[舊瓶新酒] 東九龍A線重組

A29觀塘道加站後，由將軍澳巴士線兼顧觀塘道之勢已成定局
而隨著A26開辦，安達臣將會成為A線既得利益者
有鑑於此，有需要重新審視東九A線網絡

現時東九龍A線有以下問題：

1. A22與A29在觀塘道重疊
2. 藍田站A22服務並不能被A29服務取替
3. A29P/A26觀塘山客源重疊，走線交叉，效率甚低
4. 黃大仙3條A線重疊，未達致有效分工
5. A29P對將南居民而言非常迂迴
6. 康城無A線服務

本建議源自B2版討論，為免騎劫相關帖子，決定另文討論

————————————————————————————————————

A26 油塘——機場

走線概覽：油塘<>碧雲道<>寶達<>安達臣<>彩虹至黃大仙<>機場
班次：60分鐘一班，與A26P聯合為碧雲道及黃大仙，提供30分鐘一班A線服務
走線：https://goo.gl/maps/G3S68pFskkB2

按原建議開線
如果行車時間快過A26P導致黃大仙做唔到聯合班次，則繞經寶達總站


A26P 油塘——機場

走線概覽：油塘<>碧雲道<>秀明道<>四順<>彩虹至黃大仙<>機場
班次：60分鐘一班，與A26聯合為碧雲道及黃大仙，提供30分鐘一班A線服務
走線：https://goo.gl/maps/CgxB9d9WzCv

取代A29P於秀明道及四順的服務
秀明道四順站位/站數可作微調，以達致黃大仙聯合班次


A29 康盛花園——機場
走線概覽：康翠<>坑寶<>觀塘道三站+牛下<不停站>機場
班次：減至30分鐘一班，與A29X聯合提供15分鐘一班觀塘道A車
走線：https://goo.gl/maps/qLknBZKgD9P2

透過飛走黃大仙堆站，換取加停牛下並略為減班


A29X 日出康城——機場
走線概覽：康城<>將軍澳站<>調景嶺<>啟田藍田站<>觀塘道三站+牛下+法院<不停站>機場
班次：30分鐘一班，與A29聯合提供15分鐘一班觀塘道A車
走線：https://goo.gl/maps/AvPkJ3avgbA2

主要代替A29P將南服務，提供康城A車服務
並補償藍田站A22縮短後真空位
特登飛走尚德去拉開同E22A時間差距，反正尚德有尾站E車
咁做可以行寶順路用巴士線入將隧，平均應該會比E22A快5分鐘兜完將南


A22 啟業——機場
走線概覽：啟業<>啟德<>原線至機場
班次：20分鐘一班
走線：https://goo.gl/maps/U9uNBatwm7k
（劃唔到宏照道右轉沐翠街，自行想象）

縮短A22，經典建議，在此不贅


用車：

A22               -3
A29               -1
A29P>A29X   +3
A26               —
A26P             +3
總計              +2

————————————————————————————

建議如果落實，基本上所有問題都解決曬，無明顯受害者

歡迎討論

1、有個位比較麻煩：馬游塘村，剛好在康盛花園和寶達中間，且距離兩邊都有一定距離；再者A29P在開線後差不多一年才在該處加站，恐怕當地居民不會那麼容易讓一條機場線得而復失吧。所以至少要從E22A要分一條上山線去補位，例如E22B復辦，全日60分鐘一班。
2、A29X或者在將藍隧道建成後開辦意義更大。現在要從調景嶺出將隧，通過後再繞進藍田站總感覺有點費時失事，而且康城似乎尚有多處發展未完善（雖然都叫起咗成8年，奈何康城個盤真係太大）
3、A22既然入到啟業，不如進一步拉入郵輪碼頭插旗。當高鐵站和港珠澳大橋啟用，A22直送內地遊客坐郵輪，簡直完美

既然已經有"由將軍澳巴士線兼顧觀塘道之勢已成定局", 好似以鐵路為骨幹政策咁不可動搖...
A29加咗站但又變返30分鐘一班說不上是"無明顯受害者"吧...
不過將軍澳人都唔係重點...最緊要都係維持觀塘道靠兩條A29系做返聯合班次15分鐘去機場解決A22太長太兜呢個唔關將軍澳事的問題..
其實A29應該改翠林開就行寶琳路去寶達,經下秀再落觀塘道...做到觀塘接近零盲點...而觀塘道班次又可以再密D...
將軍澳坑寶搭返E22A算啦....搬返總站去寶琳....城巴應該點吼都唔會再主動睇中條E22A要佢停埋觀塘了吧....

hellomato 發表於 2017-11-23 09:29
1、有個位比較麻煩：馬游塘村，剛好在康盛花園和寶達中間，且距離兩邊都有一定距離；再者A29P在開線後差不 ...

以馬游塘人口，政治上完全唔會有牙力
當將南康城觀塘道都得益既時候，馬游塘相信無論點反對都唔可能拉倒個重組
更大可能係當區區議員根本唔會理

至於A29X
有人提過，宜家A29P就算慢過E22A，仲要兜山，仍然有一班捧場客
A29X飛走尚德行藍田，其實差唔多時間上龍翔道
出到來至少會快E22A約15-20分鐘到機場
吸引力只會更大

而A29X本身好大目的係要處理藍田站問題
A22/E22既非正常走線一直都為人詬病，相信趕緊唔少客落其他交通工具
藍田本身人口其實相當龐大，A29X或者會喺啟田/藍田開拓到一批新客源
加埋將南同觀塘道班客，A29X其實客量唔成問題

最後郵輪碼頭，有車當然可以咁玩
但出到幾多客就真係未知之數

hellomato 發表於 2017-11-23 09:29
1、有個位比較麻煩：馬游塘村，剛好在康盛花園和寶達中間，且距離兩邊都有一定距離；再者A29P在開線後差不 ...

1. 馬游塘村，其實佢地本身都可以290/A+A31/2，最多咪做個跨公司轉乘比佢地轉A車

2. 其實A29X咁設計條線我覺得已經有少少為中幹線鋪排，因為即使中幹線開左之後都唔會將南直踩六幹入機場，都一定要兜少少其他地方

既然係咁，不如短時間內先係咁行(A29X)，到六幹開之後將南↔藍田站↔啟田↔碧雲道↔油塘↔中幹線

A29X有無需要兜藍田？而且黃大仙都有嘈慈雲山竹園無A線

康翠由 A29P > A29
感覺又黎多次加班換車程減慢 ? 康翠搭 A29 去到坑口 , 本來嘅 A29P 會唔會已經過埋四順 ?

btw 其他建議無大問題

castanopsis 發表於 2017-11-28 02:29
以馬游塘人口，政治上完全唔會有牙力
當將南康城觀塘道都得益既時候，馬游塘相信無論點反對都唔可能拉倒 ...

小弟正是將軍澳人。不可否認的是，繁忙時間爬山出將軍澳係好過塞將隧。
尤其對康翠來說，山上走點都好過陪兜。（如GU9338師兄所言）
因此即使A29P只有1小時一班，除非有補償路線
康翠都不會輕易把它放走（加上馬游塘村這個“小弟”）

說到郵輪碼頭，自2013年開幕至今人跡罕至，正是因為位置“偏遠”且缺乏對外公共交通。
只有去觀塘的5R、去九龍灣的86綠小和去北角、觀塘的渡輪。
拉A22進去也順手做起一批九龍西入郵輪碼頭“探秘”的市民遊客，
搶先在九龍塘—郵輪碼頭線開辦之前。
（不過後者應該主打去旺角深水埗一帶，與A22做佐敦尖沙咀沒太大衝突）
而且路線全長應該跟現有A22差不多，不用額外加車。

10598C 發表於 2017-11-28 07:11
1. 馬游塘村，其實佢地本身都可以290/A+A31/2，最多咪做個跨公司轉乘比佢地轉A車

2. 其實A29X咁設計條線 ...

你個長遠A29X方案對將南而言太慢，佢地未必會受落
中九龍幹線開通之後，東九將軍澳A線仲有好多可能性

講真，宜家局勢係，A線會做埋港珠澳大橋條水
到時A線既潛在客源有幾大，今日仍然係未知之數
如果到時客量翻倍，A線有條件再拆散
有呢個不確定因素，我覺得過早規劃未來A線重組，無意義

巴士的膠 發表於 2017-11-28 11:58
A29X有無需要兜藍田？而且黃大仙都有嘈慈雲山竹園無A線

兜藍田停法院係為咗補償A22縮短
除非搵到其他方法處理藍田站同翠屏問題，否則A29X點都要咁行
而講真，藍田人口唔少，兜藍田用既時間又唔多
城巴角度係抵做

至於慈雲山竹園，你搵A29X兜上去，等同趕客落E22A
呢兩區要A線，宜另開線處理