高鐵香港預計每日開行超過一百對列車

我認為最麻煩係中國高鐵無自由席，使用率極高又要實名購票，加上港人購票困難，假如在內地設置關口（不論一地兩檢或兩地兩檢），但乘客目的地唔係關口站而要轉車，會有以下難題：
－預先購票，即使預留充足接駁時間都可能會有送車尾風險；
－即場購票，不能保證搭到下一班車，對商務客不便，多人出行亦高風險；
－如屬旅行團，團友過唔切關就會整團車票作廢，又不能保證搭到下一班車。

再者，如在內地設置數個關口兩地兩檢（現有直通車模式），則進港列車不能載流水客，浪費運力，而且好難預計甚麼車站最有需要設置。

即使而家，搭東鐵到羅湖轉廣深線已經唔係幾有效率，所以直通車貴一貴都有大把人搭，包括我的廣州親戚，如目的地高鐵班次較疏要等過關將更費時失事。

至於直通巴，廣州就有得爭，但再遠都好考驗忍耐力，二三線城市未必有飛機即使有都貴或易滿座，我識得祖籍福建或汕頭的朋友／街坊而家都已經寧願轉轉折折上深圳搭高鐵。

因此，一地兩檢係最一勞永逸亦有其必要，旅客只要在香港預足時間過關，上到去之後轉幾十次去乜野窮鄉僻壤都冇問題，但用甚麼法律依據去做就有好多解讀空間。

我個人估計香港出發高鐵車程合理範圍大約去到福州／武漢／貴陽，即車程約5.5小時處，北京上海則以動臥較為吸引。

DIH 發表於 2017-11-30 22:11
我認為最麻煩係中國高鐵無自由席，使用率極高又要實名購票，加上港人購票困難，假如在內地設置關口（不論一 ...

冇錯, 現行既高鐵乘搭程序費時失事, 對飛機黎講競爭力並唔大, 加上速度亦不及飛機, 所以由飛機轉搭高鐵既乘客人數亦成疑,

如用兩地兩檢模式, 同現有直通車模式一樣, 可以使用隔離部分車卡既模式, 分為國內同過境車卡, 其他車卡仍然可以載流水客,
不過最大問題係, 中國國內流水客既車資係並唔會撥入港鐵收益, 所以中國流水客對高鐵收入並無幫助

我識得祖籍福建或汕頭的朋友／街坊而家都已經寧願轉轉折折上深圳搭高鐵。

好難明白點解你只會當大陸係一個點，唔係一個有13.7億人的國家亦都好難理解點解會用一日1800鈛里的行車距離假設所有人都去呢個目的地

冇錯, 去任何地方都會有一定市場, 甚至北韓都間唔中有香港人去, 但係問題係呢個市場大唔大, 夠唔夠大去支撐一條高鐵
香港高鐵既收入只會來自由香港出發/ 去香港既乘客, 換言之話之你去到深圳即刻變沙甸魚, 都唔會關香港事, D錢只會比哂廣深鐵路公司,
所以而家既問題係: 由香港出發/ 去香港既高鐵乘客夠唔夠支撐一條高鐵, 如唔夠, 點樣開源節流, 使高鐵不致變成無底深潭?

因此，一地兩檢係最一勞永逸亦有其必要，旅客只要在香港預足時間過關，上到去之後轉幾十次去乜野窮鄉僻壤都冇問題，但用甚麼法律依據去做就有好多解讀空間。

冇錯, 而家最大既爭議並唔係高鐵/ 一地兩檢本身, 而係一地兩檢既法律依據, 而家進行一地兩檢既所謂法律依據只會嚴重損害香港法治,
係未有合適既方案前, 為政治理由而急於實行一地兩檢係唔正確, 亦唔理性既

我想搞清楚點解粵東福建大把人租籍呢兩個地方同幾千萬人唔係重點地區之一
大陸準時率係網上可以查，係9成以上
大陸唔係得探親，係有旅遊及出job等

首先, 現時既廣州~上海高鐵係經南昌, 杭州等地, 換言之係行內陸, 而唔係沿海地區, 並唔會途經福建,
由此推斷, 香港~上海高鐵亦會採用相同既路線, 唔經福建

其次, 請問中國高鐵既準時率係點計, 因為世界上有兩種標準, 標準同中國標準, 我唔係太清楚中國標準,
日本最頻密既東海道新幹線既準時率係2013年係每列車每年延遲54秒, 延遲少於一分鐘既班次達95%,
法國TGV既標準係表定時間12分內到就叫準時, 準時率亦只有91%, 如果一架高鐵遲左12分鐘到, 已經足以打亂行程, 因為可能已經趕唔到下一班車

就如我之前講過, 旅遊同出Trip主要都係會前往大城市, 相信去福建/ 南昌/ 長沙旅遊或者出Trip既人唔會多, 而大城市, 一般亦已有飛機服務

同時，做生意計，係咪應該協商開夜車安排，而唔係消極地認為唔知有無夜車？

我唔係消極地認為冇夜行火車, 而係根據資料, 每日香港只會有5對列車來往上海, 4對來往北京
問題係呢5對同4對車係講淨高鐵定係高鐵加夜行高鐵 (如有)?
如果係後者, 只會使日間高鐵班次更加疏落, 我已經採用前者計法, 只假設日間有5對/ 4對高鐵往上海/ 北京, 但係結果發現班次對一般乘客黎講係仍然不便既,

此外, 現時廣州~上海既夜行動車 (D字頭班次)雖然係經福建, 但係問題係到廈門北時已經係夜晚11點半, 呢個時間接駁交通係缺乏既, 亦大大減弱夜行班次吸引性,
除非版友夠膽夜晚12點係中國街頭周街走, 否則夜行班次對中途搭客吸引力係缺乏既,

根據而家最新既資料, 除左北京同上海, 前往其他地方既中長途班次只有每日一至兩班, 吸引力更有限, 所以一地兩檢只係為呢每日24對列車服務會唔會物非所值?

各位版友可以參考下香港01係8月既報道

其實高鐵轉車咪同飛機轉機一樣，你緊係自己要預留足夠時間啦

而兩地兩檢本身個關口都淨係做來回香港既車，根本每日出入境人數係可以預計，會出現塞關口既機會係好低

同埋兩地兩檢香港車又唔一定做唔到流水客，呢樣可以參考返歐洲之星，佢地有啲站無出入境設施要先搭到大站做出境手續，架車有部分車卡會劃俾呢啲人搭。只要將架車部分既車卡劃俾流水客搭就已經搞掂。

至於出入境問題只需劃多個窗口檢查佢地既中國身份證已經搞掂，無關卡既車站就喺落車前檢查。

ky26042008 發表於 2017-11-30 23:54
首先, 現時既廣州~上海高鐵係經南昌, 杭州等地, 換言之係行內陸, 而唔係沿海地區, 並唔會途經福建,
由此推斷, 香港~上海高鐵亦會採用相同既路線, 唔經福建...

就咁睇就知朋友你跟本唔了解國情, 朋友你本身已經唔肯願意去接受呢件事, 只係一面倒相信一d香港一兩份報章既報導, 再自己假設一d野, 就當果樣係真, 一面倒去反對
有時d野, 係要市場去調節, 今日講既預計班次, 你就講到好似一世都係得呢d班次, 有需求, 自然有服務, 如果一項大型基建, 一開通就達到佢目標人數/班次, 咁呢個大型基建, 仲叫做成功嗎?

好似西鐵咁, 一開始人人話佢大白象, 開通時小貓三四隻, 屯門d人又話出市區要兜元朗話麻煩, 邊會有人搭... 依家呢?? 仲有人會咁講嗎?

ky26042008 發表於 2017-11-30 01:39
你某程度上係正確既, 我唔係反對一地兩檢, 因為一地兩檢世界上有先例係運作良好, 如英法間既歐洲之星系統同美加間機場預檢系統
我反對既係中國既一地兩檢(由信唔過既國家做), 同埋最重要, 最重要既係割地式既一地兩檢法制, 呢樣係世界上從未有過既 ...

有時, 社會係要有新思維, 先會有進步

世界上所以運作良好既野, 都有佢既第一次, 如果當時外國又話"呢樣係世界上從未有過既", 點能夠/可以有, 咁世界就唔會進步到今時今日咁, 就做唔到你所講既"一地兩檢世界上有先例係運作良好"呢樣野

講真, 香港依家就係欠左呢樣野, 先令咁多地方(就算唔計中國) , 超越香港, 參考外國成功例子唔係唔好, 但下下只參考外國, 只會變到跟住別人走一樣

HU6455 發表於 2017-12-1 02:10
有時, 社會係要有新思維, 先會有進步

世界上所以運作良好既野, 都有佢既第一次, 如果當時外國又話"呢樣係 ...

當然社會係要有新諗法先會有進步, 不過香港割地式一地兩檢算係咩新思維?
係西九站地底兩層樓全面實行中國法律叫新思維? 呢D叫割讓土地, 同1841年清朝割香港比英國一模一樣,
可能以後香港唔叫香港, 叫前大清國往大不列顛國的一地兩檢管制站啦, 深圳過條河出完清國境入埋英國境, 連接大英帝國既網絡

如果政府諗到一個方法可以係唔破壞香港法制下做一地兩檢 (唔係而家語言偽術式唔破壞) 咁就真係新思維, 新諗法啦

香港比外國超越唔係因為冇新思想, 係因為政府同建制打壓新思想, 你可以見到有幾多香港有創意既產品因為被打壓而發展唔到,
發到圍果幾樣都係因為受外資青睞, 去左外國發展先僥倖死唔去, 你可以睇下香港97前係領先幾多地方, 新加坡都要學習, 台灣更加車尾燈都見唔到,
比左中國之後, 一日不如一日, 唔通D人咁善忘過左1997年6月30日D新思想就唔記得哂?

HU6455 發表於 2017-12-1 02:00
就咁睇就知朋友你跟本唔了解國情, 朋友你本身已經唔肯願意去接受呢件事, 只係一面倒相信一d香港一兩份報章 ...

首先, 我每項推論都係從版友既論點, 合理既邏輯或者可靠既資料佐證既,
報紙唔岩聽不如我地玩下計數? 已知港鐵CRH380A每列列車定員579人+兩個輪椅位

從香港01引用中鐵第四勘察設計院集團有限公司既研究報告, 可知高鐵通車初期每日有114對短途, 24對長途列車,
根據運輸及房屋局既資料, 香港~廣州南既高鐵票價為210港圓, 已知高鐵造價864億港圓

數學推理, 假設每班短途高鐵滿座, 而210蚊既票價全部比哂港鐵, 可以得出579人 X 210蚊 = 121590蚊
高鐵通車初期每日有114對短途列車, 假設全部都滿座, 收足210蚊, 可以得出121590蚊 X 114班 X 2對 = 27722520蚊
咁假設每日都開足114對共228班高鐵, 又班班都滿座喎, 咁可以得出一年365日會有27722520蚊 X 365日 = 10118719800蚊既車資, 好似好多喎, 有成101億
不過864億都係好多既, 864億 ÷ 101億 = 8.55年,
即係只要高鐵可以班班車滿座, 全年無休咁行, 又唔食電, 又唔使保養, 又唔使同廣深鐵路拆賬, 8年半多D就可以回本啦

咁咁多班車要載幾多人呀? 我地又計下 864億 ÷ 210蚊張飛 = 411428571人, 唔係好多嗟, 4億1142萬人, 中國有14億人, 一人搭一次都發啦

不過發夢都冇你咁早呀, 邊個話高鐵張飛D錢比哂你? 廣深鐵路唔使分餅仔? 計里數分錢架!

廣深港高鐵全長142公里, 香港段佔26公里, 26 ÷ 142 x 100% = 18.3%, 中國政府送大禮, 比足20%你,
已知一年有101億車資, 101 x 20% = 20.2億, 唉呀, 做咩少左咁多架?

864億 ÷ 20.2億 = 42.7年, 唔錯呀, 都好過供樓呀

唔好話我又亂作數據, 根據政府統計處資料,
2016年香港經羅湖, 紅磡, 落馬洲(唔包落馬洲支線管制站, 你教下我落馬洲點搭高鐵), 文錦渡, 沙頭角, 深圳灣管制站離境既香港居民約5000萬人次
2016年中國來港旅客人數約為4200萬人次, 中國又送大禮, 比夠5000萬人你, 計埋香港居民共1億人次,
咁佢地全部人來回都搭210蚊高鐵就會有420億收入, 除返廣深鐵路果份, 剩返84億,

864億 ÷ 84億 = 10.3年, 唔錯唔錯, 高鐵終於見到曙光啦! 可喜可賀呀!

一項擺明收唔回成本既基建, 我唔知點樣計先會值得啦, 本地鐵路都話有上蓋發展補貼鐵路公司, 高鐵你想發展邊到上蓋? 石崗豪庭呀?
唔好同我話西九上蓋過千億, 西九撻地本來就值過千億, 起唔起高鐵都係值咁多錢,
呢個只係金錢上既遊戲, 錢冇左可以再搵過, 割地式一地兩檢過左, 造成既傷害係唔可以用錢計算,
到時可能唔係西九做一地兩檢, 係全香港一齊做一地兩檢, 要帶港澳居民來往中國通行証出街時記住唔好喊呀, 喊係留返唱中國國歌時喊架