九巴個ETA好廢

九巴某啲路線話就話好密，但係成日甩班甩到十幾分鐘都無車到。咁我想靠個ETA轉車，連個ETA都係假嘅。我搭258D喺轉車站落車想轉58M，落車嗰刻我睇咗ETA係1分鐘（再下班係12，嗰個時段係7至9，即係已經甩咗班啦）。點知1分鐘班58M無出現到，幾分鐘之後班車消失埋，下班車繼續由8倒數落去，結果為咗條58M等咗超過10分鐘。

跟住我上咗車，開埋車個ETA重係1分鐘，部車過埋小欖交匯處就由1直接消失，即係個ETA根本追唔切班車，班車停咗喺轉車站成分鐘上客都唔知。

九巴甩班依舊之餘，重要整個ETA出來fake人。如果個ETA無嗰班車，咁我一落258D見到260X都會即上啦。（我要去個位由轉車站得58M同260X到，當中58M直達，260X要兜一個圈，就係258D偏偏唔到，差一個路口先到）

九巴服務真係越來越垃圾，又收得特別貴，最衰我出發啲位（例如畢架山花園同豐力樓等）無其它選擇，即係焗搭。九巴咁嘅垃圾服務（收車甩班加價樣樣齊）唔單只續到專營權，重要俾佢投到一大批新線，人哋城巴同嶼巴服務不知好過九巴同新巴幾多，城巴喺九龍無新線搶九巴客真係可惜。

九巴廢極都唔夠某個係讀唔知咩大學既人講既野咁廢

Relax D 睇開 D 咪幾好

You Again.  都唔知58M同豐力樓/畢架山花園有咩關係。

岩呀岩呀，到時新城出左ETA一定好過九巴九條街啦。(好似係

有得睇都好過冇得睇，講完！

不過講開又講, 有時用九巴app睇ETA, 唔知點解好似會出左第二D時間出黎(唔知係咪另一條線),
好明顯見到D時間跳一跳先變返似樣, 點解會咁?

樓主去建生喺大興體育館或者青田路落車都得呀
不過ETA係抵鬧，喺將軍澳區同各個轉車站都唔太準時，都似乎係有好多車未裝GPS

如果倒數至快將到達再過多幾分鐘都冇車出現就話啫, 差一分鐘已經算好準啦

Mueller 發表於 2017-11-28 21:37
如果倒數至快將到達再過多幾分鐘都冇車出現就話啫, 差一分鐘已經算好準啦 ...

佢係1分鐘咗好多分鐘，之後班車消失埋（佢消失得快啲咁我揾其它車走啦）

其實就無人叫你死等58M
去良田仲有大大條960同260X