「機場快線」真正定義

paul2357paul 發表於 2017-12-15 00:02
香港算係咁。
睇下例如深圳市近月發生左咩野事？
有幾條機場快線被改慢南寶安區加站降格變M線：

咁呢幾條應該都算香港E線玩法，俾人變M線都算正常

284 發表於 2017-12-14 21:32
A線每站上落客人數唔多(甚至冇人上落)，就算停好多站都唔係太花時間，仍然有一定競爭力。 ...

望住A33系真系笑而不語

我唔介意佢叫唔叫做「A」線或「特快」,
我介意嘅係:
1. 有無得選擇;
2. 收貴幾多

1. 某D區域無平線選擇, 如尖沙咀, 東區, 南區, 北區。無錯機場員工有優惠, 但東涌居民無
2. 無選擇嘅區域嘅A線唔應該收得咁貴, 一來無E線替代, 二來可能唔快, 如A10, A12

機場快綫係指出入機場唔經東涌同機場後勤區，但唔代表佢唔喺市區兜路。

leochill 發表於 2017-12-15 10:14
我唔介意佢叫唔叫做「A」線或「特快」,
我介意嘅係:
1. 有無得選擇;

A線根本就係機場專線，唔打算服務東涌居民嘅。東涌居民唔該搭返E車，唔好同尊貴嘅機場旅客爭車搭。

你話某啲地方有A無E咁點？對唔住，嗰啲地方根本無必要有線去東涌呢啲偏遠小鎮，正如東區南區一樣無全日線去屯門元朗呢啲偏遠小鎮一樣。

miklcct 發表於 2017-12-15 12:11
A線根本就係機場專線，唔打算服務東涌居民嘅。東涌居民唔該搭返E車，唔好同尊貴嘅機場旅客爭車搭。

咁點解出境客(仲要帶行李)搭E線
去GTC,同東涌/後勤區嘅人爭車搭？

唔接受有啲地區有E無A
做理由,A/E線差價太遠係
先天缺陷,但唔該當買行李票
自己搵最就近嘅A線。

kitarolo 發表於 2017-12-15 12:23
咁點解出境客(仲要帶行李)搭E線
去GTC,同東涌/後勤區嘅人爭車搭？

E線基本上只有E33、E34同E41先有呢個情況（因為該區當年規劃嗰陣無A線），但係而家巴士公司已經知錯，開咗A33、A36、A37同A47補救，令到呢啲乘客避免直接搭E線去機場。

但係問題係A線同E線一樣亦都覆蓋唔到全部地方，A線唔到嘅旅客亦都要喺青馬橋轉返E線，爭車搭情況無得避免。（我之前做旅客都係因為條死人A33X唔入屯轉，條A33又疏到死，要喺青馬橋轉E33同班東涌居民爭車搭）

ricky 發表於 2017-12-14 11:43
E線快過A線例子：E22 vs A22

呢個某程度上叫做打個和，因為大家兜多咗嘅時間在於唔同地點E22兜東涌同後勤區，A22要兜九龍城、佐敦。
A22大時大節會標榜自己由藍田站去到T1只需要一個鐘，E22其實都係慢，不過可能慢廿分鐘左右。

至於樓主講A線成日要左兜右兜先去機場，主因係住宅區同酒店區相距其實唔近
但偏偏要頂起一條A車就要呢兩客源一齊。
就以上面A22同E22做例子，A22主打係來港旅客，而往住東九又有好多人要返機場番工，
九龍酒店區集中佐敦、尖咀一帶，但東九龍(九龍灣、觀塘)又要通勤
當年就得A22一條線貫通東九龍同中九龍去機場，所以A22定位上無辦法唔兜。

至於E車，主打客就係通勤客，要顧嘅地方自然相對A車少得多，
而且E車兜後勤區，做到嘅通勤客就自然更多(貨運站+空廚+航空辦公室 v.s. 兩個客運大樓)，
所以E車要兜市區嘅需求就自自然然少好多。

miklcct 發表於 2017-12-15 12:36
E線基本上只有E33、E34同E41先有呢個情況（因為該區當年規劃嗰陣無A線），但係而家巴士公司已經知錯，開 ...

其實有大把香港人喜歡以價錢為第一考慮因素，把收費的重要性看高過時間（因為有些A線實在收得太貴），尤其是回程，因為不太趕

如果唔係,，北區點會極力爭取開辦E43?

S315E 發表於 2017-12-15 12:57
呢個某程度上叫做打個和，因為大家兜多咗嘅時間在於唔同地點E22兜東涌同後勤區，A22要兜九龍城、佐敦。
A ...

A22同E22定線根本就係超錯。

A22應該要兜晒樂富黃大仙彩虹順利秀茂坪藍田呢啲住宅區做機場旅客，觀塘就留俾A29做。
E22喺九龍應該要學259D咁行，當係市區線。
E23亦都無必要開去慈雲山咁遠，去到九龍城碼頭已經足夠。