[北港島綫系列]探討將軍澳綫/東涌綫局部直通運行的可行性

053h4 發表於 2017-12-5 23:16
南北線每列車載3000人，每小時26班的話，可以載78000人等同而家荃灣線每小時的客運量，會展係"無可能"上唔 ...

之前你哋唔係話會展好多新增工作人口咩？依家又轉軚
沙中線吸納大量紅隧巴士客，包括九龍城區及東鐵轉車客去紅磡，點解冇可能？

另外交匯方案入面
金鐘站至柴灣站去尖東至屯門嘅話
經金鐘搭南北綫經紅磡轉東西綫
係方便過北角轉將軍澳綫經添馬轉東涌綫經南昌轉東西綫
或者方便過經香港站轉東涌綫經南昌轉東西綫

成條東西綫加南北綫嘅港島綫鄰近工作人口放工識揀一定揀金鐘搭沙中綫去紅磡站
咁會展站何來有位上車？

換綫方案因為柴灣至炮台山直達南昌轉一次東西綫就去到美孚至屯門
咁咪少咗東西綫美孚以北班客經金鐘/會展搭南北綫
咁咪有機會上到車囉

點會唔成立？
鐵路網絡複雜咗
返工放工唔會再係搭同一路綫
唔好諗到交匯方案咁簡單冇問題

053h4 發表於 2017-12-5 23:19
根本一早研究過，換線係有代價，更加唔配合港島工作人口同居住人口對有位坐的要求
你立場只不過係會展站 ...

喂
我同你講直通要詳細咨詢
你又講一早研究過換綫
你撐交匯搵直通做掩護都唔使咁明顯啊？

直通方案政府研究過未？
藍圖咨詢有冇問公眾？
冇嘅話直通方案係咁有價值點解唔俾時間公眾消化？
政府應該詳細研究及咨詢直通方案嘅數據及細節唔好咩？
難道等交匯方案急急通過後再好似沙中綫加錢改設計咁去轉直通？
錢唔係咁用㗎bor

其實嘈左咁多頁 有冇諗過點解唔cut開港島線?
現有東涌線同港島線車距 車身闊度已經唔同
行車隧道 月台幕門係想邊一段重建
錢係其一 時間係其二 市民評論其三
無論邊一樣野係點都係要拆左是但東涌線/部分港島線去重造半條鐵路
但呢半條路概錢分分鐘仲貴過係起過條新 仲要係改建期間搞到D客 呢個係最唔想見到概情況
當係有新技術解決到呢個問題拿
咁班次問題呢?
而家機鐵同東涌線共用軌道 同埋係藍車係優先 而家東涌線最密只係做緊4分鐘1班車仲要有埋青衣特車

bennq 發表於 2017-12-6 01:19
其實嘈左咁多頁 有冇諗過點解唔cut開港島線?
現有東涌線同港島線車距 車身闊度已經唔同
行車隧道 月台幕門 ...

第一，東涌綫夠鐘換車，順便換埋啱闊度、長度都得，仲用得嘅可以改裝做機鐵
第二，幕門可以改裝，將自動門之間嘅玻璃換走，換走東涌綫幕門跟港島綫就ok
第三，起多條機鐵隧道，十號碼頭上岸，干諾道西天橋下面調頭，香港至青衣完全四軌化，可以跟港島綫一樣最密每小時32班車，以應付東涌東、小蠔灣及港珠澳大橋帶動嘅客量上升

ryandroid 發表於 2017-12-6 11:27
第一，東涌綫夠鐘換車，順便換埋啱闊度、長度都得，仲用得嘅可以改裝做機鐵
第二，幕門可以改裝，將自動 ...

1）邊度有提過東涌線夠鐘換車？
2）門位都唔對，換對幕門真係可以如你描述一樣？仲有幕門其實有同其他系統（例如訊號系統）去interlock，可以點樣處理呢？
3）起鐵路唔係玩simcity，十號碼頭上岸點避開中環灣仔繞道同民耀街以東商業地段？香港站現有月台係民祥街地底，仲有位起嗎？

eternalflame 發表於 2017-12-6 11:38
1）邊度有提過東涌線夠鐘換車？
2）門位都唔對，換對幕門真係可以如你描述一樣？仲有幕門其實有同其他系 ...

北港島綫完工時已經三十年
唔換都要大修

東涌綫幕門全拆
換咗新車先裝返幕門
自動門可以用返
係門與門之間嘅玻璃要換新

香港站機鐵月台照舊
只係龍和道原本做掉頭隧道改為海底隧道落海
掉頭隧道變咗喺干諾道西天橋地底
中環灣仔繞道喺龍和道嗰邊係水平基準下11米
機鐵月台係水平基準下3米
所以係唔影響中環灣仔繞道
中環新商業用地係靠近民耀街一帶
大會堂至十號碼頭一帶都係休憩用地
十號碼頭附近增建機過海鐵隧道唔影響商業用地發展

053h4 發表於 2017-12-6 12:20
直通方案點會未研究過? 呢到你搵番舊POST, 港鐵都列出過換線的影響
根本無輸換線定直通, 對走線係零影響

所以你咪唔識程序囉
行會未批淮港鐵詳細設計
點探土？
行會未收港鐵初步設計
點批淮港鐵進一步設計
係咁簡單話即刻咨詢就得就做咗啦
使你提政府？

換綫、直通、交匯嘅預測人流、客量、轉綫分佈數據有冇詳細列出俾公眾討論先
冇就唔該港鐵要即刻咨詢就詳細列哂出嚟啦