本帖最後由 ky26042008 於 2017-12-6 23:22 編輯
咁唔通元朗上蓋又唔係用黎補貼西鐵? 西鐵個站咁大, 冷氣都會開多D啦, 重有免費輕鐵接駁, 收貴D有咩問題?
唔搬機場邊到黎咁大塊地比你賣? 你變出黎? 你試下去大嶼山搵一樣咁大塊地黎賣, 睇下賣唔賣到咁多錢?
咁版友唔想我用今年既資料咪試下用水晶球幫我搵下出年或者高鐵通車十年後既資料囉, 我就唔識玩水晶球啦
|
|
|
|
|
|
|
|
|
開長途車我支持, 但係我認為短途客都好重要
之前陳帆局長話高鐵機場聯運都幾值得搞, 深圳福田去機場:14分鐘高鐵+22分鐘機場快線=淨行車時間全程36分鐘。
去程可以市區預辦登機, 回程可以直接從機場托運行李到西九 (話計劃中)。都幾方便
首先一定頂死深圳機場, 香港機場航點夠多, 機票夠平, 一個鐘頭由深圳市中心到香港機場冇得輸。
甚至可以吸引到廣州佛山坐高鐵嚟香港坐飛機, 一定有客源而家一日有兩班由廣州去香港嘅飛機
|
|
|
|
|
|
|
|
|
本帖最後由 ky26042008 於 2017-12-6 23:27 編輯
我而家講賣地係講賣啟德塊地喎, 關西九龍咩事? 麻煩版友再去睇多次我寫左D咩
我咪假定左西九填海區賣地唔關機場事先淨係計啟德呢塊從搬機場直接獲得既土地囉
2000年我就無水晶球，但我就見東涌又賣地，西九又賣地，土地收益早就圍左好下吲份成本
照你咁講，西九商鋪收益就更加要計落高鐵項目，係咪咁講啊？
如果冇機場係隔離東涌賣地可以賣得咁過癮? 版友又唔睇下梅窩賣地賣成點?
西九站個商場梗係可以計落高鐵收益啦, 我從來冇講過唔得, 我係講扣除左原來租值淨返果筆先可以計
以圓方為例, 現時利潤10億一年, 如果高鐵通車後變左15億一年, 多出黎果5億咪可以計入高鐵造成既收益囉
港機場簡值係暴利，2016年利潤80億
所以有人咪用機管局可以自行舉債起三跑話繞過立
係呀, 所以起三跑我係話之佢既, 雖然我認為不切實際, 但係佢大把錢咪由得佢自己起飽佢, 至於污染問題,
香港人就係D要冇左先會黎珍惜既動物, 咩白海豚冇哂我都理唔到咁多啦
根據港鐵2016年年報, 港鐵該年利潤為102.5億港圓, 咁佢係咪更加應該自行舉債起高鐵呢?
另外, 本人的確係引用錯誤數據, 2016年機場 入境 24 690 371 出境 23 950 602, 即係4800萬人出入境
即係條數係好簡單, 轉機客係7000 - 4800萬人, 即係2200萬人
重有, 過夜旅客及非過夜旅客人均銷費, 旅發局係有數字統計, 唔洗你靠估, 人地少極人均都洗幾千蚊
人均消費睇黎係浪費時間, 相信版友中學時都學過點計平均數同中位數,
當有極端值出現時, 平均數係會完全收映唔到實際既平均架, 所以我地先要用中位數計收入, 因為用平均數計一個誠哥就拉高哂,
同埋版友既"7000萬人"係點黎? 我講過我比既1100萬+5666萬人係唔準確既, 因為係計埋唔係機場入境既人
重有, 明明我就支持你觀點, 坐得飛機都肯銷費
明明高鐵作用就係開長途車去南中國, 你就唔想2200萬人次轉機客過境香港, 唔知想點
高鐵車費貴得過飛機? 高鐵車費平咪引埋班大媽落黎跳廣場舞囉, 你估平高鐵會吸引到馬雲黎買野?
既然版友講高鐵作用係開長途車, 咁點解而家話8成都係短途既? 唔通港鐵買堆香港版CRH380A要黎擺? 明明批車都走唔到長途既
東北新幹線幾時完工啊? 1982年先通車, 通左車還唔起?
請問版友知唔知呢個世界上有一樣野叫利息, 東北新幹線1971年開始興建, 1982年通車, 你估你借10年錢唔使比息?
版友正確呀, 其實日本國鐵自1984年起已經轉虧為盈, 不過可惜負債過多, 賺果少少連息都比唔起呢
我已經比過圖你睇, 最搵錢既JR東海9成收入都來自運輸, 其次既JR東日本都有近7成收入來自運輸, 唔好唔記得東北地區重有一堆蝕錢鐵路要養
副業最發達既JR九州 (鐵路收入只佔1.5%) 反而係其中一間蝕錢JR (今年剛剛洗脫污名, 有錢賺)
(又要再貼多次)
麻煩自己入去睇
圓方港鐵頭號商場收緊10億租, 用你計法西九龍總站收30億租唔面對, 想點?
你用地鋪呎價計商場既鋪梗係多架, 都話蘋果又一城店先得$250/呎, 我地計32萬呎高鐵商場, 一年有9.6億, 同圓方差唔多
長途車郁D都搭10個8個鐘, 搵鬼搭呀?
空域不足係咁易解決就好囉, 而家香港機場航道有兩條比深圳機場降落航道頂住, 有一條就民航處唔肯削山比座山頂住,
重有就係比解放軍15700英呎高度限制頂住 (所有向北飛既飛機要高過先比入中國境) 民航機巡航高度先三萬幾呎,
你要人地爬升一半先比人地過境, 浪費時間, 如果以上問題可以全部解決, 三跑都唔需要起, 因為香港機場雙跑道容量可以增至每小時86班機 (現為68/小時)
以上問題唔解決, 就算起三跑都冇用, 因為頂住既繼續會頂住, 飛機都係起飛唔到, 但係你估深圳機場同解放軍會唔會理你?
香港機場既最大容量根本遠高過而家, 可見英國人既真。遠見
頂住哂, 點行呀, 雖然叫做最大讓步, 不過頂住就係頂住
|
|
|
|
|
|
|
|
|
你問我們的目的地，我們的目的地很多，不過比較主要的是深圳、東莞、廣州、潮汕、廈門、杭州、上海等地。我們很多同事都很期待高鐵開通，因為除了去深圳外，其他目的地都會有幫助。
有很多人會說，廣州東附近才是廣州的市中心，沒錯那是市中心，但不代表所有公司都在那邊，對我們來說，廣州南是比較方便，而且將來有聯絡線往廣深舊線，將來開西九知廣州東的車也是可行的。
其他地方的優勢有多明顯我不重複了，杭州、上海是作為飛機的補充，之前林鄭去上海，都遇到飛機延誤一整天，同行有人改坐高鐵經深圳回港，比其他人早了大半日到。如果這些地方有動臥，優勢更大，可以和飛機有一定的競爭力。
|
|
|
|
|
|
|
|
|
本帖最後由 ky26042008 於 2017-12-6 23:56 編輯
其實版友都提到 貴公司既目的地比較多集中係短途目的地, 如果長途 (例如上海, 杭州), 高鐵都只會係次要既選擇,
如果係咁, 係咪表示係飛機冇延誤問題既時間都會以飛機作第一選擇? (始終飛機都唔係一年到尾都延誤)
因為如果係咁, 相信係飛機冇誤點既時間, 往上海既高鐵客量相信都會有一定既問題 (中國民航機誤點又係解放軍做既好事黎)
另外想問一問, 中國高鐵班次有冇寢台列車? 動臥係咪全部都係動車班次黎?
同埋根據現有資料, 往廈門同潮汕既高鐵只有一日一至兩班, 如果真係咁, 使用高鐵前往廈門既意欲會唔會有影響? |
|
|
|
|
|
|
|
|
本帖最後由 HU6455 於 2017-12-7 17:06 編輯
無人叫你玩水晶球, 不過要比較, 就應該用D機場開通前既資料, 去同依家高鐵開通前既資料做對比
另外, 你用依家高地價去話補貼係正確係合理, 但你有冇思考過高地價係咩原因? 咪就係你一直無視基建對香港帶來既邊際/間接利益囉 如果香港唔係同國內有咁緊密接觸, 來往咁便利, 如點吸引國內既投資者呢? 無國內投資者, 地價唔高, 就唔會有你所講既利潤啦
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
