[北港島綫系列]探討將軍澳綫/東涌綫局部直通運行的可行性

小早川優 發表於 2017-12-8 18:32
樓上支持換綫嘅朋友刻意迴避（或忽略）換綫方案會令炮台山成為鐵路孤島（以及如何成為鐵路孤島）嘅事實，更 ...

板友你誤會了
其實目前為止
眾多板友一直針對嘅係鐵路系統完善及工程問題
咁多位板友都沒有一直強調炮台山嘅問題
小弟又何來刻意迴避？

小弟都係基於呢啲板友一直拋出嚟好似好客觀嘅反對理由去提出意見
客觀事實當然有分係咪虛構啦

至於炮台山嘅問題其實並不屬於客觀問題
只係大家主觀覺得對炮台山嘅影響大啲定對全港鐵路影響大啲
呢個小弟好難就主觀問題係給予對錯意見bor
所以政府應該公開所有方案嘅數據及資料俾公眾及業界詳細參考及詳細咨詢
看看公眾嘅考慮因素及有否任何人士或業界提出嘅彌補方案
如增加巴士班次及服務啦

小弟並非單指炮台山或者東區巴士服務喎
係包括埋如果落實交匯方案
為應付交匯方案而未能有效分流港島綫嘅乘客量
有板友提出港鐵源頭減人
咁就要計計用「萬能巴士」去載哂啲新界偏遠地區人士嘅過海客用嘅「萬能巴士」會比來往港島東西嘅「萬能巴士」數量會相差幾多或者幾多倍啦

不過呢
其實小弟一直都有一個改良版換綫方案
係可以令炮台山居民仍然直達金鐘至柴灣沿線超過9成現有港島綫車站
不過炮台山居民應該眼裡只有交匯方案嘅優勢及其他方案嘅種種所謂「不可能解決嘅工程技術客觀問題」嘅話
喺度見到有啲建設性嘅意見已經係難能可貴
面對轟炸機式嘅打壓
小弟嗰啲「天馬行空」嘅方案喺度提出嚟盞嘥自己及大家時間
小弟倒下不如留返啖氣等政府詳細咨詢先講
或者話俾北港島綫最大持份者灣仔區人士聽
可能更節省時間

小弟只係想講
換綫及交匯之間其實還有很大嘅空間去探究
並非只有你死我活
嗰個空間包括東將直通方案以及其他未經廣傳嘅潛在可行方案
都值得拎出嚟一一研究
著實無必要因為那些一直廣傳嘅所謂「不可能解決嘅工程技術客觀問題」
而咁快就排除其他可能性將交匯方案框住自己及香港整體鐵路發展

ryandroid 發表於 2017-12-8 19:09
板友你誤會了
其實目前為止
眾多板友一直針對嘅係鐵路系統完善及工程問題

其實「反對北港島換綫」亦提出過若政府或港鐵堅持推行換綫方案，如何可以在現時炮台山調車隧道通風塔位置加建新車站，以減低換綫對炮台山嘅影響，但有關當局並無就於炮台山區加建將軍澳綫車站一事發表任何回應。由於政府及港鐵無法對炮台山區作出任何補償（例如加「請願駅」以及額外巴士路線/服務等）嘅承諾，因此該組識才以反對換綫為主打，而未有刻意宣傳若「硬推」換綫後嘅解決方案。

小早川優 發表於 2017-12-8 19:24
其實「反對北港島換綫」亦提出過若政府或港鐵堅持推行換綫方案，如何可以在現時炮台山調車隧道通風塔位置 ...

原來是這樣的
多謝板友嘅資訊
只是小弟多年瀏覽各大鐵路「KOL」嘅專頁
以及本版嘅北港島綫討論帖
全部都是力數那些所謂「不可能解決嘅工程技術客觀問題」
其次是炮台山問題
就直接寫明贊成交匯方案
當然政府未能詳細回應各持份者的意見固然不理想
但或許那次只是藍圖咨詢
或者要到初步設計後回應其他方案嘅可行性
但政府因為團體壓力就這樣隨便總結暫定用交匯方案
有人以政府在2014作過結論就全面打壓其他人對交匯方案嘅疑問
使北港島綫方案的討論水平仍然停留在四、五年前
實在感到遺憾
如果板友們能夠放下成見
開放討論任何大大小小的潛在可行方案或者彌補方案
就可以令討論更加豐富了
為完善香港整體鐵路網絡作出貢獻

至於板友你提出嘅方案
我亦有聽聞過
同我心目中嘅換綫方案則有些出入
係換綫方案嘅情況下
炮台山可以喺同一條鐵路直達來往柴灣至金鐘超過9成現有車站
將軍澳綫亦可以直達銅鑼灣至堅尼地城嘅港島綫車站
不過我呢啲「天馬行空」嘅方案留待以後有機會再跟各位討論吧

而板友你提及現行換綫方案中將軍澳綫加炮台山是可行及被大部分公眾接受的話
當然會是皆大歡喜啦
歡迎各位板友提出更多意見

ryandroid 發表於 2017-12-7 23:22
板友你冷靜啲先

首先呢

自起左PSD開始 就知道2條線係唔會行埋一齊門距 車長 大不同已經唔會直通
同埋以而家概技術只可以係5門變3門係可以你睇下京板車有實例
所以PSD呢個問題係冇得搞 同埋都應該幾肯定唔會拆
一嚟成本問題 二嚟安全問題
其實只要得閒google 下就知先頭車 車輛唔同 唔洗係MTR做都知
如果板友你覺得8米係足夠起2條雙向鐵路隧道
咁戈一條鐵路應該係行緊窄軌
其實板友係坐過馬鐵就知往大圍出馬鞍山後有個灣位已經行得好慢
咁你諗下你個S灣可以行幾多?

bennq 發表於 2017-12-9 00:14
自起左PSD開始 就知道2條線係唔會行埋一齊門距 車長 大不同已經唔會直通
同埋以而家概技術只可以係5門變3 ...

板友你能夠冷靜傾實在太好了

首先
我當然知道東涌綫列車長過港島綫
門距亦有所不同
所以我提出嘅全拆東涌綫幕門重新安裝就係解決諸位板友提出直通方案嘅列車兼容問題

成本當然會存在嘅
港鐵喺1999年開始為觀塘、荃灣、港島、將軍澳、東涌和迪士尼線六條綫安裝幕門
耗資23億
涉及65對月台
而東涌綫換幕門涉及8對月台
用1999年物價就涉及不多於3億工程費用

自動門物料可以重用
係自動門之間梗咗嘅玻璃要重造
所以慳咗部分物料費用
當然安裝拆除、測試都要人工
不過唔需要好似東鐵綫改月台
時間短、工序比較簡單
咁人工開支都唔會好大
相信最多六位數

全拆幕門需要增加月台助理協助約最長兩年時間
計算月台人手(八個站兩年合共不多於二千萬人工) 及通漲因素
東涌綫全綫換幕門大約需時2年及成本5億左右
對整體工程費用不會是難以承擔嘅費用
(我諗點計都唔過十億吧)

東涌綫全拆幕門最長為時兩年
當然會比其他有幕門嘅站會多少少風險因素
不過外國都有好鐵路冇幕門
香港嘅東鐵綫直至現在都係冇幕門
相信加派月台助理管理月台會降低風險因素
最重要係不論直通定換綫都要咁做㗎喇
如果大部分東涌綫乘客重視直通或換綫帶來嘅方便
相信大部分東涌綫乘客會唔介意拆幕門

另外小弟提出嘅香港至九龍四軌並非平行的
東涌綫繼續使用現有過海隧道維持西出維港
機鐵使用新過海隧道東出維港
所以中環灣仔繞道上只需要建一條雙軌隧道
而非兩條
那八米嘅水平相差足夠容納一條新機鐵隧道吧？

至於轉彎速度問題呢
觀塘綫何文田至油麻地應該係目前最S 嘅路段吧
1.8km 仍然可以維持2分鐘車程

我畫嘅隧道其實係劣作
唔好介意我唔畫張靚啲㗎喇
圖片亦未能顯示整個走綫
香港站以北嘅維港其實相當寬闊
用返現有香港站至九龍站過海隧道嘅弧度是沒有問題的
車速亦不會因弧度問題而改變

只係路軌由2.5km左右會稍微多咗五百米變咗3km左右
車程時間或需要增加1分鐘
但車程增加1分鐘但可以釋放未來機鐵班次由每小時8班轉為每小時16班
由每小時8班增加至9班足以彌補機鐵車程增加嘅1分鐘
更何況是16班？
所以香港至九龍四軌係對機鐵服務有利的

053h4 發表於 2017-12-9 08:33
任何野都有時效性，例如南港島線等足賽幾年搞到南區口老化豪宅化客流不似預期，結果本來受益的居民都無得益 ...

鐵路提前發展所以鐵路唔夠客就聽得多
鐵路過咗時效性搞到無客就真係第一次時間聽
南港島綫明顯未起好香港仔至華富段及黃竹坑未入伙先未夠客囉

北港島綫如果有時效性點解要用幾百億公帑去滿足嗰幾年嘅時效性？

長遠有鐵路需求都可以理解支持提早動工
但原來鐵路項目長遠冇咁嘅需求嘅話就唔應該起
時效性就快過期都要起咪即係擺明要政府起大白象？
你問過納稅人未？

你又話有政府官方嘅交匯/直達初步設計圖嘅？
搵到未？

受香港至九龍最密三十二班限制
東將直通冇機鐵四軌嘅話
將軍澳要由28班減至24班喎
咁樣直達慳到轉綫時間但搞到真正嘅東九龍觀塘綫乘客過唔到海喎

仲有康城入哂伙之後但將軍澳綫冇得加到30班
而變返24班
明明一條隧道可以用滿佢
但依家要迫住唔用滿佢
咁點處理呢個問題呢？

仲有就係
東將直通為求將軍澳直達西九要過2次海
將軍澳綫直通東涌綫改24班已經塞爆過海段
點解仲要預埋本身唔使過海去港島嘅將軍澳乘客要經港島直達西九龍？

小早川優 發表於 2017-12-8 19:24
其實「反對北港島換綫」亦提出過若政府或港鐵堅持推行換綫方案，如何可以在現時炮台山調車隧道通風塔位置 ...

我記得這個FB group⋯⋯想起自己當初比較支持交匯，一部分原因就是認同這個group的論點。

其實換綫要在炮台山設站，理論上不會太難。（以目前技術來看）
記得曾經有師兄講過，將軍澳北角站的掉頭隧道大約在天后廟道與炮台山道交界地下
而且預留了與天后站打通的隧道管道——因為2001年建成的時候也就只有換綫
可以在這段隧道找位置加建兩邊月台（雙側式，類似東涌綫南昌、欣澳站）
然後將現有炮台山站往東南擴建，連接兩個新月台
跟手起四部大電梯出口通上天后廟道（西營盤、港大、何文田和利東都係咁起）
另外ryan師兄講的有point的是，東涌綫最早期（1998年）的幕門
到北港島綫要建造的時期，可能也是時候更換（不知道一般月台幕門的使用年限是？）
而A-Train都用了差不多30年開始要想是退是留（尤其A-Train有過漏水、供電等問題）
同埋東涌綫的新訊號系統好像是跟市區其他綫相通的
這些都給換綫方案的實施留有餘地

不過回歸現實，交匯方案的誕生跟當時的政治氣候關係莫大
尤其換綫，大家馬上看到「港島斷龍」、「炮台山孤島」等一時陣痛被無限放大
於是交匯的推出及敲定，可謂難得的「德政」
而且港鐵和政府以後也懶得去回頭想換綫的長遠好處
當交匯建好，市民發現各種毛病，政府還可以反過來說「這是我們的選擇」
好在我們現在還可以在這裡繼續想像，換綫怎樣怎樣好⋯⋯

而且，關於換綫vs交匯的討論其實早已off曬本貼topic
這裡一開始談的是換綫vs直通。
但是既然大家談到那麼熱烈，也就算了吧～～
在下是樓主（笑）

圖轉載自「反對北港島換綫」專頁

*利申，支持東將直通，但添馬至將軍澳段必須維持最密低於兩分鐘（即10x-11x秒）一班

hellomato 發表於 2017-12-9 11:05
我記得這個FB group⋯⋯想起自己當初比較支持交匯，一部分原因就是認同這個group的論點。

其實換綫要在 ...

炮台山成為孤島，並非一時陣痛，而係長遠令呢個地方方步向荒廢，請參考地理學或城市規劃學所提及嘅「Urban Decay」。雖然炮台山即使今時今日已經係銅鑼灣至鰂魚涌之間最唔繁華，甚至充斥死場吉鋪嘅地段，可謂「死城」是也⋯⋯