury Park 呢段 Northern City Line 於1903年由當年 Metropolitan Railway 既分支 Great Northern and City Railway 營運。 1933年倫敦既運輸處 LTPB 宣佈統一各地下鐵路既時候, 此段路軌則落入 Northern Line 既管理。 值得一提既係其實呢條支線當年係同 Northern Line 無路軌連接 - 唯當年因為 Northern Line 係有計畫繼續向北延伸 (Northern Heights Extension), 所以此線才納入 Northern Line 既走線之內。

1977年, Northern Line 把此線既營運交回 British Rail, 而 BR 亦把其 Finsbury Park 既總站駁上主線, 令列車可以繼續向劍橋方向行走。 後來政府宣佈把國營鐵路私有化及會批出專營權後, BR便分拆成多個區域分支, 而呢條 Northern City Line 便歸 Network SouthEast 管理 - 現今月台上既設計同標誌大多都沿自呢個時期。 就算後來 West Anglia Great Northern, First Capital Connect, 以及 Govia Great Northern 先後取得 Northern City Line 既專營權, 各營運商都沒有翻新月台色彩, 把 Network SouthEast 既遺物保留至今。

細心留意呢四個站既建造, 個月台其實留有好多倫敦地鐵時期既遺物。 首先, 個月台設計係帶有地鐵風味既重鐵規格 - 月台六卡長,而管道大少亦同 Metropolitan Line 既管道相約。 第二, 呢段路軌係有當年供電第四軌 - 雖然而家使用既列車 (三卡一組既 313系) 只係使用第三軌供電, 不過第四軌依然係保留左係度。

除咗 Highbury & Islington 至 Moorgate 呢段鐵路保留咗 Network SouthEast 既色彩之外, 早前 Network Rail (而家負責管理全英國鐵路既基建既企業) 亦同保育團體合作, 把另一個當年由 Network SouthEast 管理既站 - Downham Market - 翻新, 並披上復古 NSE 顏色。 另外, 而家依然有唔少標誌同牌面係未被更換,依然戴住 Network SouthEast 既圖案, 大家下次係英格蘭東南部搭鐵路既時候,不妨留意下~~



Essex Road 呢度張貼左張 Network SouthEast 年代既路線圖


從 Old Street 望往 Essex Road 方向 - 見到廣告上的污積 大家大概可以推斷到個月台係隔幾耐清洗一次


Moorgate 既車站大堂 - 留意其建築風格同同期既倫敦地鐵幾乎相同


Old Street Platform 4


Old Street 既路線圖則屬 First Capital Connect (Govia Great Northern 既前既上任營運者) 年代 - 留意路線圖被白色貼紙遮蓋既地方就係 First 既標誌


Essex Road 望向 Highbury & Islington 方向

Essex Road